АсосӣБойгонӣ

Навгонӣ

Маъруф Муҳаммадзода оташнишононро бо иди касбиашон табрик намуд

28 Июл 2018

Субҳи имруз Раиси шаҳри Хуҷанд Маъруф Муҳаммадзода ба қисми мустақили 23-юми Хадамоти давлатии оташнишонӣ оид ба муҳофизати шаҳри Хуҷанд ташриф оварда, ҳайати шахсӣ ва кулли кормандони ин ниҳоди низомиро бо иди касбиашон табрик намуд.

Маъруф Муҳаммадзода зимни баромади хеш ба муносибати 90 солагии таъсисёбии Хадамоти оташнишонӣ аз ҷумла таъкид дошт, ки мардум дар бораи корнамоиҳои зумраи кормандони оташнишонӣ – ин абармардони шуҷоъ, хуб огаҳанду ба онон аҳсант мехонанд, зеро ки маҳз кормандони ин соҳа ҳамеша дар ҳама гуна ҳолатҳои сӯхтор аввалин шуда, ба кӯмак меоянду зарардидагонро ҳамаҷониба дастгирӣ мекунанд ва дар иҷрои вазифаи ҷонӣ ҳар соату дақиқа омода мебошанд.

Муфассал... Шарҳ додан

Ҷаласаи навбатии Комиссияи забон

27 Июл 2018

Ҷаласаи навбатии Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» таҳти роҳбарии Раиси Комиссия, муовини Раиси шаҳри Хуҷанд Фирӯза Нуруллозода баргузор гардид.

Фирӯза Нуруллозода ҷаласаро оғоз намуда, аъзои Комиссияро бо рӯзномаи он ошно намуд. Сипас, Фирдавс Маҳмадалиев, котиби Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» аз фаъолияти 6 моҳаи Комиссия иттилоъ дода аз ҷумла афзуд, ки Комиссияи шаҳрӣ оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» дар ин муддат тибқи нақшаи тасдиқгардида фаъолияти худро ба роҳ монда, як қатор корҳоро ба анҷом расонд.

Муфассал... Шарҳ додан

Машварати корӣ бо роҳбарону масъулони Нерӯгоҳи барқи обии “Роғун” ва фаъолони шаҳри Роғун

27 Июл 2018

26 июл дар шаҳри Роғун Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону масъулони Нерӯгоҳи Барқи обии “Роғун” ва фаъолони шаҳри Роғун машварати корӣ доир карданд.

Сарвари давлат муҳтарам Эмомалӣ Раҳмон дар оғоз таъкид доштанд, ки ҳадаф аз баргузории машварати имрӯза натиҷагирӣ аз корҳои сохтмонии иҷрошуда, омодагии ҳамаҷониба ба маросими ба истифода додани агрегати якуми Нерӯгоҳи барқи обии “Роғун” дар соли 2018 ва вазифагузорӣ барои давраи семоҳаи дигари соли 2018 мебошад.

Дар кори машварат нахуст гузориши Сарвазири Ҷумҳурии Тоҷикистон, Раиси Шӯрои нозирони Ҷамъияти Саҳҳомии Кушодаи Нерӯгоҳи барқи обии “Роғун” Қоҳир Расулзода оид ба иҷрои корҳои сохтмонӣ дар неругоҳ шунида шуд.

Муфассал... Шарҳ додан

Наҳзати исломӣ дипломати ҷопониро ба қатл расонд

27 Июл 2018

Баҳри гиромидошти хотири олим ва сиёсатмадори ҷопонӣ, профессор Акино Ютако ҳам дар Тоҷикистон ва ҳам дар зодбуни худи мутафаккир дар Япония бахшида ба 20-солагии ёдбуди нобиғаи бузург бо ҳузури доираи васеи коршиносони илмиву таҳлилгарони дохиливу хориҷӣ ва рӯзноманигорон симпозиуму конфронсҳои байналмилалӣ баргузор гардид. Аз ҷумла дар меҳмонхонаи «Шератон» дар шаҳри Душанбе вобаста ба ин ҳаводис мизи муддавар барпо шуд, ки дар он шореҳон ва коршиносони соҳаҳои гуногун ширкат намуданд.

Муфассал... Шарҳ додан

“Созандагию бунёдкорӣ ва ободонӣ дар шаҳр вусъат меёбад”

26 Июл 2018

Субҳи имрӯз дар толори Мақомоти иҷроияи ҳокимияти давлатии шаҳри Хуҷанд мутобиқ ба Амри Президенти Ҷумҳурии Тоҷикистон аз 15 сентябри соли 2011 ва ҷадвали баргузории нишастҳои матбуотии Мақомоти иҷроияи ҳокимияти давлатии вилояти Суғд нишасти матбуотии Раиси шаҳри Хуҷанд Маъруф Муҳаммадзода оид ба натиҷаҳои фаъолияти Мақомоти иҷроияи ҳокимияти давлатии шаҳр дар 6 моҳаи аввали соли 2018 бо ҳузури зиёда аз 40 нафар рӯзноманигорони дохилию хориҷӣ баргузор гардид.

Нахуст, Раиси шаҳри Хуҷанд Маъруф Муҳаммадзода баромад намуда, аз ҷумла афзуд, ки Мақомоти иҷроияи ҳокимияти давлатии шаҳри Хуҷанд баҳри иҷрои дастуру супоришҳои Асосгузори сулҳу Ваҳдати миллӣ-Пешвои миллат, Президенти мамлакат мӯҳтарам Эмомалӣ Раҳмон доир омодагӣ ба таҷлили 30 солагии Истиқлолияти давлатии Ҷумҳурии Тоҷикистон ва дар амал татбиқ намудани Қарори Раиси вилояти Суғд Раҷаббой Аҳмадзода “Дар бораи эълон гардидани 1300 рўзи ободонию созандагӣ”

Муфассал... Шарҳ додан