АсосӣБойгонӣ

Навгонӣ

Барқияи табрикӣ ба Раиси Ҷумҳурии Мардумии Чин Си Ҷинпин

19 Март 2018

Дирӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Раиси Ҷумҳурии Мардумии Чин Си Ҷинпин барқияи табрикӣ ирсол намуданд, ки дар он, аз ҷумла, омадааст:
«Муҳтарам Ҷаноби Раис,
Хоҳишмандам, табрикоти самимии ин ҷонибро ба муносибати дубора интихоб гардиданатон ба мансаби Раиси Ҷумҳурии Мардумии Чин қабул фармоед.
Дастовардҳои Ҷумҳурии Мардумии Чин дар роҳи рушди иҷтимоиву иқтисодӣ ва таҳкими нуфузу эътибори кишвар дар арсаи байналмилалӣ таҳти роҳбарии хирадмандонаи Шумо бемисланд ва интихоби якдилонаи дубораи Шумо ба ин мансаби олии давлатӣ нишонаи возеҳи дастгирии қавии роҳи сиёсии Шумо аз ҷониби ҷомеаи Чин мебошад.

Муфассал... Шарҳ додан

Изҳороти муштараки Сарони давлатҳои Осиёи Марказӣ ба муносибати ҷашни фархундаи Наврӯз

19 Март 2018

Мо, Президентҳои Ҷумҳурии Қазоқистон, Ҷумҳурии Қирғизистон, Ҷумҳурии Тоҷикистон, Туркманистон ва Ҷумҳурии Ӯзбекистон халқҳои Осиёи Марказиро бо ҷашни умумии тамоми минтақаамон – Наврӯз табрику муборакбод мегӯем.
Махсус таъкид менамоем, ки 23 феврали соли 2010 ин ҷашн бо қарори Ассамблеяи генералии Созмони Милали Муттаҳид ҳамчун Рӯзи байналмилалии Наврӯз эътироф гардида, аз ҷониби ЮНЕСКО ба Феҳристи мероси ғайримоддии фарҳангии инсоният ворид карда шуд.
Ҷашни Наврӯз дар тӯли таърихи ҳазорсолаи худ рамзи эҳё ва бедории табиату ҷомеа, поксозии маънавӣ ва худидоракунии инсон мебошад. Ин ҷашни фархунда некӯаҳволӣ, ваҳдат, бародарӣ ва дастгирии мутақобила, инчунин тамоми он арзишҳои фарҳангиву таърихии абадиамонро, ки халқҳои моро муттаҳид месозанд, таҷассум мекунад. Ин мероси бузургро, ки аз аҷдодони умумиамон ба мо мерос мондааст, бояд ҳифз намоем ва онро инкишоф диҳем.

Муфассал... Шарҳ додан

Шоҳ Ҷамшед дар маҳаллаи Тиллокон

17 Март 2018

Сокинони маҳаллаи «Тиллокон»-и шаҳри Хуҷанд бо хонандагону омӯзгорони МТМУ №19 чорабинии идонаро бо оростани дастархони наврӯзӣ ва барномаи бадеъӣ-фарҳангӣ ташкил ва дар сатҳи баланд гузарониданд.

Дар чорабинии фарҳангӣ Бобои Деҳқон ва Баҳор ҳозир шуда сокинони маҳалларо бо наврӯзи аҷам табрик гуфт. Шоҳ Ҷамшед дар тахти шоҳона нишаста, барномаи фарҳангии идонаро бахшида ба Наврӯз тамошо кард.

Намояндаи Мақомоти ичроияи ҳокимияти давлатии шаҳри Хуҷанд Раҳим Расулзода табрикоти Раиси шаҳри Хуҷанд Маъруф Муҳаммадзодаро ба самъи бошандагони маҳалларо расонида, эшонро бо фарорасии Наврӯзи байналмилал таҳният гуфта, аз ҷумла, афзуд, ки «Иди байналмилалии Наврӯзи хуҷастапай – ҷашни оғози баҳор ва соли нави мардуми тоҷикро ба ҳамаи шумо ва пайвандонатон самимона табрику муборакбод гуфта, бароятон тансиҳатӣ, барори кору саодати рӯзгор, осмони софу беғубор ва фатҳу кушоиши бисёрро таманно мекунам.

Муфассал... Шарҳ додан

Аввалин Наврӯзи Мактаби Президентӣ дар шаҳри Хуҷанд

17 Март 2018

Муҳассилину устодони Мактаби Президентӣ барои хонандагони болаёқат дар шаҳри Хуҷанд якҷоя бо аҳли сокинони маҳаллаи Темурмалики шаҳр тантанаҳои Наврӯзи байналмилалро таҷлил намуданд.

Намояндаи Мақомоти иҷроияи ҳокимияти давлатии шаҳри Хуҷанд Муқаддас Шодибоева табрикоти Раиси шаҳри Хуҷанд Маъруф Муҳаммадзода ба самъи ҳозирин расонд. Таъкид гардид, ки аҳамияти иҷтимоиву ахлоқии Наврӯз хеле бузург аст. Онро танҳо воситаи фароғату истироҳат ё худ шодиву сурур пиндоштан раво нест. Наврӯз нишонаи пешрафти тафаккури созандаву бунёдкоронаи халқ, мизони ҳаракати сайёраҳо, вуруди соли нави мардуми ориёинажод мебошад. Аз ин рӯ, дар ҳамаи давру замон фарорасии Наврӯзро ҳамчун эҳёи нуру зиё ва файзу баракат бесаброна интизорӣ мекашиданд. Бузургтарин ҳикмати гузаштагони некноми мо "гуфтори нек, рафтори нек ва пиндори нек" мебошад, ки имрӯз ҳам дастури амали ҳар фарди ватандору бофарҳанг ва баору номус бояд бошад.

Муфассал... Шарҳ додан

Наврӯз дар «Бофанда»

17 Март 2018

Дар МТМУ №2-и шаҳри Хуҷанд тантанаҳои наврӯзии маҳаллаи «Бофанда» бо шукуҳи шаҳомати хосса таҷлил карда шуд. Ҷавонони маҳалла ба меҳмонон намунаи бозиҳои наврӯзиро бо маҳорати баланд намоиш доданд. Занони ҳунарманд маҳсули ҳунари хешро ба маърази тамошо гузоштанд.

Намояндаи Мақомоти иҷроияи ҳокимияти давлатии шаҳри Хуҷанд Бахтиёр Исматҷонов аҳли маҳалларо бо ҷашни байналмилалии Наврӯз аз номи Раиси шаҳри Хуҷанд Маъруф Муҳаммадзода таҳният гуфта, аз ҷумла афзуд, ки «Наврӯз таърихи беш аз шашҳазорсола дорад, ки далели қадимӣ будани миллати тоҷик мебошад. Наврӯз ҷашни баробарии инсоният, оини дӯстиву самимият, таҳаммулгароӣ ва аз дилҳо берун андохтани кинаву адоват буда, ҷашни зебоиву накўӣ, шукуфоиву арҷгузорӣ ба суннатҳои миллӣ мебошад.

Муфассал... Шарҳ додан