Асосӣ

Навгонӣ

Ном ва кори онхо абадист

(1 овоз, миёна 5.00 аз 5)

08 Май 2013

Дар толори Осорхонаи таърихии вилояти Суғд ба ифтихори Рӯзи Fалаба таҳти унвони «Ном ва кори онҳо абадист» бо иштирокчиёни Ҷанги Бузурги Ватанӣ вохӯрӣ доир гардид. Чорабиниро директори осорхона Мансурҷон Бойматов оғоз кард.

Иштирокчии Ҷанги Бузурги Ватанӣ Комилҷон Ашӯров, корманди ақибгоҳ дар солҳои Ҷ.Б.В. Мамад Қозиев, сарбози байналмилал Усмонҷон Шерматов аз ҳаёти сарбозии худ дар ҳифзи кишвари маҳбуб нақлҳои ҷолиб намуданд. Киромиддин Атаев аз фазилатҳои неки дорандаи се ордени «Шараф» Пӯлод Атаеви сухан0 кард. Майори қисми ҳарбии 3501 Давлатшоҳ Амиршоев дар хусуси ҷавонони шуҷоъ, ки имрӯз хизмати Модар-Ватанро ба ҷо меоранд ва давомдиҳандагони анъанаи падару бобоёни хешанд, сухан ронд.

Муфассал... Шарҳ додан

Мулоқот: Корнамоиҳои бемисли қаҳрамонон

(3 овоз, миёна 4.00 аз 5)

08 Май 2013

Дар чаҳорчӯбаи «Ҳафтаи поси хотир», ки аз 2 то 9 май идома дорад, дар МТМУ №22-юми шаҳри Хуҷанд мулоқоти хонандагон бо иштирокчии ҶБВ Дадохон Ҳодиев баргузор гардид.

Дарси кушод, соати тарбиявӣ, ки муаллима Кароматхон Исомаддинова бо хонандагони синфи 6 «Б» баргузор намуд, дар мавзӯи «Қаҳрамонон намемиранд» бисёр ҷолиби диққат буд. Хонандагон аз корнамоиҳои бемисли ҳамватанони мо шеърҳо қироат карда, лаҳзаҳоро аз саҳнаҳои корнамоиҳои қаҳрамонони ҷанг Ҳодӣ Кенҷаев, Домулло Азизов, Насрулло Отаев, Шарофат Аҳмадова аз тарафи хонандагон Сӯҳроб Каримов, Фирдавс Эшонхӯҷаев, Олимҷон Охунов, Рашид Ҳакимов, Аъзамҷон Мамедов, Абӯбакр Баҳриддинов, Рухшона Ҳомидова пешкаш намуданд.

Муфассал... Шарҳ додан

ТАБРИКИ РАИСИ ШАҲРИ ХУҶАНД БА ИФТИХОРИ 68-СОЛАГИИ РӮЗИ FАЛАБА ДАР ҶАНГИ БУЗУРГИ ВАТАНӢ

(1 овоз, миёна 5.00 аз 5)

07 Май 2013

Ҳамдиёрони азиз! Падарони шуҷоу шарафманд!

Фарорасии иди барои тамоми инсонияти тараққихоҳи дунё азизу мӯътабар ва фархунда 68-умин солгарди Ғалаба дар Ҷанги Бузурги Ватаниро барои ҳар яки Шумо муборакбод мегӯям. Ба кулли мардуми диёри офтобиамон осмони софу беғубор, тани сиҳату хотири ҷамъ, ба падарони матину қаҳрамон давлати пирӣ таманно мекунам.

Шасту ҳашт сол муқаддам дар ҳамин гуна рӯзҳои баҳорон хабари маҳви фашизми гитлерӣ, анҷоми музаффаронаи Ҷанги Бузурги Ватанӣ ва муждаи Зафар дар рӯи олам танинандоз гардид. Ин ҷанги мудҳиштарин дар таърихи инсоният 1418 шабонарӯз давом карда, ҳаёти 27 миллион нафар мардуми Иттиҳоди Шӯравиро ба комаш фурӯ бурд.

Муфассал... Шарҳ додан

Қадршиносӣ: МУКОФОТПУЛӢ ДАСТРАС ШУД

(1 овоз, миёна 5.00 аз 5)

07 Май 2013

Ба ифтихори 68-умин солгарди Рӯзи Fалаба дар Ҷанги Бузурги Ватании солҳои 1941-1945 бо фармони Президенти Ҷумҳурии Тоҷикистон, мӯҳтарам Эмомалӣ Раҳмон, қарори Раиси вилояти Суғд, муовини аввали Раиси Маҷлиси миллии Маҷлиси Олии кишвар, мӯҳтарам Қоҳир Расулзода ва қарори Раиси шаҳри Хуҷанд Раҷаббой Каримов ба иштирокчиёну маъюбони ҶБВ ва ашхоси дар ақибгоҳ хидматкарда мукофотпулии яквақта ҷудо ва дастрас гардид.

Ба ин хотир, субҳи имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд ҷамъомади собиқадорони ҷангу меҳнат доир гашт.

Муфассал... Шарҳ додан

Омодагии дифои ҳарбӣ пурзӯр мегардад

(1 овоз, миёна 5.00 аз 5)

06 Май 2013

Бо иштироки Раиси вилояти Суғд, мӯҳтарам Қоҳир Расулзода чанде қабл дар гимназияи рақами 24-уми шаҳри Хуҷанд синфхонаи омодагии дифои ҳарбӣ муҷаҳҳаз бо тамоми лавозимоти таълимии ҳарбӣ пешниҳоди машғулиятҳои устодону шогирдон гардида, ба роҳбарияти шаҳр супориш дода шуда буд, ки ин навъ синфхонаҳо дар макотиби дигар низ кушода шаванд.

Инак баҳри иҷрои саривақтии супоришу вазифагузориҳои Раиси вилоят Мақомоти иҷроияи ҳокимияти давлатии шаҳри Хуҷанд тадбирҳои мушаххас андешида, ба ифтихор ва дар арафаи Рӯзи Fалаба дар Ҷанги Бузурги Ватании солҳои 1941-1945 дар ду мактаби миёна – МТМУ №16 ва гимназияи ба номи Гёте синфхонаҳои омодагии дифои ҳарбиро мавриди истифодабарии устодону толибилмон намуд.

Муфассал... Шарҳ додан