АсосӣБойгонӣ

Навгонӣ

Дар Хуҷанд бино барои кормандони мақомоти давлатӣ сохта мешавад.

04 Ноябр 2015

Ҳамзамон имруз бо иштироки Раиси вилоят Абдураҳмон Қодирӣ ва Раиси шаҳри Хуҷанд Раҷаббой Аҳмадзода дар маҳаллаи 19-уми шаҳри Хуҷанд ба сохтмони бинои баландошёнаи истиқоматӣ ҳусни оғоз бахшида шуд.
Манзили истиқоматӣ 9 ошёна буда, аз 5 қисм ва 140 ҳуҷраи як, ду ва сеошёна иборат хоҳад шуд. Бояд гуфт, ки тибқи нақшаи кулли шаҳр дар ин мавзеъ бунёди 5 чунин бинои 9 ошёнаи истиқоматӣ дар назар дошта шудааст. Хонаи истиқоматӣ барои кормандони соҳаи иҷтимоӣ ва ҳифзи ҳуқуқ пешбини шуда, барои сохтмони он 20 миллион сомонӣ аз ҳисоби маблағҳои буҷети равона мегардад. Дар хонаи нави истиқоматӣ 160 оила метавонанд соҳиби ҷои зист шаванд.

Муфассал... Шарҳ додан

Маҷмаи фарҳангӣ-фароғатӣ бо муҷассамаи Темурмалик бунёд хоҳад шуд.

04 Ноябр 2015

Дар саргаҳи хиёбони ба номи Исмоили Сомонӣ ва шаҳраки донишҷуёнро, ки дар миёни маҳаллаҳои 19-уму бистум ва 17-уми соҳили рости шаҳри Хуҷанд воқеъ аст, бунёди боз як иншооти фарҳангию меъморӣ ҳусну таровати бештар хоҳад бахшид.
Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода аз корҳои омодагӣ ва муҳокимаи лоиҳаи ин мавзеъ дидан намуданд.
Бо иқдоми Мақомоти иҷроияи ҳокимияти давлатии вилояти Суғд дар ин макон маҷмаи меъморию фарҳангии қаҳрамони халқи тоҷик,- Темурмалик қомат хоҳад афрохт. Маҷмаа аз пайкараи Темурмалик бо кишти, дарёчаи рамзӣ, чеҳраҳои ҳамсафони муборизи ӯ ва дигар бахшҳои фарҳангию фароғатӣ мураттаб мегардад.

Муфассал... Шарҳ додан

Маркази саломатӣ соҳиби 10 таҷҳизоти тибби муосир шуд.

04 Ноябр 2015

Бо дастгирии Ҳукумати Ҷумҳурии Тоҷикистон ва маблағгузории Сафоратхонаи кишвари Ҷопон дар Ҷумҳурии Тоҷикистон маркази саломатии № 4 шаҳри Хуҷанд дорои таҷҳизоти муосири тиббӣ гардид.
Раиси шаҳри Хуҷанд Раҷаббой Аҳмадзода бо ҳамроҳии муовини аввали сафири давлати Ҷопон дар Ҷумҳурии Тоҷикистон Чие Тамура аз фаъолияти ин маркази тиббӣ ва таҷҳизоти нав дидан намуданд.
Дар доираи ин кӯмаки бебозгашт ба маркази саломатии №4 10 намуд таҷҳизоти тиббии ташхисӣ- табобатӣба маблағи умумии беш аз 90 ҳазор доллари ИМА харидорӣ гашта, барои сари вақт аз ташхис гузаронидани сокинон ва бо сифат муқаррар намудани бемории онҳо мусоидат хоҳад кард.
Таҷҳизоти муосири тиббӣ аз қабили ташхиси ултрасадоӣ, дастгоҳи флюрографӣ, сабти барқии кори шараёни дил, таҷҳизоти физеотерапевтӣ рақамӣ буда, бо воситаи компютер идора мешаванд.

Муфассал... Шарҳ додан

Хонаи ақди никоҳ ва ансамбли «Зебо» соҳиби манзили нав мешаванд.

04 Ноябр 2015

Субҳи имрӯз Раиси вилоят Абдураҳмон Қодирӣ ва Раиси шаҳри Хуҷанд Раҷаббой Аҳмадзода ба сохтмони се иншооти иҷтимоию фарҳангӣ ва таърихи ҳусни оғоз бахшиданд.
Абдураҳмон Қодирӣ нахуст дар хиёбони Раҳмон Набиеви маркази вилоят барои сохтмони бинои «Хонаи ақди никоҳ» ва ансамбли рақсии «Зебо» санги асос гузошт. Бояд гуфт, бунёди иншооти мазкур дар соли оила ва рушди фарҳанг рамзӣ буда, ба ҳусни шаҳри Хуҷанд ҳусни тоза зам хоҳад кард.
Бинои мазкур соли оянда, дар арафаи 25-умин солгарди Истиқлолияти давлати мавриди истифода қарор гирифта, барои кормандони сабти асноди ҳолати шаҳрвандӣ ва фарҳанг тӯҳфаи арзанда хоҳад шуд. Тибқи лоиҳа, бино аз таҳхона ва се ошёна иборат буда, масоҳати умумии он 5457 метри квадрати ва масоҳати сохтмон 2365 метри квадратиро фаро мегирад.

Муфассал... Шарҳ додан

Мулоқоти варзишгарон бо роҳбарони сохторҳои қудратӣ

03 Ноябр 2015

Тибқи нақшаи якчояи Мақомоти иҷроияи ҳокимияти давлатии шаҳри Хуҷанд, шӯъбаи шаҳрии дар шаҳри Хуҷанд будаи Раёсати Кумитаи амнияти миллии Ҷумҳурии Тоҷикистон, шӯъбаи Вазорати корҳои дохилаи Ҷумхурии Тоҷикистон дар шахри Хуҷанд, Бахши Ҷавонон, варзиш ва сайёҳии шаҳри Хуҷанд дар самти пешгирии шомилшавии ҷавонон ба гурӯҳҳои ҷиноятпеша, ҳизбу ҳаракатҳои терористию ифротгаро, тамоилҳои бегонапарастӣ ва ба ин васила тарбия намудани насли наврас дар руҳияи эҳтиром ба Ватан, қонун, арзишҳои миллӣ доир гардид.
Дар мулоқот роҳбарон ва намояндагони сохторҳои ҳифзи ҳуқуқ, раисони кумитаи маҳаллаҳо, номояндагони руҳониёни шаҳр, варзишгарони шаҳри Хуҷанд иштирок намуданд.

Муфассал... Шарҳ додан