АсосӣБойгонӣ

Навгонӣ

Барқияи тасаллият ба Президенти Ҷумҳурии Филиппин Родриго Роа Дутерте

25 Декабр 2017

Имрӯз Асосгузори сулҳу ваҳдати миллӣ, Пешвои миллат - Президенти Ҷумҳурии Тоҷикистон муҳтарам Эмомалӣ Раҳмон ба Президенти Ҷумҳурии Филиппин Родриго Роа Дутерте барқияи тасаллият ирсол намуданд, ки дар он, аз ҷумла омадааст:
«Ҷаноби Олӣ,
Хабари фоҷеабори ҷон бохтан ва ҷароҳат бардоштани теъдоди зиёди мардум бар асари офатҳои табиӣ ва техногении ахир дар кишвари Филиппин боиси андӯҳи амиқи мо гардид.
Дар ин лаҳзаҳои ҳузнангез ҳамдардиву тасаллияти самимии ин ҷонибро ба мардуми дӯсти Филиппин ва пайвандону наздикони фавтидагон изҳор намуда, барои ҳамаи осебдидагон шифои комил хоҳонам».

Муфассал... Шарҳ додан

ИБТИКОР ВА ИФТИХОРИ МИЛЛӢ ЧУНИН БОЯД (дар ҳошияи матлаби Додоҷони Атовуллоҳ)

24 Декабр 2017

Расонаҳои наҳзатӣ беш аз пеш аз интишор гардидани матлаби рӯзноманигори варзида ва мухолифи сарсахти Ҳукумати Тоҷикистон Додҷони Атовуллоҳ хашмгин шуда, нуқтаи назари рӯзноманигорро як навъ хушомаду тамаллуқи навбатӣ унвон кардаанд. Бехабар аз он ки рӯзноманигор ва сиёсатмадори тоҷик, агарчи мухолифи давлат ва Ҳукумати Тоҷикистон аст, дар лаҳазоти ҳассос масъулияти баҳамойии миллӣ ва тафоҳуми мардумиро дарк карда, чандин маротиба аз тариқи саҳифаи худ матолиби ҷолиби таваҷҷуҳ интишор намуд, ки муҳтавои миллӣ ва мардумӣ доранд.

Муфассал... Шарҳ додан

Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон

(1 овоз, миёна 5.00 аз 5)

22 Декабр 2017

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!

Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад.

Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст.

Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид.

Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт.

Муфассал... Шарҳ додан

Эмомалӣ Раҳмон: «Барои мардумамон шароити зиндагии боз ҳам беҳтару сазовор муҳайё месозем».

22 Декабр 2017

Имрӯз дар толори Мақомоти иҷроияи ҳокимияти давлатии шаҳри Хуҷанд тамошои дастҷамъонаи Паёми Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон ба Маҷлиси Олӣ тариқи оинаи нилгун сурат гирифт.
Дар оғози Паёми хеш Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон роҷеъ ба вазъи ҳассоси сайёра, хусусан бархӯрди абарқудратҳо раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” иттилоъ дода, таъкид сохтанд, ки «Мо ҷонибдори низоми ҷаҳонии одилона, бидуни ҷангу низоъ, густариши ҳамкориву шарикии баробар ва судманди ҳамаи кишварҳои олам, таъмини амнияти ҷаҳониву минтақавӣ бо роҳи созишу муколамаи созанда бар асоси Ойинномаи Созмони Милали Муттаҳид мебошем.

Муфассал... Шарҳ додан

Таъмини истиқлолияти энергетикӣ омили муҳими рушди кишвар

21 Декабр 2017

Бо ҳузури Раиси шаҳри Хуҷанд Маъруф Муҳаммадзода ва кормандони соҳаи барқ дар идораи Шабакаҳои барқии шаҳр ба муносибати Рӯзи энергетика ҷамъомад баргузор гардид. Нахуст филми мустанад роҷеъ ба таърихи рушди энергетикаи Ҷумҳурии Тоҷикистон намоиш дода шуд.
Мудири шӯъбаи энергетика ва саноати Мақомоти иҷроияи ҳокимияти давлатии вилояти Суғд Озифхон Шарифзода табрикоти Раиси вилояти Суғд Абдураҳмон Қодириро ба муносибати Рӯзи энергетика ба самъи ҳозирин расонд. Таъкид гардид, ки таъмини истиқлолияти энергетикӣ ва истифодаи самараноки захираҳои гидроэнергетикии мо ва манбаъҳои таҷдидшавандаи он омили пуриқтидори рушди “иқтисоди сабз” ва аз лиҳози экологӣ тоза, пешрафти саноат, гарави таъмини амнияти энергетикӣ ва тараққиёти устувори иқтисодии ҳамаи кишварҳои Осиёи Марказӣ гардида истодааст.

Муфассал... Шарҳ додан