19 июн таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.
Дар кори маҷлис “Дар бораи Нақшаи кори Ҳукумати Ҷумҳурии Тоҷикистон дар нимсолаи дуюми соли 2018” ва “Дар бораи Низомномаи намунавии муассисаи таълимии таҳсилоти олии касбии Ҷумҳурии Тоҷикистон” шахсони масъул ҳисобот доданд.
Ҳамчунин Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи мубориза бар зидди коррупсия”, Оид ба лоиҳаи Қонуни Ҷумҳурии Тоҷикистон “Дар бораи гарави молу мулки манқул ва бақайдгирии уҳдадориҳои таъминотӣ”, Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйироту илова ба Қонуни Ҷумҳурии Тоҷикистон “Дар бораи иҷораи молиявӣ (лизинг)”,
Муфассал...
Субҳи 16 июн Раиси шаҳри Хуҷанд Маъруф Муҳаммадзода бо мақсади баррасии муроҷиати сокинони маҳаллаи 1 май, ки ба Раиси вилояти Суғд Раҷаббой Аҳмадзода дар хусуси ба таъхир афтодани оғози корҳои сохтмонӣ дар маҳалли зисташон, ки воқеъ дар хиёбони Раҳмон Набиев аз тарафи ширкати “Ҳусноро-1” амалӣ мегардад, бо масъулини дахлдор ва худи бошандагони маҳал мулоқот намуд.
Раиси шаҳри Хуҷанд Маъруф Муҳаммадзода дар ҳузури сокинони маҳалла сабаби таъхири гузаронидани ташхисро аз роҳбарияти ширкати «Ҳусноро-1” ва ҶДММ “Шаҳрофар” пурсон шуд.
Директори генералии ҶДММ “Суғдшаҳрофар” Мирзомуъмин Бобоев гуфт, ки тибқи қонунгузории Ҷумҳурии Тоҷикистон лоиҳаҳои сохтмонии ширкатҳо хориҷӣ бояд ба меъёрҳои дохилии кишвар мутобиқ гардонида шуда, фармоишгар талаботро риоя намояд. То имрӯз ду масъалаи асосӣ: хатҳои берунаи барқ ва обу ташноби иншооти сохташаванда ҳалношуда монда буданд.
Муфассал...
Шоми дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Мусобиқоти ҷаҳон оид ба футбол - 2018 дар шаҳри Москваи Федератсияи Россия иштирок карданд.
Ҳамоиши бузурги варзишӣ 14 июн дар варзишгоҳи Лужникии шаҳри Москва оғоз гардид, ки дар он дастаҳои беҳтарини футболи як қатор кишварҳои олам ва футболбозони машҳури ҷаҳон барои дарёфти Ҷоми мусобиқот байни ҳам рақобат хоҳанд кард.
Дар маросими кушодашавии Мусобиқоти футбол дар баробари Президенти Ҷумҳурии Тоҷикистон муҳтарам Эмомалӣ Раҳмон ҳамчунин сарони як қатор давлатҳо ва ҳукуматҳо, аз ҷумла аз Ӯзбекистон, Озарбойҷон, Арманистон, Белорус, Қазоқистон, Қирғизистон, Молдова, Боливия, Лубнон, Панама, Парагвай, Руанда, Арабистони Саудӣ ва дигарон иштирок карданд.
Муфассал...
12 июни соли равон Раиси вилояти Суғд Раҷаббой Аҳмадзода ба минтақаи саноатии шаҳри Хуҷанд ташриф оварда, бо ҷараёни васлу насби таҷҳизоти муосир дар корхонаи коркарди “Санги хоро” шинос гардид.
Тавре иттилоъ дода шуд, айни замон дар корхонаи мазкур корҳои васлу насби таҷҳизот идома дорад ва дар назар аст, ки иқтидори истеҳсолии корхона ба маротиб афзун карда шавад.
Раиси вилоят дар суҳбат бо роҳбарияти корхона иброз дошт, ки мақомоти иҷроияи ҳокимияти давлатии вилоят дар заминаи дастуру супоришҳои Пешвои миллат муҳтарам Эмомалӣ Раҳмон ба бунёду фаъол намудани корхонаҳои саноатӣ ва таъсиси ҷойҳои нави корӣ таваҷҷуҳи махсус зоҳир намуда, дар ин раванд ҳар як иқдоми неки соҳибкоронро дастгирӣ менамояд. Таъкид гардид, ки ашёи хом барои корхонаи бунёдшаванда ба таври фаровон мавҷуд аст ва барои афзун намудани иқтидори истеҳсолӣ ва коркарди бештари санг бояд таҷҳизоти замонавӣ ва муосир ворид карда шавад.
Муфассал...
Дар Муассисаи давлатии «Маркази солимгардонии норасоӣ ва ҳифзи кӯдакон»-и шаҳри Хуҷанд чорабинии идона бахшида ба Рӯзи Ваҳдати миллӣ ва Иди саиди Фитр таҳти унвони «Кӯдакон-ганҷинаи ҳастии миллат» баргузор гардид.
Аҳли тарбиятгирандагони ин Марказ бо шеъру сурудҳои ватандӯстонаю меҳанправарона дили ҳозиринро саршори муҳаббат намуданд. Рақсҳои ҷолиби гулдухтарон ва саҳнаҳои тарбиявӣ аз саҳифаҳои зиндагӣ бо маҳорати баланд иҷро ва намоиш дода шуданд.
Муассисаи давлатии «Маркази солимгардонии норасоӣ ва ҳифзи кӯдакон»-и шаҳри Хуҷанд Тӯҳфанисо Эргашева чорабиниро натиҷагирӣ карда аз ҷумла афзуд, ки «Мардуми шарифи Тоҷикистон дар рӯзҳои иду ҷашнҳо ва ҳам дар рӯзҳои дигар суннатҳои неки инсондӯстиву сулҳпарварии аҷдоди некноми худро идома бахшида, барои сулҳу суботи ҷовидона, таҳкими ваҳдати миллӣ, ободиву тараққиёти Ватани азизамон ва оромиву осоиши ҳар як хонаводаи тоҷик дуои хайр мекунанд.
Муфассал...
19 июн таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.
