Дар бахши хуҷандии бемористони Ибни Сино дастгоҳи нави олмонии «Ангиография» васл гардид. Дар маросими ба фаъолият оғоз кардани ин таҷҳизоти дилшиносӣ Раиси шаҳри Хуҷанд Раҷаббой Аҳмадзода иштирок карданд.
Раиси шаҳр Раҷаббой Аҳмадзода зимни боздид аз кори дастгоҳи нави олмонии «Ангиография» изҳор дошт, ки шаҳрвандоне, ки ба бемории ишемияи дил ва рагҳои хунгузар гирифтор мешуданд, барои муолиҷа ба кишварҳои бурунмарзӣ сафар мекарданд ва чунин имконият на ба ҳама муяссар мегашт. Ҳамзамон барои сафар, муоина ва табобат маблағҳои зиёд харҷ мешуд. Чунин дастгоҳи муфид дар вилоят нахустин буда, барои сари вақт муайян кардани беморӣ ва табобати он ба пизишкон ёрии калон мерасонад.
Дастгоҳи ташхисии мазкур 1 миллион доллари ИМА арзиш дошта, онро ширкати олмонӣ истеҳсол кардааст.
Муфассал...
Ҷиҳати иҷрои Фармони Президенти Ҷумҳурии Тоҷикистон аз 3 декабри соли 1999, №5 «Дар бораи тадбирҳои баланд бардоштани мақоми зан дар ҷомеа» ва бо мақсади эҳё намудани ҳунарҳои миллии ниёгон, бо ҷойи кор таъмин намудани занону духтарон, татбиқи нақшаи чорабиниҳои Барномаи давлатии «Тайёр кардани мутахассисон аз ҳисоби занон ва мусоидат ба шуғли онҳо барои солҳои 2012-2015», муофиқи дастуру супоришҳои Раиси вилояти Суғд Абдураҳмон Қодирӣ, бобати дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ, Қарори Раиси шаҳри Хуҷанд Раҷаббой Аҳмадзода аз санаи 07 апрели соли равон № 161 дар бораи таъсиси грантҳои Мақомоти иҷроияи ҳокимияти давлатии шаҳри Хуҷанд баҳри дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ барои соли 2014 ба имзо расид.
Муфассал...
Дар Хонаи маданияти № 2 шаҳри Хуҷанд, намоиши аксҳои наврӯзӣ бо унвони «Наврӯз дар шаҳри ман» баргузор гардид. Намоиши мазкурро аъзоёни маҳфили аксбардорони ҷавон «Нигоҳи ҷавнон», ки дар Хонаи маданияти мазкур таи ду сол амал мекунад, баргузор намуданд. Дар намоиш 40 акс аз лаҳзаҳои таҷлили наврӯз дар шаҳри Хуҷанд ва дигар шаҳру ноҳияҳои вилояти Суғд манзури ҳаводорони санъати аксбардорӣ гардид. Аксбардорони ҷавон - Ҷӯрабой Ҷумаев, Абдурауф Қаҳҳоров, Исматҷон Иброҳимов маҳсули эҷоди худро дар шаклу услуб ва аз дидгоҳи хос пешкаш намуданд. Дар расми кушоди намоиш муовини Раиси шаҳри Хуҷанд Умеда Муродова ширкат намуда, сипосмандии Раиси шаҳри Хуҷанд Раҷаббой Аҳмадзодаро ба кулли иштирокдорон ва саҳмгузорони ин чорабинии эҷодӣ изҳор намуд.
Муфассал...
Аз таъсисёбии қӯшунҳои мусаллаҳи Вазорати корҳои дохилии Ҷумҳурии Тоҷикистон 21 сол сипарӣ мешавад. Ба ин муносибат имрӯз дар қисми низомии 3501 ҷамъомади тантанавӣ бо иштироки Раиси шаҳри Хуҷанд Раҷаббой Аҳмадзода ва роҳбарияти қисми низомии мазкур баргузор гардид. Раҷаббой Аҳмадзода ҳозирон ва кулли афсарону сарбозони қӯшунҳои муасллаҳи ин ниҳоди давлатиро бо ин санаи хотирмони таърихӣ табрик намуд.
«Ҳимояи манфиатҳои миллӣ тартиботи ҷамъиятӣ аз вазифаҳои аввалиндараҷаи ин ҳомиёни ватан аст. Президенти Ҷумҳурии Тоҷикистон, Ҷаноби Олӣ,мӯҳтарам Эмомалӣ Раҳмон барои таҳкими омодагии ҳарбӣ ва шароити хизматчиёни ҳарбӣ эътибори махсус ва ҳамарӯза медиҳанд.»,-қайд намуд дар суханронии худ Раиси шаҳри Хуҷанд.
Муфассал...
Имрӯз Раиси шаҳри Хуҷанд Раҷаббой Аҳмадзода бо мақсади шиносии вазъи парвариши ниҳолу гулбуттаҳо ва тайёр намудани онҳо барои ороиши кучаю гулгаштҳои маркази вилоят, ба Муассисаи кабудизоркунии шаҳри Хуҷанд омад. Ҳоло дар муассисаи мазкур барои вусъат бахшидан ба корҳои гулкорӣ ва ободонӣ марҳилаи нави корӣ оғоз ёфтааст.
Кормандон бо маслиҳату назорати мутахассисони соҳа, ба шинондани ниҳолҳои навъи гуогуни сузанбарги 3-4 сола ва коҷ машғуланд.
Раиси шаҳри Хуҷанд ба роҳбарияти ин муассиса дастур дод,ки то санаи 25 апрели соли равон тамоми ниҳолҳои ороишӣ, ки миқдори умумии онҳо 15 ҳазор бехро ташкил медиҳад, барои нашунамои минбаъда дар замини ин муассисаи кабудизоркунӣ шинонда шавад.
Муфассал...
