24 Январь 2024
Раёсати Вазорати молияи Ҷумҳурии Тоҷикистон дар шаҳри Хуҷанд ҷиҳати татбиқи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023» аз 7 декабри соли 2022, №1916 ва қарори Ҳукумати Ҷумҳурии Тоҷикистон аз 29 декабри соли 2022, №626 «Дар хусуси тадбирҳои иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023» дар давоми соли 2023 як қатор силсила корҳоро ба анҷом расонид.
Дар ин давра ба даромади буҷети маҳаллӣ 293084,2 ҳазор сомонӣ малағҳои андозӣ ва ғайриандозӣ ворид карда шуданд, ки ин нисбати нақша 19581,2 ҳазор сомонӣ зиёд ва ё 107,2 фоизро ташкил намуд. Воридоти даромадҳои андозӣ ва ғайриандозии буҷети маҳаллӣ нисбат ба ҳамин давраи соли гузашта маблағи 32975,4 ҳазор сомонӣ зиёд мебошад, ки ин 112,7 фоизро ташкил медиҳад. Дар ин давра ҳамаи 10 намуди сарчашмаҳои даромадҳои андозии ба нақша гирифташуда пурраю барзиёд таъмин карда шуданд.
Дар ин марҳила даромади умумиӣ буҷети шаҳри Хуҷанд ба маблағи 659502,3 ҳазор сомонӣ таъмин гардид, ки ин нисбат ба нақша 63961,3 ҳазор сомонӣ зиёд ва ё 110,7 фоизро ташкил медиҳад. Воридоти даромадҳои андозӣ ва ғайриандозии буҷети умумӣ нисбат ба ҳамин давраи соли гузашта маблағи 85242,9 ҳазор сомонӣ зиёд мебошад, ки ин 114,8 фоизро ташкил медиҳад. Дар ин давра ҳамаи 10 намуди сарчашмаҳои даромадҳои андозии ба нақша гирифташуда пурраю барзиёд таъмин гардиданд.
Бақияи қарзи андози андозсупорандагони шаҳр бо назардошти қарзи андози андозсупорандагони калон ба ҳолати 1 декабри соли 2023 маблағи 17383,4 ҳазор сомониро ташкил медиҳад, ки ин нисбати аввали соли ҷорӣ ба маблағи 329,0 ҳазор сомонӣ зиёд гардидааст.
Қисми хароҷоти буҷети шаҳри Хуҷанд дар соли 2023 ба маблағи 283438,7 ҳазор сомонӣ таъмин гардид, ки ин 98,3 фоизро ташкил намуда барои рушди соҳаҳои иҷтимоӣ алалхусус маориф, тандурустӣ, фарҳанг ва ҳифзи иҷтимоии аҳолӣ маблағи 203858,0 ҳазор сомонӣ ва ё 71,9 фоизи маблағҳои харҷгардидаи буҷетӣ равона карда шуда, барои таъмини маблағгузории моддаҳои ҳимояшавандаи буҷет, аз ҷумла барои пардохти музди меҳнат, маблағҷудокуниҳо барои эҳтиёҷоти иҷтимоӣ, стипендия, кумакпулӣ, ҷубронпулӣ ва пардохти хизматрасонии коммуналӣ 160388,6 ҳазор сомонӣ маблағҳои буҷетӣ масраф гардиданд, ки ин 56,6 фоизи хароҷоти умумии буҷети маҳаллиро ташкил намуда, аз ҳисоби пардохти музди меҳнат, маблағҷудокуниҳо барои эҳтиёҷоти иҷтимоӣ, стипендия, кумакпулӣ ва ҷубронпулии аз буҷет пардохтшаванда қарздорӣ ҷой надорад.
