АсосӣБойгонӣ

Навгонӣ

Чорабиниҳои идона дар муассисаҳои иҷтимоӣ

08 Сентябр 2018

Дирӯз бахшида ба 27-умин солгарди Рӯзи Истиқлолияти давлатии Ҷумҳурии Тоҷикистон дар тамоми муассисаҳои иҷтимоӣ, аз ҷумла маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд, Хонаи кӯдакон, муассисаҳои махсуси томактабӣ, хона-парваришгоҳ барои шахсони бепаноҳмонда, маркази солимгардонии норасоӣ ва ҳифзи кӯдакон чорабиниҳои идона баргузор карда мешавад.

Бо ибтикори Мақомоти иҷроияи ҳокимияти давлатии шаҳри Хуҷанд дар муассисаҳои номбурда чорабиниҳои идона баргузор ва бошандагони ин муассисаҳои иҷтимоӣ ба аёдату ғамхорӣ фаро гирифта шуданд.

Муфассал... Шарҳ додан

Паёми телевизионӣ ба муносибати 27-умин солгарди истиқлолияти давлатӣ

08 Сентябр 2018

Ҳамватанони азиз!

Дар остонаи бисту ҳафтумин солгарди истиқлолияти давлатии Ҷумҳурии Тоҷикистон, ки муқаддастарин ва бузургтарин ҷашни мардуми тамаддунсози тоҷик мебошад, кулли сокинони сарбаланди Тоҷикистон ва ҳамватанони бурунмарзиамонро самимона табрик мегӯям.

Маҳз истиқлолият имконият фароҳам овард, ки мардуми Тоҷикистон тақдири худро ба даст гирифта, роҳи пешрафти минбаъда ва сарнавишти ояндаи сарзамини аҷдодии хешро мустақилона интихоб намоянд.

Ба ин маънӣ, истиқлолият неъмати бебаҳо, мояи ифтихор, манбаи худшиносӣ, сарчашмаи нерӯбахш ва омили бунёдии таҳкиму тақвияти пояҳои давлатдории миллии мо мебошад.

Муфассал... Шарҳ додан

Кӯмакпулиҳои Раиси вилояти Суғд ба собиқадорон

07 Сентябр 2018

Дар толори Мақомоти иҷроияи ҳокимияти давлатии шаҳи Хуҷанд ба 34 нафар собиқадорони арсаи меҳнат, ашхоси намоёни давлатӣ кӯмакпулиҳои якдафъаинаи Раиси вилояти Суғд Раҷаббой Аҳмадзода тақдим карда шуд.

Фирӯза Нуруллозода , муовини Раиси шаҳри Хуҷанд чорабиниро ифтитоҳ намуда, иттилоъ дод, ки ҳамасола дар остонаи ҷашни Рӯзи Истиқлолияти давлатии Ҷумҳурии Тоҷикистон нафароне, ки ба Давлату миллат хизмати шоён намудаанд, қадршиносӣ карда мешаванд.

Сипас, Маъруф Ҳоҷибоев, муовини сардори Раёсати тандурустии Мақомоти иҷроияи ҳокмияти давлатии вилояти Суғд табрикоти Раиси вилоят Раҷаббой Аҳмадзодаро ба муносибати рӯзи Истиқлолияти давлатии Ҷумҳурии Тоҷикистон ба самъи ҳозирин расонд, ки дар он аз ҷумла гуфта мешавад:

Муфассал... Шарҳ додан

Табрикоти Раиси шаҳри Хуҷанд Маъруф Муҳаммадзода ба ифтихори ҷашни 27-умин солгарди Истиқлолияти давлатии Ҷумҳурии Тоҷикистон

07 Сентябр 2018

Ҳамшаҳриёни азиз!

Ба ифтихори ҷашни 27-умин солгарди Истиқлолияти давлатии Ҷумҳурии Тоҷикистон, ки барои мардуми кишвари азизамон санаи тақдирсоз мебошад, табрику таҳният гуфта, ба хурду бузург сулҳу оромӣ, хушбахтиву иқболи нек ва хонадони обод орзу менамоям.

Истиқлолияти давлатӣ, ки Ҷумҳурии Тоҷикистон бисту ҳафт сол муқаддам ба он соҳиб гардид, дар таърихи халқи тоҷик нодиртарин падидаи сиёсиву сарнавиштсоз мебошад.

Ин рўз, барҳақ оғози давраи комилан нав дар таърихи давлатдории тоҷикон, марҳалаи тоза дар ташаккули тафаккур ва фалсафаи давлатдорӣ маҳсуб мешавад.

Муфассал... Шарҳ додан

Эътирози мардум дар назди дафтари САҲА дар ш.Душанбе

07 Сентябр 2018

Cубҳи 7-уми сентябр тахминан соатҳои 9 дар назди дафтари кории Созмони амнияту ҳамкории Аврупо дар Душанбе даҳҳо нафар бо шиору навиштаҷот ҷамъ омада, зидди нишасти ҳуқуқи башари ин созмон дар Варшава ва ширкати мухолифони тоҷик дар ин ҳамоиш шиор партофтанд. Шумори ин нафарон эҳтимолан дар ҳудуди 100 нафар буд ва дар миёни онҳо ҳам ҷавонон ва ҳам занони миёнасол буданд.

Ин нафарон бо шиорҳои маҳкумкунандаи ҲНИ ва раҳбари ин созмони террористӣ, инчунин навиштаҷоти мисли “Нест бод терроризм” дар назди дафтари САҲА дар Душанбе таҷаммӯъ карданд.

Муфассал... Шарҳ додан