АсосӣБойгонӣ

Навгонӣ

Иштирок дар маросими ифтитоҳи Намоишгоҳи молу маҳсулоти Беларус

16 Май 2018

Нимаи дуюми рӯзи 15-уми майи соли равон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус Александр Лукашенко дар ифтитоҳи Намоишгоҳи молу маҳсулоти Ҷумҳурии Беларус дар Ҷумҳурии Тоҷикистон иштирок намуданд.

Намоишгоҳ баъди буридани лентаи рамзӣ аз ҷониби Сарони давлатҳо - Эмомалӣ Раҳмон ва Александр Лукашенко ифтитоҳ гардида, ба фаъолият шуруъ кард.

Дар намоишгоҳ наздики 150 корхонаю ширкати бонуфузи Ҷумҳурии Беларус номгӯи зиёди молу маҳсулот, аз қабили масолеҳи сохтмонӣ, молҳои соҳаи электротехникӣ, кимиё ва нуриҳои минералӣ, фармасевтӣ, саноати хӯрокворӣ, саноати сабук, мебел ва коркарди чӯб, полиграфӣ, молҳои саноатӣ ва электротехникии маишӣ, илм ва технология, саноати мошинсозӣ, техника ва таҷҳизоти соҳаи кишоварзиро ба маъраз гузоштаанд.

Муфассал... Шарҳ додан

Изҳороти муштараки Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Беларус Александр Лукашенко

16 Май 2018

Бо даъвати Президенти Ҷумҳурии Тоҷикистон Эмомалӣ Раҳмон 15 майи соли 2018 сафари расмии Президенти Ҷумҳурии Беларус Александр Лукашенко ба Ҷумҳурии Тоҷикистон баргузор гардид.

Дар рафти гуфтушунидҳо, ки чун анъана дар фазои дӯстона, ҳусни эътимод ва созанда сурат гирифтанд, Президентҳо вазъ ва дурнамои рушди минбаъдаи ҳамкориҳо байни Ҷумҳурии Тоҷикистон ва Ҷумҳурии Беларусро муҳокима намуда, сатҳи баланди муколамаи байнидавлатиро, ки ба принсипҳои баробарҳуқуқӣ, эҳтироми мутақобила ва эътиборгирии манфиатҳои ҳамдигар асос меёбанд, тасдиқ намуданд.

Сарони давлатҳо тағйирнопазирии самтнокиро ба рушди муносибатҳои дӯстона миёни Ҷумҳурии Тоҷикистон ва Ҷумҳурии Беларус таъкид намуда,

Муфассал... Шарҳ додан

Автобусҳои “Хуҷанд-Тошканд” фаъол шуданд

16 Май 2018

Ба китоби муносибатҳои Ҷумҳурии Тоҷикистон ва Ҷумҳурии Ӯзбекистон боз як саҳифаи нав зам гардид. Имрӯз баъди интизориҳои зиёд хатсайрҳои масири “Хуҷанд-Тошканд” ва “Тошканд-Хуҷанд” расман ифтитоҳ гардид. Сокинони ин ду кишвари бо ҳам дӯсту бародар метавонанд тавассути автобусҳои замонавӣ ба шаҳрҳои якдигар сафар намоянд. Гуфта мешавад, ки арзиши роҳкиро дар ин масир 50 сомонӣ муайян шуда, масофаи роҳ 174 километрро ташкил намуда, автобус дар ин масир давоми 4 соати 30 дақиқа ҳаракат менамояд.
Имрӯз як гурӯҳи корӣ тавассути нахустин автобус аз шаҳри Тошканди Ҷумҳурии Ӯзбекистон ба шаҳри Хуҷанд ташриф оварданд. Дар маросими мазкур муовини якуми раиси вилояти Суғд Рустам Раҳматзода, раиси шаҳри Хуҷанд Маъруф Муҳаммадзода, сардори Раёсати нақлиёти заминии Вазорати нақлиёти Ҷумҳурии Тоҷикистон Фаррух Неъматзода ва дигарон иштирок ва суханронӣ намуданд.

Муфассал... Шарҳ додан

Изҳороти матбуотӣ аз рӯи натиҷаҳои музокирот бо Президенти Ҷумҳурии Беларус Александр Лукашенко

16 Май 2018

Муҳтарам Александр Григорйевич,
Муҳтарам намояндагони воситаҳои ахбори омма,

Барои Тоҷикистон Беларус шарики муҳим дар низоми муносибатҳои байналмилалӣ буд ва хоҳад монд.

Қобили зикр аст, ки имрӯз муносибатҳои ду кишвар бар асоси принсипҳои баробарҳуқуқӣ, эҳтиром ва эътимоди мутақобила ва бо назардошти манфиатҳои тарафайн бо суръат рушд мекунанд.

Дар мулоқоти имрӯза мо бо Александр Григорйевич муколамаи мутақобилан судмандамонро вобаста ба беҳбуд бахшидани муносибатҳоямон дар тамоми маҷмӯи ҳамкории дуҷонибаи Тоҷикистону Беларус идома додем.

Дар ин замина, мо рушди муносиби устувори ҳамгироии кишварҳоямонро дар ченаки сиёсӣ таъкид карда, таҳкими минбаъдаи онро ҷонибдорӣ намудем.

Муфассал... Шарҳ додан

Сафари оилаҳои намунавии шаҳри Хуҷанд ба Самарқанд

16 Май 2018

Тавре, ки иттилоъ дода будем, дируз дар толори Хонаи ақди никоҳи шаҳри Хуҷанд аз Рӯзи оила таҷлил карда шуд. Нахуст дар вазъияти тантанавӣ 9 ҷуфт оилаҳои барӯманду намунавии шаҳри Хуҷанд, ки аз маҳаллаҳои шаҳр ва касбу кори гуногун интихоб шуда, муддати зиёд ҳамзистӣ намуда буданд, бо дастгирии Раиси шаҳри Хуҷанд Маъруф Муҳаммадзода бахшида ба Рузи Оила ба сафари серӯзаи шаҳри бостонии Самарқанд роҳхат гирифтанд ва чанд лаҳза пеш ба ин шаҳри куҳан расида омаданд.

Бояд қайд намуд, ки ин иқдом бори аввал дар қаламрави кишвар бахшида ба эълон гардидани соли 2018 "Соли рушди сайёҳӣ ва ҳунарҳои мардумӣ" амалӣ гардида, имкон медиҳад сафи оилаҳои намунавию ҳамзистии тулонӣ афзун шавад. Ҳамзамон оилаҳои ҷавоне, ки дар ҳайати гуруҳанд аз умри ибратбахши оилаҳои баруманд ва ҳамзисти тулонӣ сабақ меомузанд.

Муфассал... Шарҳ додан