АсосӣБойгонӣ

Навгонӣ

Афкори вопасгаро ва даъвои бузург (дар иртибот ба навиштаи Зафари Суфї “Тољикистони обод ва озод”)

25 Январ 2019

Навиштаҳои Зафари Суфӣ, ки идаъо мекунад ва худро яке аз “мушкилкушоён”и ҷомеаи тоҷик арзёбӣ мекунад, ба ҷуз аз чаранду ёвагӯӣ чизи дигаре нест. Ин нафар яке аз ҳампоягони гуруҳҳои беҳувияту худбохтаест, ки ба осиёи бегонагон об мерезад ва чархаи онро гардиш медиҳад. Ин нафар аз ҳамон зумраест, ки ба хотири чанд фулуси бегонагон миллату давлати хешро таҳқир мекунанд ва ҳама арзишҳои миллиро пушти по задаанд. Ин “мушкилшинос”-и мушкилэҷодкун аз масъалаи асосӣ ҳамеша мегурезад ва мушкилро бар сари дигарон ҳавола мекунад. Зоҳиран ин гуруҳ ҳамеша худро ҳақ меҳисобанд ва дигаронро ботил. Зеро инҳо дастур иҷро мекунанд ва айнаки бинишҳои инҳо якранг аст.

Муфассал... Шарҳ додан

Наҳзатиҳои ифротӣ, то ба кай мардумфиребӣ ?!

25 Январ 2019

Мутаассифона, дар шароити ҳассоси байналмилалӣ, рӯйрост шудани дахолати геополитикии қудратҳои ҷаҳонӣ ҷиҳати ташвиқу тарғиби нерӯҳои ифротии кишварҳо барои муташанниҷ сохтани вазъияти сиёсӣ, махсусан, дар давлатҳои тозаистиқлол, хавфи авҷ гирифтани ҳаракатҳои экстремистӣ ҳамчун хатар ба амнияти миллӣ зиёд шуда истодааст.

Муфассал... Шарҳ додан

Боздиди Маъруф Муҳаммадзода аз аз комплекс кӯдакистон-мактаби махсус барои кӯдакони узви босираашон суст ва нобино

25 Январ 2019

Раиси шаҳри Хуҷанд Маъруф Муҳаммадзода аз комплекс кӯдакистон-мактаби махсус барои кӯдакони узви босираашон суст ва нобинои шаҳр боздид намуд.

Иттилоъ дода шуд, ки комплекс кӯдакистон-мактаби махсус барои кӯдакони узви босираашон суст ва нобино беш аз 100 нафар кӯдакон ба ғамхорӣ фаро гирифта шудаанд.

Маъруф Муҳаммадзода ҳангоми ошноӣ аз вазъи кӯкакистон ба маъмурияти он ҷиҳати хурраму обод намудани муассиса дастуру супоришҳо дод.

Муфассал... Шарҳ додан

Курси омӯзишии ММТ барои таблиғгарон

25 Январ 2019

Дар гимназияи №1-и шаҳри Хуҷанд бо ибтикори Маркази миллии тестии назди Президенти Ҷумҳурии Тоҷикистон курси омӯзишӣ бо низоми имтиҳонҳои марказонидаи дохилшавиро барои таблиғгарони муассисаҳои таҳсилоти миёнаи умумии шаҳр баргузор гардид.

Сардори бахши минтақавии Маркази миллии тестии назди Президенти Ҷумҳурии Тоҷикистон дар шаҳри Хуҷанд Мирзо Аҳмадзода баромад карда, аз ҷумла қайд кард, ки имтиҳонҳои марказонидаи дохилшавӣ чорабинии муҳими соҳаи маорифи кишвар мебошад, ки таваҷҷуҳи тамоми қишрҳои ҷомеа дар тамоми марҳалаҳояш ба он нигаронида мешавад. Асосгузори сулҳу Ваҳдати миллӣ, Пешвои миллат, Президенти кишвар, муҳтарам Эмомалӣ Раҳмон дар баромадҳояшон пайваста таъкид менамоянд, ки низоми имтиҳонҳои марказонидаи дохилшавӣ таъминкунандаи шаффофият, адолат ва арзёбии баробари донишу маҳорати довталабон мебошад.

Муфассал... Шарҳ додан

Натиҷагирӣ аз фаъолияти МНДСЭ-и шаҳри Хуҷанд дар соли 2018

25 Январ 2019

Дар Маркази назорати давлатии санитарию эпидемологии шаҳри Хуҷанд доир ба натиҷаҳои фаъолият дар соли 2018 ҷаласа баргузор гардид. Сардори Марказ Султон Раҳмонзода аз ҷанбаҳои фаъолият дар соли сипаришуда маълумот дода, аз ҷумла афзуд, ки баҳри пешгирии сар задани бемориҳои сироятӣ, бемориҳои касбӣ ва заҳролудшавии аҳолӣ аз 2118 иншоотҳои зериназорати бо назардошти мороторӣ 1153 ададашон бо муоинаҳои санитари фаро гирифта шудаанд миқдори умумии санҷишҳо 1650 нафарро ташкил медиҳад, ки аз он 663 муоинаҳо бо ҷалби ташхисҳои бактериологӣ ва кимиёвӣ мебошад. Зимни санҷишҳои гузаронидашуда 1392 намунаҳои хӯрока, 385 намунаҳои об бо ташхисҳои кимиёвӣ ва бактериологӣ тадқиқ шудаанд. Дар давоми соли сипаришуда дар иншоотҳои зериназоратӣ 32 маротиба тадқиқотҳои омилҳои физикавии муҳити атроф гузаронида шуда дар давоми он 97 муоинаҳои микроиқлим, 157 муоинаҳои равшаннокӣ гузаронида шудаанд. Дар давоми сол ташхиси бактериологи 2011 нафар шахсони ба фаъолият оғоз менамуда гузаронида шуда бо мақсади профилактики бошад 8112 нафар шаҳрвандон бо ташхис фаро гирифта шудаанд. Дар асоси муоинаҳои санитарии гузаронидашуда ва камбудиҳои ошкоргардида ба 728 нафар протоколҳои ҳуқуқвайронкунии маъмурӣ тартиб дода шуда аз онҳо 98900 сомонӣ ҷарима ба фоидаи буҷа рӯёнида шудааст, инчунин 110 адад қарорҳои сардухтур оиди боздошти фаъолияти иншоотҳо, манъи фаъолият ва маҳви маҳсулоти шубҳаноки пастсифат бароварда шудаанд.