Асосӣ

Навгонӣ

Мулоқоти судманд: Тарбияи ҷавонон беҳбудӣ мехоҳад

(3 овоз, миёна 4.67 аз 5)

24 Апрел 2013

Дар Маркази фарҳанги шаҳри Хуҷанд вохӯрии намояндагони кумитаҳои мухталифи назди Ҳукумати Ҷумҳурии Тоҷикистон бо кормандони соҳаи маориф, раисони Шӯрои занони кумитаи маҳаллаҳо, минтақаҳои истифодаи манзил, имом-хатибони масҷидҳои шаҳр доир гардид.

Чорабиниро бо сухани ифтитоҳӣ муовини Раиси шаҳр Муҳаббат Бобоҷонова оғоз бахшид.

Намояндаи Кумитаи кор бо занон ва оилаи назди Ҳукумати Ҷумҳурии Тоҷикистон Маҳбуба Азимова сухан карда, доир ба масъалаҳои танзими расму оин, масъулияти падару модар дар таълиму тарбияи фарзанд, коста шудани ахлоқи занон, шомилшавии ҷавонон ба ҳар гуна ҳизбу ҳаракатҳои ғайриқонунӣ ибрози назар кард.

Муфассал... Шарҳ додан

Вохӯрӣ бо варзишгарон

(2 овоз, миёна 5.00 аз 5)

23 Апрел 2013

Дар Қасри фарҳанг вохӯрии Раиси шаҳри Хуҷанд Раҷаббой Каримов бо варзишгарони шаҳр доир гардид. Раиси шаҳр сараввал аз вохӯрии Раиси вилояти Суғд, мӯҳтарам Қоҳир Расулзода бо варзишгарони вилоят ёдовар шуда, иброз намуд, ки аз ҷониби давлату ҳукумати мамлакат ва вилоят ба соҳаи варзиш ва кормандони он эътибори бештар аз пештар зоҳир карда мешавад.

Раиси шаҳри Хуҷанд Раҷаббой Каримов оид ба дастовардҳои варзишгарони шаҳр дар се моҳи аввали соли равон сухан карда, миннатдори худро ба варзишгарон расонд ва гуфт, ки бояд варзишро оммавӣ гардонем. Масъалаи пешбурди варзиш аз ҳар яки мо вобаста аст. Дар ин ҷода мо бояд ҷавононро ҳаматарафа тарбият намоем, ки дар оянда онҳо фахри шаҳр, вилоят ва ҷумҳурӣ бошанд. Дар вохӯрӣ намояндагони мактабҳои варзишӣ ва варзишгарони маъруф ҳузур доштанд.

Муфассал... Шарҳ додан

Таҷлил: Раҳнамо ва кони маъно

(2 овоз, миёна 5.00 аз 5)

22 Апрел 2013

Устод, омӯзгор, муаллим, мураббӣ воқеан, инсоне мебошад раҳнамо, дилёб, меҳрубон ва сахтгиру қавиирода. Албатта, дар сурати масъулиятшинос ва нисбат ба касбу вазифаи хеш содиқ бошад.

Яке аз омӯзгорони фидоии касбу кори хеш, ки ним аср инҷониб баҳри таълиму тадриси наврасону ҷавонон заҳмат кашидааст, Аълочии маорифи халқи Ҷумҳурии Тоҷикистон Наимахон Мӯъминова мебошанд.

Дар асоси қарори Раиси шаҳри Хуҷанд Раҷаббой Каримов ҷашни 75-солагии зодрӯзи машъалафрӯзи соҳаи маориф Н.Мӯъминова дар Мактаби таҳсилоти миёнаи умумии рақами 12-уми шаҳр ботантана таҷлил гардид.

Муфассал... Шарҳ додан

Олимпиадаи ҷумҳуриявӣ: Fалабаи толибилмони мактабҳои шаҳр

(5 овоз, миёна 3.40 аз 5)

23 Апрел 2013

Солҳои охир таваҷҷӯҳи роҳбарони давлату Ҳукумати Тоҷикистон ва мақомоти маҳаллӣ ба таълиму тадриси толибилмон дар мактабҳои миёна бештар гардида, маорифчиёнро водор месозад, то дар ин самт кӯшиши бештар ба харҷ диҳанд.

Ин аст, ки устодону омӯзгорони мактабҳои шаҳри Хуҷанд ба дастовардҳои назарраси меҳнатӣ мушарраф мегарданд. Дирӯз гурӯҳи калони хонандагон аз шаҳри Душанбе, аз олимпиадаи ҷумҳуриявӣ, ки аз 12-ум то 22-юми апрели соли равон аз рӯи фанҳои дақиқ ва гуманитарӣ баргузор гардид, бо ғалабаи бузург баргаштанд.

Дар олимпиадаи ҷумҳуриявӣ, ки бо иштироки хонандагони синфи 11-уми ҳамаи намуди мактабҳо сурат гирифт, толибилмони шаҳри Хуҷанд ба гирифтани 14 ҷой, аз ҷумла, 2 ҷойи якум, 7 ҷойи дуюм ва 5 ҷойи сеюм сазовор шуданд. Ин нишондиҳанда дар миқёси вилояти Суғд ва ҷумҳурӣ беҳтарин арзёбӣ мегардад. Зеро, хонандагони шаҳри Исфара 11 ҷойи ифтихорӣ ва ноҳияи Б.Fафуров 12 ҷойи ифтихориро соҳиб гаштанд.

Муфассал... Шарҳ додан

Илм ва аёт: Конфронси илмии устодону донишҷӯён

(1 овоз, миёна 5.00 аз 5)

21 Апрел 2013

Аз санаи 13-ум то 20-уми апрели соли равон дар Донишгоҳи давлатии Хуҷанд ба номи академик Б.Fафуров ҳафтаи конфронсҳои илмӣ гузаронида шуданд. Дар факултети филологияи тоҷик низ ба монанди факултетҳои дигар конфронси илмии устодону олимони ҷавон ва донишҷӯён баргузор гардид.

Устодони кафедраи ҷурналистика ва назарияи тарҷума дар конфронси апрелӣ 10 маърӯзаи пурмӯҳтаворо бо ҳам шуниданд. Бахусус, дотсентон Муҳибахон Зикриёева, Мутрибахон Мавлонова, номзадҳои илмҳои филологӣ Сурайё Ҳакимова, Абдуқодир Шехов, сармуаллимон Дилбар Самадова, Каримбой Комилов ва дигарон бо маърӯзаҳои илмии хеш баромад карданд.

Муфассал... Шарҳ додан