Директори Коллеҷи тиббии шаҳри Хуҷанд Алимат Мавлонзода онро ифтитоҳ намуда, меҳмонон ва иштирокчиёни Конфронси ҷумҳуриявии илмӣ-амалӣ таҳти унвони «Нақши созандаи Пешвои миллат дар ташаккули худшиносӣ ва ҳувияти миллии ҷавонон»! хайрамақдам гуфта, таъкид дошт, ки конференсияи ҷумҳуриявии илмӣ-амалӣ таҳти унвони «Нақши созандаи Пешвои миллат дар ташаккули худшиносӣ ва ҳувияти миллии ҷавонон» бахшида ба 30-солагии қабули Конститутсияи давлатии Ҷумҳурии Тоҷикистон ва эълон гардидани соли 2024 “Соли маърифати ҳуқуқӣ” баргузор мегардад.

Сипас дар ҷараёни кори конфронс мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд, доктори илмҳои филологӣ, профессор Тоҷибой Султонзода, сардори раёсати тиббию фармасевтӣ, сиёсати кадрҳо ва илми Вазорати тандурустӣ ва ҳифзи иҷтимоии Ҷумҳурии Тоҷикистон, академики Академияи миллии илмҳои Тоҷикистон муҳтарам Юсуфӣ Саломуддин Ҷаббор, роҳбари намояндагии Ташкилоти умумиҷаҳонии тандурустӣ дар Тоҷикистон ҷаноби доктор Виктор Олшавский, доктори илмҳои таърих, профессори ДДҲБСТ Нуъмонҷон Ғаффорӣ, директори Маркази тарғиби адабиёт ва фарҳанги миллии назди Иттифоқи нависандагони Тоҷикистон, сиёсатшинос ва адиб Абдуллоҳи Раҳнамо баромад намуданд.

Таъкид шуд, саҳифаҳои таърихи башар дар баробари ҳодисаву воқеаҳои гуногун аз корҳои нек ва хидматҳои мондагори нафароне ҳикоят мекунанд, ки кору зиндагӣ ва гуфтору кирдорашон ба сарнавишти миллионҳо одамон таъсир гузоштааст. Дар ин миён, нақши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мухтарам Эмомалӣ Раҳмон бо муҳтавои махсус бозгӯ мешавад ва ин рисолат ба фаъолияти сулҳофаринӣ, давлатсозию миллатсозии Пешвои муаззами миллат иртиботи мустақим дорад.

Инак 33 сол аст, ки мардуми кишвар таҳти сарварии Пешвои миллат бо мақсаду ниятҳои олии созандагию ободонӣ, ба хотири бунёди ҷомеаи демократӣ, озоду дунявӣ, расидан ба рӯзу рӯзгорони боз ҳам зебову пурсаодат кору зиндагӣ мекунанд.

Дар ин солҳо Ватани маҳбуби мо бо суръати баланд рушду нумӯ ёфт, ободу зебо гардид, ба яке аз кишварҳои пешрафта ва дорои захираю имкониятҳои бузурги иқтисодию иҷтимоӣ табдил ёфт ва дар миёни ҷомеаи ҷаҳонӣ ҷойгоҳи сазовор пайдо намуд.

Ба эътирофи тамоми мардуми шарифи мамлакат Президенти маҳбуби кишвар муҳтарам Эмомалӣ Раҳмон бо кору амал, бо талошҳо ва ҷоннисориҳо барои шаҳрвандони кишвар беҳтарин ва ноёбтарин неъмат-сулҳу субот ва Ваҳдати комилро фароҳам оварданд, ки сарчашмаи тамоми музаффариятҳои мо дар сиёсати давлатдорӣ ва асоси воқеии хушбахтиҳои халқи толеъбаланди тоҷик аст.

Пешвои муаззами миллат дар Паёми солонаи худ дар робита ба нақшу мақом ва ҷойгоҳи ҷавонон, аз ҷумла таъкид намуданд, ки “Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад.

Зикр гардид, ки ҳадафи Сарвари давлат аз сарпарастӣ намудани озмунҳои «Илм–фурӯғи маърифат», «Тоҷикистон–Ватани азизи ман», «Фурӯғи субҳи доноӣ китоб аст», «Тоҷикон» - оинаи таърихи миллат», роҳандозии ҷоизаҳои махсус дар риштаи илмҳои дақиқ ва олимпиадаву озмунҳои гуногуни сатҳи вилоятию ҷумҳуриявӣ тақвият бахшидани ҳувияти миллӣ, ҳисси ифтихор аз таъриху тамаддуни бостонии халқамон, боз ҳам баланд бардоштани сатҳи саводнокиву маърифатнокии мардум, қабл аз ҳама наврасону ҷавонон ва тақвияти завқи зебоипарастии онҳо мебошад.

Имрӯз беш аз ҳар вақти дигар, барои таъмини рушду шукуфоии кишвари азизамон ниёзҳои ҷомеа ба ҳузури ҷавонони соҳибтахассус, дорои тафаккури созанда, бунёдкору соҳибибтикор эҳсос мегардад.

Пешвои миллат борҳо таъкид кардаанд, ки ҷавонони кишвар дорои ҳисси баланди миллӣ ва эҳсоси гарми ватандӯстиву ватанпарварӣ буда, дар мубориза бо ҳама гуна хавфу хатарҳое, ки зидди давлату миллатанд, омода мебошанд ва манфиатҳои миллиро аз ҳар манфиати дигар боло медонанд.

Боиси хурсандист, ки дар қатори меҳмонони дигар дар конференсияи имрӯза намояндагони Ташкилоти умумиҷаҳонии тандурустӣ бо сарварии роҳбари Ташкилоти умумиҷаҳонии тандурустӣ дар Тоҷикистон ҷаноби доктор Виктор Ольшавский ширкат доранд.

Президенти кишвар, мӯҳтарам Эмомалӣ Раҳмон саломатии миллатро боигарии давлат дониста, пайваста ба рушди соҳаи тандурустӣ таваҷҷуҳи хоса зоҳир менамоянд. Чунин ғамхорӣ ба беҳтар намудани хизматрасонии тиббӣ ба аҳолӣ, фароҳам овардани шароити муносиби фароғату солимгардонӣ, таъмиру тармими муассисаҳои табобатӣ, баланд бардоштани сифати дониш ва тарбия дар муассисаҳои таълимии тиббӣ, истифодаи роҳу усулҳои замонавии табобати шаҳрвандон ва ҷорӣ намудани таҷрибаҳои пешқадам дар фаъолияти кормандони соҳаи тандурустӣ таккони ҷиддие мебахшад.

Сипас дар бахшҳои дигар конфрон кори худро идома бахшид.

Бояд қайд намуд, ки меҳмонон аз бинои нави таълимӣ, таҷҳизот ва дастовардҳои Муассисаи давлатии таълимии “Коллеҷи тиббии шаҳри Хуҷанд ба номи профессор Ю.Б. Исҳоқӣ шинос гардида, ба сатҳу сифати заминаи моддӣ ва усули омода намудани кадрҳо дар ин муассисаи таълимӣ баҳои баланд доданд.