Асосӣ

Навгонӣ

ВАЗЪИЯТ ДАР ВИЛОЯТИ МУХТОРИ КӮҲИСТОНИ БАДАХШОН. Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд

17 Октябр 2018

16-уми октябр бо иштироки Раиси Кумитаи давлатии амнияти миллии Ҷумҳурии Тоҷикистон Саймумин Ятимов, Прокурори генералии Ҷумҳурии Тоҷикистон Юсуф Раҳмон ва Раиси Вилояти Мухтори Кӯҳистони Бадахшон Ёдгор Файзов маҷлиси фаъолони ВМКБ баргузор гардид, ки дар он аз фаъолияти якмоҳаи Ситоди байниидоравии мақомоти таъмини амният дар вилоят натиҷагирӣ карда шуд.

Раиси Кумитаи давлатии амнияти миллии Ҷумҳурии Тоҷикистон Саймумин Ятимов таъкид дошт, ки сулҳу оромӣ заминаи асосии созандагию ободкорӣ ба ҳисоб меравад.

Муфассал... Шарҳ додан

Мубин Шарифов, корманди МИҲД-и шаҳри Хуҷанд бо хоҳиши худ ба хизмати ҳарбӣ рафт

17 Октябр 2018

Мубин Шарифов, корманди бахши маъмурию ҳуқуқии Мақомоти иҷроияи ҳокимияти давлатии шаҳри Хуҷанд бо амри дил ба хизмати ҳарбӣ рафт.

Мубин Шарифов, зимни суҳбат бо мо гуфт, ки мо – ҳама хурду бузурги кишвар, алалхусус ҷавонон вазифадорем, ки шукронаи истиқлолият, сулҳу оромӣ ва сарҷамъиву ваҳдати миллиамонро эҳтиёт кунем ва доим дар андешаи ободиву ҳифзи Ватанамон буда, садоқат ба Пешвои миллат, Давлату Ҳукумат ва сарзамини аҷдодиро фаромӯш насозем. Мо бо эҳсоси гарми ватандӯстӣ ва масъулиятшиносӣ ба давлату Ватани хеш содиқ монда, зиракии сиёсиро аз даст намедиҳем ва ҳамеша барои ҳимояи Ватан аз таҳдиду хатарҳои муосир омода ҳастем.

Муфассал... Шарҳ додан

Пардохти маблағи истифодаи барқ 118 фисад

17 Октябр 2018

Дар шаҳри Хуҷанд давоми 9 моҳи соли ҷорӣ аз тарафи шабакаҳои барқи шаҳр ба миқдори 420,6 миллион кВт/соат нерўи барқ ба муштариён интиқол дода шуд. Маблағи пардохти умумии он 99,8 млн. сомонӣ ё 106,2 фоиз, аз ҷумла аз тарафи аҳолӣ 44,7 млн. сомонӣ ё 118,1 фоизро ташкил менамояд.

Бояд тазаккур дод, ки дар шаҳри Хуҷанд истифодабарандагони қувваи барқ бо ҳисобкунакҳои электронӣ пурра таъмин буда, зиёда аз 50,0 ҳазор муштариён ба системаи ягонаи назоратии биллингӣ пайваст мебошанд. Баъди азнавсозии шабакаҳои барқӣ ва ҷорӣ намудани системаи ҳисоби электронӣ меъёри ҷудошудаи талафот аз рўйи талаботи техникӣ ба эътидол даромадааст.

Муфассал... Шарҳ додан

Боздиди донишҷӯёни шаҳри Хуҷанд аз НБО «Роғун»

(1 овоз, миёна 5.00 аз 5)

17 Октябр 2018

16 нафар донишҷӯёни фаъоли риштаи таъмини барқ ва автоматикаи Донишкадаи политехникии Донишгоҳи техникии Тоҷикистон дар шаҳри Хуҷанд бо ҳамроҳии мудири кафедра номзади илмҳои техникӣ Ҳусейнҷон Қаландаров ба шаҳри Роғун сафар намуда, бо роҳнамоии ёрдамичии директори генералии ҶСК “Нерӯгоҳи барқи обии Роғун” Сафарбек Валиев, муовини директор оид ба истеҳсолот Қурбонназар Давронов ва сардори Раёсати бехатарии нерӯгоҳ Тешабой Исломов аз ҷараёни сохтмон аз наздик шинос гардиданд.

Дар рафти вохӯрӣ бо сохтмончиён итттилоъ дода шуд, ки айни ҳол дар ин нерӯгоҳи бузурги аср беш аз 21 ҳазор кормандон дар се баст фаъолият доранд.

Муфассал... Шарҳ додан

Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест»

16 Октябр 2018

15-уми октбяр дар Донишгоҳи Истанбули Туркия Конфронси байналмилалӣ дар мавзӯи «Зарурати муборизаи муштарак бар зидди ташкилотҳои террористӣ» баргузор гардид. Дар Конфронси мазкур раиси Шӯрои уламои Маркази исломии Тоҷикистон Саидмукаррам Абдуқодирзода, муовини аввали муфтии шаҳри Истанбул Вейсел Ишилдар, муфтии ноҳияи Фатиҳи шаҳри Истанбул Веҳап Капиҷиоғлу, ректори Донишгоҳи Истанбул профессор Маҳмут Ак ва раиси Анҷумани тоҷикон дар Туркия Зафар Мақсудов иштирок ва суханронӣ намуданд.

Раиси Шӯрои уламои Маркази исломии Ҷумҳурии Тоҷикистон Саидмукаррам Абдуқодирзода зимни суханронӣ оид ба пайдоиши ташкилоти террористӣ-экстремистии ҳизби наҳзат дар ҳудуди Ҷумҳурии Тоҷикистон нақл карда, зикр намуд, ки тамоми рӯҳониёни машҳури тоҷик ҳамон солҳо таъсиси ҳизби наҳзати исломиро қабул надоштанд, онро дастгоҳ ва манбаи идеологияи аҳли ташайюъ дониста, фаъолияташро зараровар, ғайри қобили қабул ва муқобил ба суботу оромии мамлакат ҳисобида буданд. Аммо роҳбарони наҳзат иродаи мардуми мусулмон ва рӯҳониёни мазҳабиро сарфи назар карда, тавассути таблиғоти идеологӣ ва дастгирии молиявии хоҷагони хориҷии худ ҷаласаи худро баргузор карда, ба ҳаёти сиёсии мамлакат ворид шуданд ва дар муддати кӯтоҳтарин оташи ҷанги шаҳрвандиро афрӯхтанд.

Муфассал... Шарҳ додан