Асосӣ

Навгонӣ

Найнхарт Хёфер –Вессинг ба Хуҷанд меояд

04 Июн 2018

Имрӯз баъди нисфирӯзӣ Сафири Фавқулода ва мухтори Ҷумҳурии Федеративии Олмон дар Ҷумҳурии Тоҷикистон Найнхарт Хёфер –Вессинг ба шаҳри Хуҷанд ташриф меорад.

Сафир дар доираи сафари худ аз муассисаи таълимии ғайридавлатии хусусии гимназияи Гётеи шаҳри Хуҷанд, ташкилоти ҷамъиятии Маркази занон «Гулрухсор», кафедраи забони олмонии ДДХ ба номи академик Бобоҷон Ғафуров боздид ба амал меорад.

Ҳамчунин дар доираи ташрифи худ Сафири Фавқулода ва мухтори Ҷумҳурии Федеративии Олмон дар Ҷумҳурии Тоҷикистон Найнхарт Хёфер –Вессинг бо Раиси вилояти Суғд Раҷаббой Аҳмадзода ва намояндагони аққалияти миллии Олмон мулоқот анҷом медиҳад.

Муфассал... Шарҳ додан

Орду шакару пиёзи арзон дар ярмарка

04 Июн 2018

Cубҳи 2-юми июн низ бо мақсади ғанӣ ва фаровон намудани дастархони рамазонии мардум дар мавзеъи назди театри Хоҷа Камоли Хуҷандии шаҳри Хуҷанд ярмарка фуруши маҳсулоти хоҷагии қишлоқ сурат гирифт. Дар ярмарка ба сокинони шаҳри Хуҷанд аз бозор 20-30 фисад арзон маҳсулотҳо пешкаш карда шуданд. Масалан нархи гушт 30 сомонӣ, пиёз аз 0, 70 дирам то 1,50 сомон, сабзӣ 1 сомонӣ, шакар 5, 50 сомонӣ ва ғайра арзиш доштанд.

Бо назардошти иҷрори дастуру супоришҳои Сарвари давлат муҳтарам Эмомалӣ Раҳмон зимни мулоқоташон бо аҳли ҷомеаи кишвар аз ҷониби ширкати "Роҳи сомон" ин ҳафта низ беш аз 600 халта орди 50 килогӣ бо маблағи 110 сомонӣ дар ду мавзеъи шаҳр: микроноҳияи 20 ва назди театри Хоҷа Камоли Хуҷандӣ пешкаш намуд.

Муфассал... Шарҳ додан

Боздид аз Кооперативи истеҳсолии “Сомонҷон”

04 Июн 2018

Рӯзи 2 июн баъди анҷоми кори машварат бо фаъолону кормандони соҳаи кишоварзии вилояти Хатлон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Данғара бо шароити боғоти Кооперативи истеҳсолии “Сомонҷон” шинос шуданд.

Кооперативи истеҳсолии “Сомонҷон” дар майдони умумии 345 га боғ, аз он дар масоҳати 102 га боғи интенсивӣ, 135 га ангур ва дар 75 га бодому олу бунёд кардаанд.

Дарахтони аз бори меваи зиёд сар ва навдаи ба зер афкандаи боғҳо аз фаровонии ҳосил дарак медиҳад.

Ба андешаи коргарони хоҷагӣ аксар ҳосили ин боғот, аз ҷумла бодом, олу, ангур, картошка ва гандум барои содирот ба минтақаҳои дигари ҷумҳурӣ ва як қатор кишварҳои хориҷи дуру наздик, аз ҷумла ба Федератсияи Россия, Афғонистон, Покистон, Ӯзбекистон, Қазоқистон, Қирғизистон ва ғайра фиристода мешавад.

Бо дастгирии Пешвои миллат муҳтарам Эмомалӣ Раҳмон аз ҳосили фаровони тухмиҳои картошка, ки дар минтақаи Канаски шаҳри Ваҳдат кишт шуда буд, барои рушди соҳаи тухмипарварӣ ва истеҳсоли кофии ин маҳсулоти хурока, тухмии он ба як қатор шаҳру ноҳияҳои ҷумҳурӣ тақсим карда шуд.

Муфассал... Шарҳ додан

Иштироки беш аз 8000 нафар дар шанбегӣ

04 Июн 2018

Бо мақсади тозаву зебо нигоҳ доштани муҳити атроф беш аз 8000 нафар сокинони шаҳри бостонии Хуҷанд бахшида ба ҷашни Рузи Ваҳдати миллӣ ва 1300 Рузи ободонӣ ба шанбегии умумишаҳрӣ баромаданд.

Дар ин кори дастҷамъона бахусус аҳли кормандони ДДҲБСТ, МТТ№6, 14, 37, 38 фаъолнокии бештар зоҳир намуданд.Ҳамзамон маъмурият ва мураббиёни МТТ№32-и шаҳри Хуҷанд беш аз 30 нафар аз сари роҳи қадди кӯчаи микроноҳияи 18-ум, аз ҳудуди муассиса то МТМУ №22 шанбегӣ гузарониданд.

Аҳли заҳмати кӯдакистон-ширхоргоҳи №32-и шаҳри Хуҷанд мавзеъи номбурдаро аз алафҳои худрӯю хушк тоза намуда, шохҳои парешони дарахтонро ба тартиб ва тани онро сафед намуданд.

Муфассал... Шарҳ додан

Суханронӣ дар мулоқот бо роҳбарону фаъолон ва сокинони вилояти Хатлон

04 Июн 2018

Ба ҳамаи шумо маълум аст, ки Ҳукумати мамлакат ҳифзи амнияти озуқавории кишварро дар қатори ҳадафҳои афзалиятноку стратегии худ қарор дода, барои татбиқи самарабахши он мунтазам талош дорад ва ҳамаи захираву имкониятҳоро ба ин самт сафарбар намудааст.

Бо вуҷуди мушкилоти мавҷуда бо азму талоши мардуми кишвар, аз ҷумла заҳматкашони вилояти Хатлон дар давоми панҷ моҳи соли ҷорӣ рушди иқтисодиву иҷтимоии мамлакат ва афзоиши маҷмӯи маҳсулоти дохилӣ бомаром таъмин гардидааст.

Тавре ки ҳар яки шумо хуб медонед, солҳои охир дар натиҷаи тағйирёбии иқлими сайёра таҳдиду таъсири хушксолӣ ва дигар офатҳои вобаста ба гармшавии иқлим ба минтақаву кишварҳои мухталифи ҷаҳон сол ба сол афзоиш ёфта истодааст.

Муфассал... Шарҳ додан