АсосӣБойгонӣ

Навгонӣ

Ислом Саломовро ба роҳи охират гусел намуданд

11 Май 2018

Имрӯз дар театри Хоҷа Камоли Хуҷандӣ маросими видоъ бо Арбоби хунар Ҷумҳурии Тоҷикистон, Шаҳрванди фахрии шаҳри Хуҷанд, яке аз поясутунҳои театри тоҷик, ҳунарманди забардаст Ислом Саломов сурат гирифт.

Сардори Раёсати фарҳанги шаҳри Душанбе Обид Назаров, сардори Раёсати фарҳанги вилояти Суғд Ориф Набиев, Ҳунарманди мардумии Ҷумҳурии Тоҷикистон Ҷӯрабев Муродов, раиси бахши суғдии Иттифоқи нависандагони Тоҷикистон, Шоири халқии Тоҷикистон Аҳмадҷони Раҳматзод, ҳунарпеша Асрор Камолиддинов ва Ҳунарманди мардумии Ҷумҳурии Тоҷикистон Майрам Исоева ин мусибатро талафоти калон ба миллати тоҷик, алалхусус ба аҳли илму фарҳанг арзёбӣ намуданд.

Муфассал... Шарҳ додан

Ёдбуд ба ифтихори 100 солагии Усмон Қосимов

10 Май 2018

Дар толори Кохи «Суғдиён»-и шаҳри Хуҷанд маҳфили ёдбуд ба ифтихори 100 солагии Арбоби намоёни давлатию ҷамъиятӣ Усмон Қосимов бо иштироки ҳамкорон, шогирдон ва пайвандон баргузор гардид.

Рустам Раҳматзода, муовини аввали Раиси вилояти Суғд маҳфилро оғоз бахшида иттилоъ дод, ки Усмон Қосимов аз чеҳраҳои мондагор ва шахсияти барҷастаи қарни ХХ буда, ҳаёт ва фаъолияти меҳнатии худро ба бунёдкорӣ ва ободии диёр бахшидааст. Зиндагиномаи ӯ намунаи барҷастаи хизмат ба халқу Ватан ва дарси ибрати тамоми наслҳои минбаъда аст. Маҳз аз ин хотир маҳфили мазкур дар заминаи Қарори Раиси вилояти Суғд Раҷаббой Аҳмадзода ҷараён мегирад.

Муфассал... Шарҳ додан

Спартакиада дар факултети №4-и Академияи ВКД

10 Май 2018

Дар факултети №4 Академияи ВКД Ҷумҳурии Тоҷикистон спартакиадаи варзишӣ байни ҳайати кормандон, шунавандагон ва курсантони ин муассисаи таълимӣ бахшида ба соли 2018 «Соли рушди сайёҳӣ ва ҳунарҳои мардумӣ» ва таҷлили Рӯзи ҷавонони Тоҷикистон дар шаҳри Хуҷанд аз рӯи намудҳои варзишӣ футбол, волейбол, кашидани вазн, давидан ба басофаи 100м шашка, шоҳмот ва бандкашӣ спартакиада баргузор ва натиҷагирӣ карда шуд.

Дар мусобиқаи футбол ҷои якумро дастаи «Курсантони курси 4», дар намуди волейбол мақоми аввалро дастаи «Курсантони курси 1» ба даст оварданд.

Курсанти курси 1 Эҳром Зулқайнаров дар намуди «Кашидани вазн» дастболо шуда, ба марра дар масофаи 100 метр аввалин шуда Самандар Бекбобоев, курсанти курси 3 омада расид.

Муфассал... Шарҳ додан

12-13-уми май ба Ярмарка марҳамат!

10 Май 2018

Бо ибтикори Мақомоти иҷроияи ҳокимияти давлатии вилояти Суғд ба муносибати фарорасии моҳи шарифи Рамазон рӯзҳои 12-13 майи соли равон дар назди Театри мазҳакавӣ-мусиқии ба номи Хоҷа Камоли Хуҷандии шаҳри Хуҷанд ярмарка - фурӯши маҳсулоти кишоварзӣ ва маводи озуқаворӣ баргузор мегардад.

Дар ярмарка кишоварзони шаҳру ноҳияҳои вилоят, корхонаҳои паррандапарварӣ, иттифоқҳои матлуботи вилоят, соҳибкорон ва дигар хоҷагиҳои ёрирасон маҳсулоти хушсифатро нисбат ба нархҳои бозор арзонтар пешниҳоди сокинон менамоянд.

Ярмарка-фурӯши маҳсулоти кишоварзӣ ва маводи озуқаворӣ соати 8-00 оғоз меёбад.

Марҳамат ба ярмарка!

Муфассал... Шарҳ додан

Ташрифи сармоягузорони Шоҳигарии Арабистон ба Хуҷанд

10 Май 2018

Як гуруҳи калони сармоягузорони Шоҳигарии Арабистони Саудӣ таҳти роҳбарии сафири Арабистони Саудӣ дар Тоҷикистон, Абдулазиз ибни Муҳаммад ал-Бодӣ вориди шаҳри Хуҷанд шуданд.

Меҳмононро Ҷамшед Абдуқаюмзода муовини Раиси шаҳри Хуҷанд ва устодону донишҷӯён ва соҳибкорон бо риояи таомули анъаноти миллӣ самимона пешвоз гирифтанд.

Абдулазиз ибни Муҳаммад ал-Бодӣ аз пазироии сатҳи баланд изҳори хушнудӣ намуда, миннатдории ҳайати меҳмононро ба сокинони шаҳри Хуҷанд расонд.

Ҳадафи ташрифи соҳибкорони арабӣ шиносоӣ аз фазои сармоягузорӣ дар шаҳри Хуҷанд, ба роҳ мондани ҳамкорӣ ва ҳамзамон иштирок дар Форуми муштараки сармоягузорӣ ва соҳибкории вилояти Суғд мебошад.

Муфассал... Шарҳ додан