Асосӣ

Навгонӣ

Раҷаббой Аҳмадзода дар «Наврӯзгоҳ» шодишарики кӯдакон гардид

01 Июн 2018

Субҳи имрӯз, яъне 1-уми июн Боғи истироҳатии «Наврӯзгоҳ» -и шаҳри Хуҷанд идгоҳро мемонд. Аз субҳи содиқ наврасону ҷавонон бо волидайн ва устодону пайвандони хеш ба сӯйи идгоҳ мешитобиданд. Садои карнаю сурнай ва доира фазои идонаро пуршукӯҳ менамуд.
Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода бо ҳайати ҳамроҳонашон ба майдони идгоҳ ворид гардида, шодишарики кӯдакон шуданд.
Дар даромадгоҳи боғ ғолибони олимпиадаҳои фаннӣ, хонандагони эҷодкор аз дастовардҳои хеш ба Раиси вилояти Суғд маълумот дода, шеъру таронаҳои эҷодкардаашонро дар васфи Ватан, Тоҷикистон, Пешвоимиллат ва ғайраҳо ироа намуданд.

Тарбиятгирандагони Кӯдакистони Президентӣ дар шаҳри Хуҷанд бо маҳорати хосса ва малакаю истеъдод суруду таронаҳо хонда, саҳначаҳои ҷолиби ватандӯстона нишон доданд.

Муфассал... Шарҳ додан

«Ҷаҳони орзу» орзурасони кӯдакон гардид

31 Май 2018

Имрӯз бо иштироки Раиси шаҳри Хуҷанд Маъруф Муҳаммадзода дар партави дастуру супоришҳои Асосгузори сулҳу Ваҳдати миллӣ,Пешвои миллат, Президенти мамлакат мӯҳтарам Эмомалӣ Раҳмон зимни мулоқоташон бо ҷомеаи шаҳрвандӣ ва истиқболи самимӣ аз 1 июн –Рӯзи байналхалқии ҳифзи кӯдакон ва Рӯзи Ваҳдати миллӣ аз ҷониби соҳибкори ватандӯст Фарангис Исмоилова як муассисаи таҳсилоти томактабии хусусӣ бо номи «Ҷаҳони орзу» бунёд ва ба истифода дода шуд.

Дар муассисаи навбунёд тамоми имконот ва шароити муосир барои таълиму тарбияи кӯдакон пешбинӣ гардида, дар навбати аввал 80 нафар кӯдакон ба он фаро гирифта мешавад ва наздик 20 нафар мураббиёну кормандон ба кор қабул карда мешаванд.

Муфассал... Шарҳ додан

Кӯдакон ба мактаб омода мешаванд

30 Май 2018

Баҳри самарабахш омода намудани кӯдакон ба мактаб ва санҷиши дониши онҳо дар гуруҳи омодагии муассисаи таҳсилоти томактабии №16 ба мактаб чорабинии идона бахшида ба Рӯзи байналхалқии ҳифзи кӯдакон баргузор гардид.
Дар чорабинӣ машғулиятҳо аз қабили шиносоӣ бо муҳит, тасаввуроти оддитарини математикӣ ва саводомӯзӣ гузаронида шуд. Кӯдакон шаклҳои гуногуни геометрӣ, рақамҳо, чистонҳо, зарбулмасалу тезгӯякҳо, инчунин сохтани ҷумлаю ба ҳиҷо ҷудо намудани калимаҳо, садоноку ҳамсадо будани ҳарфҳоро ба маърази тамошо гузоштанд. Аъзои маҳфили «Доиранавозон»-и кӯдакистон бо маҳорати баланд истеъдоди хешро нишон доданд.

Муфассал... Шарҳ додан

Иштироки Раҷаббой Аҳмадзода дар чорабинии идонаи «Хонаи кӯдакон»

31 Май 2018

Субҳи имрӯз Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода ба Муассисаи давлатии махсусгардонидашудаи табобатии «Хонаи кӯдакон»-и шаҳри Хуҷанд рафта, кӯдаконро ба муносибати Рӯзи байналмилалии ҳифзи кўдакон табрику таҳният гуфта, тӯҳфаҳо тақдим намуданд.

Раҷаббой Аҳмадзода зимни суханронӣ гуфт, ки бо саъю талоши Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ба кӯдакони ятиму бепарасаторон ва маъюбу танҳо пайваста ғамхорӣ зоҳир кардам мешавад. Пешвои миллат борҳо таъкид медоранд, ки ««Кўдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рўзгори ҳар як падару модар мебошанд».

Муфассал... Шарҳ додан

Маросими савгандёдкунии абармардони Ватан

30 Май 2018

Дар майдони назди нимпайкараи Қаҳрамони Иттифоқи Шӯравӣ Домулло Азизов, воқеъ дар маҳаллаи «Дӯстии халқҳо»-и шаҳри Хуҷанд маросими савгандёдкунии сарбозони Филиали хуҷандии Донишкадаи ҳарбии Вазорати мудофиаи Ҷумҳурии Тоҷикистон бо ҳузури мушовири Вазири мудофиаи мамлакат генерал-майор Аъзам Қосимов, муовини Раиси шаҳри Хуҷанд Ҷамшед Абдуқаюмзода, волидайни сарбозон, муҳассилини мактаби таҳсилоти ҳамагонии шаҳр баргузор гарди.