АсосӣБойгонӣ

Навгонӣ

Мароми мо сулҳу субот ва оромию пешрафти кишвар аст

14 Июн 2018

Изҳороти кормандони Маркази саломатии №2 шаҳри Хуҷанд оиди фаолияти Ташкилоти экстремистӣ-терористӣ ҲНИТ ва дигар гуруҳҳои ифротгаро дар Ҷумҳурии Тоҷикистон.

Таърихи сулҳи тоҷиконро дар давраи басо ҳассоси таърихи,ки ба даҳсолаи охири асри ХХ рост меояд,тамоми мардуми сайёра беназир меҳисобанд. Дар марҳилае, ки миллат зери хатари ҷанги хонумонсӯз ба вартаи нобудӣ расида буд ва кас аз ташкил шудани як давлати мустақлу обод дар хоки муқаддас бовару эътимодашро канда буд, таҷрибае пеш гирифта шуд ,ки ҳатто таърих мислашро ёд надорад.

Имрӯзхо ҳамоишхое, ки бо иштироки ҲНИТ дар кишвархои аврупо баргузор мегардад, изхороти рохбарони фирории ҲНИТ ва ҳаводорони дар баъзе кишвархо ва созмонхои байналхалқӣ, ки, мардуми сулҳҷӯву озодихоҳ, бонангу номус ватандӯсту хештаншиноси кишварро ором гузошта наметавонад.

Муфассал... Шарҳ додан

Падидаҳои номатлуби ҷаҳони муосир

14 Июн 2018

Тайи солҳои охир ҳаракатҳои иртиҷоӣ, ифротгаройӣ ва динию мазҳабӣ бо амалҳои ғайриинсонӣ ва кирдоҳои разилона авзои сиёсии сайёраро ноором карда, ҳаёти осоиштаи мардумро зери хатар мегузорад.Муссалам аст, ки терроризм ва ифротгароӣ яке аз зуҳуроти номатлубтарини ҷомеаи ҷаҳони ба шумор рафта боиси ба миён омадани оқибатҳои нохуш- таҳдид ё истифодаи зӯроварӣ, расонидани зарари вазнини рӯҳонию ҷисмонӣ, таҷовуз ба ҳаёти инсон, бенизомӣ, тағйири сохти конститутсионии кишварҳои ҷудогона, ғасби ҳокимият, барангехтани низомӣ миллӣ, иҷтимои ва динӣ гардидааст. Тероризм ва ифротгароӣ дар байни табақаҳои мухталифи ҷомеа, махсусан миёни ҷавонон яке аз муаммоҳои меҳварии ҳаёти башарият буда, оқибат ба бесуботӣ ва вайронкорӣ меорад.

Дар паёми Асосгузори сулҳу ваҳдати миллӣ – Пешвои миллат Эмомали Раҳмон ба Маҷлиси Олии Ҷумҳурии Тоҷикистон ба яке аз масъалаҳои доғи рӯз- интишори фаъолияти ҳизбу ҳаракатҳои тундгаро ва экстремистӣ таваҷҷӯҳи хоса зоҳир гардид, ки бесабаб нест. Зеро чунонки таъкид гардид, дар шароити муосир терроризм ва экстремизм ҳамчун вабои аср на танҳо ба амнияти ҷаҳон ва сокинони сайёра таҳдид мекунад, балки барои башарият хатари он камтар аз силоҳи ядроӣ нест. Аз ин хотир, ҳифзи ҷавонон аз чунин гурӯҳу равияҳо ва мубориза ба муқобили ин зуҳуроти хатарафзо вазифаи ҳар як шаҳрванди ватандӯсту озодихоҳ мебошад.

Муфассал... Шарҳ додан

Раиси вилоят бошандагони Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷандро аёдат намуд

13 Июн 2018

12 июни соли равон Раиси вилояти Суғд Раҷаббой Аҳмадзода ба Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд ташриф оварда, бошандагони ин муассисаи иҷтимоиро аёдат намуд.

Раҷаббой Аҳмадзода зимни суҳбат бо бошандагони Маркази минтақавии хизматрасонии иҷтимоӣ ба пиронсолон ва маъюбон ҳамаи онҳоро ба муносибати фарорасии Иди саиди Фитр ва Рӯзи Ваҳдати миллӣ табрик гуфта, иброз дошт, ки бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қишри ниёзманди ҷомеа ҳамеша зери таваҷҷуҳи мақомоти давлатӣ қарор доранд. Аз ҷумла, дар вилояти Суғд ба ҳаёту зиндагии пиронсолон ва маъюбон таваҷҷуҳи махсус зоҳир мегардад ва роҳбарияти Мақомоти иҷроияи ҳокимияти давлатии вилоят ба таври доимӣ ба онҳо кӯмакҳои хешро мерасонад.

Муфассал... Шарҳ додан

Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба муносибати иди Фитр

14 Июн 2018

Ҳамватанони азиз!

Фардо моҳи шарифи Рамазон – айёми раҳмату мағфират, бахшидани гуноҳҳо, поксозии қалбҳо ва анҷом додани амалҳои хайру савоб поён меёбад ва иди саиди Фитр фаро мерасад.

Моҳи Рамазон ва иди Фитр барои мардуми мусулмони мо аз ҷумлаи суннатҳои муқаддаси динӣ мебошанд, зеро онҳо таҷассумгари беҳтарин арзишҳои инсонӣ - аъмоли хайру созанда, сабру таҳаммул, раҳму шафқат, поси хотири гузаштагон ва некиву накӯкорӣ шуморида мешаванд.

Муҳимтарин фазилати иди саиди Фитр бо нияти нек, шодмониву хушҳолӣ ва амалҳои хайру савоб истиқбол гирифтани он ба ҳисоб меравад.

Дини мубини ислом, хусусан, мақому манзалати хайру эҳсонкориро бисёр баланд бардошта, онро бо ихлос ба Худованд тавъам медонад, чунки ихлосу эҳсон зевари беҳтаринест, ки ҳар як муъмин бояд худро бо он ороста намояд.

Муфассал... Шарҳ додан

Вакилон корҳои ободонӣ ва созандагиро баррасӣ менамоянд

(1 овоз, миёна 1.00 аз 5)

12 Июн 2018

Санаи 20-уми июни соли ҷорӣ дар толори Мақомоти иҷроияи ҳокимияти давлатии шаҳри Хуҷанд иҷлосияи чордаҳуми Маҷлиси вакилони халқи шаҳри Хуҷанд, даъвати панҷум баргузор мегардад.

Вакилон дар иҷлосия як қатор масоили муҳими сиёсиву иқтисодӣ ва иҷтимоиро баррасӣ хоҳанд кард. Аз ҷумла интизор меравад, ки дар иҷлосия оид ба рафти иҷрои қарори Раиси вилояти Суғд аз 14 марти соли 2018, №89 «Дар бораи эълон намудани 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон» дар шаҳри Хуҷанд, ҳисоботи Комиссияи доимии Маҷлиси вакилони халқи шаҳри Хуҷанд оид ба масоили пешгирии хушунат дар оила, ҳисоботи вакили Маҷлиси вакилони халқи шаҳри Хуҷанд аз ҳавзаи интихоботии «Ваҳдат 30», номгузории обектҳои физикию ҷуғрофӣ ва ғайраҳо мавриди муҳокима ва баррасӣ қарор дода мешаванд.

Муфассал... Шарҳ додан