АсосӣБойгонӣ

Навгонӣ

“Парчами мо-Парчами иқболи мо”

(1 овоз, миёна 1.00 аз 5)

20 Ноябр 2018

Дар МТТ №13-и шаҳри Хуҷанд байни муассисаҳои томактабӣ бо мақсади баланд бардошти ҳисси ватандӯстӣ, тарбияи хештаншиносӣ, эҳтиром ба арзишҳои миллӣ, инкишоф додани қобилияти эҷодкорӣ, дуруст истифода бурдани маводи расмкашӣ озмуни шаҳрии “Парчами мо-Парчами иқболи мо” баргузор гардида, ғолиб муайян шуданд.

Бо намояндагӣ аз тарбиятгирандагони 38 адад муассисаҳои томактабии шаҳр маҳорати эҷодии худро дар назди ҳакамон бо тасвири Парчам ва дигар супоришот иҷро намуданд.

Ҳамин тавр, тибқи баҳои ҳакамот шоҳҷоиза насиби Меҳрона Тоҳирова (МТТ №12) гардида, ҷойи якумро Шаҳзода Ҷӯрабоева, мақоми дуюмро тарбиятгирандагони кӯдакистонҳои №32, 33 ва се зинаи сеюмро муассисаҳои томактабии №20, 16 ва 37 ба даст оварданд. Ғолибон бо диплом шуъбаи маориф қадршиносӣ гардида, ба иштирокчиёни фаъол сипосномаҳо тақдим шуданд.

Муфассал... Шарҳ додан

7 нафар хонандагони шаҳри Хуҷанд ба гирифтани стипендияи Президенти Ҷумҳурии Тоҷикистон шарафёб гардиданд

(1 овоз, миёна 1.00 аз 5)

20 Ноябр 2018

19 ноябри соли 2018 дар Кохи фарҳанги «Суғдиён» - и маркази вилоят ҳамоиши гирандагони стипендияи Президенти Ҷумҳурии Тоҷикистон таҳти унвони “Ҷавонон – пайрави Пешвои миллат” бо иштироки Раиси вилояти Суғд Раҷаббой Аҳмадзода ва раиси Кумитаи ҷавонон ва варзиши назди Ҳукумати Ҷумҳурии Тоҷикистон Адҳам Абдуллозода баргузор гардид.

Дар ҳамоиш xавонони саодатманди диёр, устодону муҳассилини муассисаҳои таҳсилоти олӣ ва миёнаи умумии вилоят ва аҳли зиёи вилоят иштирок намуданд.

Дар чорабинии мутантан Раиси вилояти Суғд Раҷаббой Аҳмадзода суханронӣ намуда, аз ҷумла изҳор дошт, ки дастгирии ҷавонон ва ғамхорӣ нисбати онҳо дар меҳвари сиёсати давлату Ҳукумати кишвар ҷойгоҳи муҳимро касб карда, Ҳукумати Тоҷикистони соҳибистиқлол пайваста ба татбиқи сиёсати ҷавонон аҳамияти хоса зоҳир менамояд.

Муфассал... Шарҳ додан

Боз як дуруғи наҳзатиҳои ифротӣ вобаста ба сохтмони НОБ-и Роғун

19 Ноябр 2018

Санаи 19-уми ноябри соли ҷорӣ дар сомонаи «payom.net», бо қалами гўиё яке аз рӯзноманигори гумноми ширкаткунанда дар ҷаласаи пеш аз интихоботии ба ном Иттиҳоди нерӯҳои ислоҳотхоҳи Тоҷикистон (ИНИТ) мақолае ба чоп расидааст.

Дар ин мақолаи сар то по дуруғин ин рўзноманигори гумном чунин қайд кардааст « ба ёдам ҳаст, ки соли 2013 вақте Иттиҳоди нерӯҳои ислоҳотхоҳи Тоҷикистон таъсис дода шуд ва дар он Ҳизби наҳзати исломии Тоҷикистон ва Ҳизби сотсиал-демократи Тоҷикистон, инчунин чеҳраҳои шинохта ва рӯзноманигорону нависандагонро ба ҳам оварда буд. ИНИТ бояд масъалаи номзад ва барномаи ӯро ба интихоботи президентии соли 2013 омода карда аз ҷониби ҷомеаи шаҳрвандӣ ва аҳзоби сиёсии мухолифи ҳукумат номзади ягонаи худро пешниҳод мекард. Яке аз бахшҳои ин барнома таъмини истиқлоли энергетикии кишвар буд. Онҷо онҳое, ки ин барномаро омода карда буданд, дар мавриди НБО Роғун ба ин назар буданд, ки баъди пирӯз шудани номзадашон, дар зарфи шаш моҳ ду чархаи ин нерӯгоҳро ба истифода медиҳанд. Ин банд дар ҷаласаи васеъи ИНИТ, ки дар он мардуми зиёде ҳузур дошт, баҳси гармеро ба вуҷуд овард. Танҳо шахсе, ки дар он аз ҳама зиёд пойфишорӣ мекард, раиси ҲНИТ Муҳиддин Кабирӣ буд».

