АсосӣБойгонӣ

Навгонӣ

«Дар ситоиши Хуҷанд ва фарзандони бузургаш»

27 Ноябр 2017

Китоби нави Шераки Ориён (Абдурофеъ Рабизода) бо номи «Дар ситоиши Хуҷанд ва фарзандони бузургаш»дар ҳаҷми 500 нусха бо дастгирии Кумитаи иҷроияи ҲХДТ дар вилояти Суғд ба нашр расид.
Мураттибони китоб дар дебочаи он аз ҷумла навиштаанд, ки «Таърихи зодгоҳи худро донистани ҳар фард ин шинохти худ бошад. Аз худшиносӣ шуруъ мешавад меҳаншиносӣ ва ватандорӣ. «Ватан сар мешавад аз гаҳвора!»- таъкид кардаанд бузургон».

Муфассал... Шарҳ додан

ИНТЕРПОЛ: "АЪЗОИ ФАЪОЛИ ТТЭ ҲНИТ ДАР КОФТУКОВАНД"

25 Ноябр 2017

Интерпол (Interpol) Ташкилоти байналмилалии политсияи ҷиноятӣ соли 1956 таъсис ёфта, қароргоҳаш дар шаҳри Лиони Фаронса ҷойгир аст. Айни замон 194 кишвари дунё, аз ҷумла Ҷумҳурии Тоҷикистон, узви ин ташкилот мебошад. Вазифаи асосии ташкилот ҳамоҳангсозии муборизаи муштараки мақомоти ҳифзи ҳуқуқи давлатҳои аъзо дар мубориза бо ҷинояткорӣ мебошад. Дар сохтори ҳар давлати аъзои Интерпол Бюрои миллии марказии Интерпол таъсис дода шуда, фаъолияти сохторро бо Котиботи генералии ин ташкилот ҳамоҳанг месозад.

Муфассал... Шарҳ додан

Таҷлили Рӯзи Парчами миллӣ дар Хуҷанд

24 Ноябр 2017

Субҳи имрӯз зиёда аз 6000 нафар сокинони шаҳри Хуҷанд бо мақсади арҷгузорӣ ба яке аз муқаддасоти миллии Ҷумҳурии Тоҷикистон-Парчами миллӣ роҳпаймоӣ намуданд. Ҷавонон бо шиору овезаҳои таҷассумкунандаи шукуҳу шаҳомати ин муқаддасоти давлатӣ ва худи Парчами миллии Ҷумҳурии Тоҷикистонро, ки беш аз 200 метр дарозӣ дошт, аз маҷмааи «Истиқлол» то ба майдони Парчами давлатии Ҷумҳурии Тоҷикистон оварданд. Рӯҳияи иштирокдорони раҳпаймоӣ самимӣ ва нишотовар буда, ҳар яке бо Парчами миллии кишварамон бо меҳр нигоҳ бо дил муҳаббат меандӯхтанд.
Иштирокчиёни роҳпайморо Назира Ғаффорӣ, муовини Раиси вилояти Суғд, Маъруф Муҳаммадзода, Раиси шаҳри Хуҷанд ва фаъолони маркази вилоят истиқбол намуданд.

Муфассал... Шарҳ додан

Паёми телевизионии Пешвои миллат ба муносибати Рӯзи Парчами давлатӣ

24 Ноябр 2017

Ҳамватанони азиз!

Ҳамаи шуморо ба ифтихори Рӯзи Парчами давлатӣ, ки рамзи бахту саодат ва сарбаландии миллату давлати тоҷикон буда, симои мардуми тамаддунсози моро дар арсаи байналмилалӣ муаррифӣ мекунад, самимона табрик мегӯям.

Парчами миллӣ мояи ифтихори ҳар як шаҳрванди Тоҷикистони соҳибистиқлол, ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми фарҳангии мо буда, мақсаду мароми созандаи тоҷиконро дар ҷилои рангҳои худ инъикос намудааст.

25 сол муқаддам дар иҷлосияи XVI-уми Шӯрои Олии Ҷумҳурии Тоҷикистон, ки он дар ҳаёти сиёсиву иҷтимоии ҷомеаи навини Тоҷикистон ҳамчун иҷлосияи таърихӣ ва тақдирсоз сабт шудааст, дар баробари дигар масъалаҳои муҳимтарини он айёми ноором масъалаи Парчами давлатии Ҷумҳурии Тоҷикистон ба баррасии вакилони иҷлосия пешниҳод гардид.

Муфассал... Шарҳ додан

Марафони велосипедронӣ ва Дави миллӣ бахшида ба рӯзи Парчами миллӣ

24 Ноябр 2017

Бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ бахшида ба таҷилили бошукуҳи Рӯзи Парчами давлатии Ҷумҳурии Тоҷикистон ва соли 2017 «Соли ҷавонон» дар шаҳри Хуҷанд марафони велосипедронӣ ва дави миллӣ баргузор гардид.
Дар маросими ифтитоҳи чорабинии варзишӣ муовини раиси шаҳри Хуҷанд Аюб Раҳматзода, мудири бахши кор бо ҷавонон ва варзиши шаҳр Бахтиёр Исматҷонов, намояндагони Раёсати кор бо ҷавонон ва варзиши вилоят иштирок намуда ҳозиринро бо Рӯзи парчами давлатии Ҷумҳурии Тоҷикистон аз номи Раиси шаҳри Хуҷанд табрик намуданд.
Масофаи муайяншудаи мусобиқа 5.3 км –ро ташкил дода аз назди муҷассамаи Истиқлол то маҳалла 3-юми шаҳр муайян гардида буд.

Муфассал... Шарҳ додан