АсосӣБойгонӣ

Навгонӣ

Ҳафтаи поси хотир: Нимпайкараи Пӯлод Отаев

(1 овоз, миёна 5.00 аз 5)

06 Май 2013

Бо ҳадафи пос доштани хотираи иштирокчии Ҷанги Бузурги Ватании солҳои 1941-1945, дорандаи се дараҷаи ордени «Шараф» Пӯлод Отаев дар саҳни Мактаби таҳсилоти миёнам умумии рақами 27-уми шаҳри Хуҷанд, ки номи ин родмарди Ватанро дорад, нимпайкараи П.Отаев гузошта шуд.

Ба ин хотир собиқадорони ҷангу меҳнат, фаъолони шаҳр, устодону шогирдони мактаб ҷамъ омада, ёде аз қаҳрамониҳои бобоёну падарони далеру ҷасур намуданд.

Раиси шаҳри Хуҷанд Раҷаббой Каримов сароғоз сухан карда, дар бораи корнамоиҳои ҷангии Пӯлод Отаев нақл намуд. Зикр гардид, ки бо шарофати қаҳрамониву диловарии фарзандони ватандӯсту меҳанпарвар Ватани мо аз вартаи ҳалокат эмин монда. Вале, Ҷанги Бузурги Ватанӣ ҳазорон нафар фиристодагони ҷумҳуриҳои шӯравиро ба коми худ фурӯ бурд. Насли имрӯзро зарур аст, ки номи неки онҳоро ҳамеша пос доранд ва ба шуҷоатмандиашон арҷ гузоранд.

Муфассал... Шарҳ додан

Паёми Президент раҳнамои зиндагии ҷомеа

(1 овоз, миёна 5.00 аз 5)

05 Май 2013

Паёми ирсолгардидаи Сардори давлат, мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон (26.04.2013) воқеан, асоси рушду нумӯи ҷомеа ва соҳаҳои хоҷагии халқи мамлакат маҳсуб мешавад.

Бо мақсади фаҳмонидани моҳияти Паёми Президенти кишвар ба шаҳрвандони Хуҷанд давоми як ҳафта аст, ки вохӯрии вакили Маҷлиси намояндагони Маҷлиси Олии Ҷумҳурии Тоҷикистон Домуллоҷон Ҷабборов бо кормандони соҳоти мухталиф ва сокинони маҳаллаҳои шаҳр гузаронида мешавад.

То ба имрӯз дар Минтақаи озоди иқтисодӣ бо коркунони соҳаи саноат ва энергетика, дар бахши Бонки миллии Тоҷикистон дар шаҳри Хуҷанд бо иқтисодчиёну молиячиён, дар ҶММ «Ҷавонӣ» бо кормандони саноати сабук, дар КВДК «Хуҷандобуканал» бо намояндагони ин соҳа, дар МТМУ №12 бо намояндагони маҳаллаҳои шаҳр вохӯриҳои вакил Д.Ҷабборов баргузор гардид.

Муфассал... Шарҳ додан

Таҷлил: Намунаи ҷомеа

02 Май 2013

Дар асоси қарори Раиси вилояти Суғд, мӯҳтарам Қоҳир Расулзода ва қарори Раиси шаҳри Хуҷанд Раҷаббой Каримов ҷашни 80-солагии зодрӯзи духтури шоистаи Тоҷикистон ва ташкилотчии соҳаи нигаҳдории тандурустӣ Мирзосангин Қутфиддиновро таҷлил карда шуд. Ба ҳамин муносибат дар толори маҷлисии Беморхонаи клиникавиии вилоят ҷамъомади дӯстону пайвандон доир гардид. Номаи табрикии Сарвари вилоят Қоҳир Расулзодаро муовини Раиси вилоят Мавҷуда Бобоева ба самъи соҳибҷашн ва аҳли нишаст расонд. Таъкид гардид, ки шӯъбаи нигаҳдории тандурустии Кумитаи иҷроияи вилояти Ленинобод донишу ташкилотчигии ӯро ба назар гирифта, соли 1967 сардухтури беморхонаи клиникавии вилоятӣ тайин намуд ва фаъолити ӯ 25 сол ба ин ҳайс давом кард. Бо ташаббуси ӯ лоиҳаи беморхонаи ҳозиразамонаи вилоятӣ кашида шуда, соли 1982 бинои нави беморхонаи клиникавии вилоятӣ барои беш аз 1000 нафар беморон сохта шуд.

Муфассал... Шарҳ додан

Ҳафтаи поси хотир: ҲЕҶ КАС ВА ҲЕҶ ФАРОМӮШ НАМЕШАВАД

(2 овоз, миёна 4.50 аз 5)

04 Май 2013

Дар доираи «Ҳафтаи поси хотир» тибқи нақшаи чорабиниҳои Мақомоти иҷроияи ҳокимияти давлатии шаҳри Хуҷанд кӯчаи навбунёд дар маҳаллаи 29-уми шаҳр ба номи иштирокчии Ҷанги Бузурги Ватании солҳои 1941-1945 Маъмур Акрамов гузошта шуд.

Ба ин муносибат бо иштироки фаъолони шаҳр, собиқадорони ҷангу меҳнат ва пайвандони М.Акрамов ҷамъомад баргузор гардид.

Нахуст назди ҳозирин муовини Раиси шаҳри Хуҷанд Бобоҷонова М баромад карда, оид ба қаҳрамониҳои бузурги фарзандони тоҷик дар солҳои ҷанги мудҳиши ҷаҳон барои ба даст овардани Fалаба дар ҶБВ ибрози ақида намуд. Аз ҷумла, қайд гардид, ки яке аз чунин фардони бонангу номуси солҳои ҷанг Маъмур Акрамов буданд, ки барои озод кардани Ватан аз дастони фашистони хунхор сина сипар намудаанд. Месазад, ки корнамоиҳои бобоёну падарони шуҷоатманду далер мояи ифтихори насли имрӯз ва намунаи ибрат барои наврасону ҷавонон бошад.

Муфассал... Шарҳ додан

Шароити илмомӯзии аъзои ҲНИТ

02 Май 2013

Ҳизби наҳзати исломии Тоҷикистон (ҲНИТ) дар шаҳри Хуҷанд ва умуман вилояти Суғд бештар ба қонунвайронкуниҳо роҳ дода, қонунҳо ва талаботи мавҷударо риоя накарда истодааст. Чунончӣ, ҳар ҳафта рӯзи чоршанбе дар бинои бахши ҲНИТ дар вилояти Суғд шумораи зиёди занҳо, аз 80 то 150 нафар ҷамъ гардида, дар зери ниқоби гирифтани дарси арабӣ ба мавлудхонӣ ва амри маъруф машғул мешаванд. Ин ҷамъомадҳо асосан дар таҳхонаи бинои ҲНИТ дар шаҳри Хуҷанд сурат мегиранд, ки чор тарафи таҳхона деворбанд буда, ҳатто, ягон тиреза надорад. Яъне, шароитҳои санитарӣ умуман ба эътибор гирифта нашудааст.

Муфассал... Шарҳ додан