Муфассал... Шарҳ додан

Қабули эътимоднома аз 12 сафири нав

20 Ноябр 2018

Зимни маросими эътимодномасупорӣ ба Президенти Ҷумҳурии Тоҷикистон муҳтарам Эмомалӣ Раҳмон сафирони фавқулодда ва мухтори Туркманистон Тогалаков Ҳемра Аманмамедович, Давлати Қатар Иброҳим Муҳаммад Абдураҳмон ал Абдулло, Иттиҳоди Аврупо хонум Мэрилин Йосефсен, Ҷумҳурии Финляндия хонум Маря Лиивала, Шоҳигарии Испания Давид Артуро Карриедо Томас, Ҷумҳурии Словения Бранко Раковетс, Ҷумҳурии Латвия Михаил Попковс, Ҷумҳурии Молдова Андрей Негутса, Малайзия Ҳенди Ассан, Ҷумҳурии Халқӣ - Демократии Корея Ким Хен Чжун, Ҷумҳурии Замбия Шадрек Лувита ва Ҷумҳурии Эл Салвадор Эфрен Арнолдо Бернал Чевез эътимодномаҳоро бо паёму дуруд аз роҳбарияти кишварҳои хеш тақдим карданд.

Сарвари давлат муҳтарам Эмомалӣ Раҳмон зимни суханронӣ ҳамаи сафиронро ба муносибати таъйин гардиданашон ба ҳайси роҳбарони сафоратҳои давлатҳои худ дар Ҷумҳурии Тоҷикистон самимона табрику таҳният гуфта, бо итминон иброз доштанд, ки сафирон бо фаъолияти пурсамари дипломатиашон ба рушду тавсеаи муносибатҳои гуногунҷанбаи байни Ҷумҳурии Тоҷикистон ва кишварҳои худ мусоидати ҷиддӣ хоҳанд кард.

Муфассал... Шарҳ додан

Офтобро бо доман пӯшида намешавад (Ҷавоб ба мақолаи «Воқеият ва худнамоӣ»)

19 Ноябр 2018

Бо ин сарлавҳагузории сунъӣ ва дур аз воқеият масъули фирории сомонаи «payom.net», ба гумони ғолиб бо такя ба таҳлили тарзи навиштории мақола-Бобоҷони Қаюмзод, ки дарбадару овора, дар яке аз кишварҳои назди баҳри Балтика дар кунҷаки хобгоҳи муҳоҷирон орзуи касби паноҳҷӯйи №1 сиёсиро дар дил мепарварад, тааллуқ мегирад. Сангпартоӣ ба муқобили манфиатҳои миллӣ дар тору пуди намояндагони оппозитсия мавҷуд мебошад. Онҳо тафовути муборизаи сиёсиро аз душманӣ бо миллати тоҷик аз ёд бурда, нафрати беандоза бо лоиҳаҳои сарнавиштсоз ва калидии саноатӣ доранд.

Мардум ҳама медонанд, ки мухолифони сарсахти сохтмони НБО «Роғун» ҳамин оппозитсия ва ҳалқаҳои ба онҳо наздик буданд. Ба таври ҷунунӣ ва тобишҳои девонавор, ин оппозитсияи бегонапараст муносибати то сарҳади нафрату адоват нисбат ба пешрафти НБО «Роғун»-ро доранд. Онҳо солҳои 90-уми асри гузашта, кампанияи таблиғотии зидди сохтмони НБО «Роғун»-ро ба роҳ монда, боиси фирори оммавии мутаххасисони русзабон, ки генофонди миллати тоҷик ҳисобида мешуданд, гардиданд.

Бо баҳонаи он ки дар натиҷаи сохтмони НБО «Роғун» 2-3 деҳа таги об мемонанд, ҳамин «роғунхаробкунҳо», ки ҳоло ба таҳрифи таърих даст зада, «Роғунсоз» шудаанд, чунон ҳангома карданд, ки гӯё дунё тагу рӯ шудааст. Ҷомеаи ҷаҳонӣ ва сармоягузорони ояндадорро тарсонданд. Муҳит солими кориро аз байн бурданд.

Муфассал... Шарҳ додан