Навгонӣ
24 Январ 2019
Дар толори Мақомоти иҷроияи ҳокимияти давлатии шаҳри Хуҷанд таҳти роҳбарии Раиси шаҳри Хуҷанд Маъруф Муҳаммадзода бо иштироки муовини аввал, муовинони Раиси шаҳр, роҳбари дасгтгоҳи Раиси шаҳр, роҳбарони мақомоти ҳифзи ҳуқуқ, мудирони шуъбаю роҳбарони сохторҳои воҳидӣ, сарварони идораву ташкилот ва муасссисаҳои шаҳр ҷаласаи васеъи шаҳрдорӣ баргузор гардид.
Раиси шаҳри Хуҷанд Маъруф Муҳаммадзода нахуст таваҷҷуҳи иштирокдорони ҷаласаро ба иҷрои дастуру супоришҳои ироанамудаи Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон дар маҷлиси васеъи Ҳукумати Ҷумҳурии Тоҷикистон, ки доир ба ҷамъбастии соли 2018 санаи 21-уми январи соли ҷорӣ баргузор гардид, ҷалб намуда, аз ҷумла таъкид дошт, ки мо бояд пеш аз ҳама ба масъалаи афзун намудани ҳаҷми истеҳсолоти ватанӣ ва ба ин васила кам намудани молҳои содиротӣ азм намоем. Роҳбари Давлат изҳори нигаронӣ намуданд, ки соли 2018 барои истеъмоли ҳаррӯзаи мардуми кишвар бо асъори хориҷӣ маҳсулотҳои рақобатпазир аз ҷумла шириниҳо, обҳои ташнашикан, нӯшокиҳи спиртӣ, гӯшти мурғ, ҳасиб ва ғайраҳо ба миқдори калон ворид шудаанд. Ин дар ҳолест, ки чунин номгуйи маҳсулот дар мамлакат истеҳсол мешаванд. Мо бояд баҳри омӯзиши бозори истеъмолӣ афзун намудани ҳаҷми истеҳсолот ва содироти ин номгуйи маҳсулот кӯшиш намоем.
Дар маҷлисгоҳи Мақомоти иҷроияи ҳокимияти давлатии шаҳри Хуҷанд бо иштироки муовини аввали Раиси вилояти Суғд Хол Ҳайдар ва Раиси шаҳри Хуҷанд Маъруф Муҳаммадзода бо роҳбарони корхонаҳои саноатии шаҳр мулоқот баргузор гардид.
Дар толори КВДК «Хуҷандобуканал» доир ба натиҷаҳои амалишавии лоиҳаи «Марҳилаи 3-юми барномаи беҳтаргардонии низоми таъминоти оби нӯшокӣ ва рафъи партоб»-и шаҳри Хуҷанд дар соли 2018 бо иштироки гуруҳи иҷроиши лоиҳа, аз ҷумла фармоишгар, пудратчиён ва мушовирон ҷаласа баргузор гардид.