Дар ин давра ба даромади суратҳисоби махсуси муассисаҳои буҷетии аз ҳисоби буҷети маҳаллӣ маблағгузоришаванда боназардошти бақия дар аввали сол 27723,7 ҳазор сомонӣ маблағ ворид гардид, ки ин 88,2 фоизи иҷрои нақшаро ташаккул дода, нисбати нақшаи муайяншуда 3695,2 ҳазор сомонӣ кам мебошад ва аз ин ҳисоб 26355,3 ҳазор сомонӣ, аз ҷумла барои пардохти музди меҳнат якҷоя бо маблағҷудокунӣ барои эҳтиёҷоти иҷтимоӣ 6306,5 ҳазор сомонӣ, пардохт барои хизматрасониҳои коммуналӣ 1243,7 ҳазор сомонӣ, хароҷоти захираҳои моддию молӣ 12904,1 ҳазор сомонӣ, пардохти хизматрасонии мутахассисон 1072,5 ҳазор сомонӣ, барои гузаронидани таъмири ҷорӣ 1578,6 ҳазор сомонӣ, барои хариди мошинҳо ва таҷҳизот 658,9 ҳазор сомонӣ, хароҷоти муассисаҳо вобаста ба пардохти ҳиссагузориҳо 938,0 ҳазор сомонӣ, пардохт барои хизматрасонии алоқа 422,0 ҳазор сомонӣ, хароҷот барои суғуртаи бино ва таҷҳизот 180,0 ҳазор сомонӣ, хароҷоти дигар молу хизматрасониҳои ба категорияҳои дигар мансубнашуда 701,5 ҳазор сомонӣ ва ғайра маблағҳо ба харҷ дода шуданд.
Дар давоми соли 2023 барои маблағгузории сохтмони асосии иншоотҳои сохташавандаи шаҳри Хуҷанд 29917,7 ҳазор сомонӣ малағҳои буҷетӣ масраф гардиданд, ки ин таъмини иҷрои нақшаро бо назардошти ворид намудани тағйиру иловаҳо ба андозаи 99,9 фоиз ташкил медиҳад.
Дар давоми соли 2023 барои маблағгузории корҳои ободонии шаҳр аз ҷумла, р¬ўбучини кўчаҳои марказӣ, аз кўчаҳо баровардани партовҳо, дар майдонҳо шинонидани гулҳои ороишӣ, шинонидани дарахтони ҳамешасабзу ороишӣ, таъмиру азнавсозии роҳҳои дохилӣ, таъмири намои берунаи хонаҳои дар кўчаҳои протоколӣ ҷойгиршуда, фаъолияти бомароми фаввораҳо ва корҳои равшаннамоии кўчаҳо, бо воситаи КВДК “Сарраёсати ободонӣ ва хоҷагии манзилию коммуналӣ”-и шаҳр, ки ҳамчун фармоишгари асосии мақомоти иҷроияи ҳокимияти давлатии шаҳри Хуҷанд оид ба корҳои ободонӣ ба ҳисоб меравад, 38355,7 ҳазор сомонӣ маблағҳои буҷетӣ ба харҷ дода шуданд.
Дар ин давра ҷиҳати таъмини моддаи 16 Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023» ҷиҳати ҳиссагузорӣ ба Фонди стабилизатсионӣ оид ба рушди иқтисодиёт ва мутобиқи талаботи моддаи 20 Қонуни мазкур барои маблағгузории сохтмони иншооти муҳими давлатӣ, аз ҳисоби иҷрои барзиёди нақшаи тасдиқшудаи қисми даромади буҷети маҳаллии шаҳри Хуҷанд дар соли 2023, ки маблағи 19581,2 ҳазор сомонӣ жой доштанаш, 30 фоиз ба Фонди стабилизатсионӣ оид ба рушди иқтисодиёт 5874,4 ҳазор сомонӣ ва 5 фоиз барои маблағгузории сохтмони иншооти муҳими давлатӣ 685,3 ҳазор сомонӣ ҳиссагузориҳо саривақт ҳисоб ва равона карда шуданд.
Дар шаҳри Хуҷанд 3 лоиҳаҳои сармоягузории хориҷӣ, ки бо кафолати Ҳукумати Ҷумҳурии Тоҷикистон аз ҳисоби Бонки Аврупоии Таҷдид ва Рушд (минбаъд БАТР) ҷалб карда шуданд, амалӣ гардида истода дар давоми соли 2023 аз тарафи КВДК “Хуҷандобуканал” дар ду марҳла 466038,55 доллари ИМА (5007,9 ҳазор сомонӣ), аз тарафи КДК «Нақлиёти мусофиркашон»-и шаҳри Хуҷанд дар ду марҳила 1918862,86 доллари ИМА (20980,4 ҳазор сомонӣ) ва аз тарафи КВДК «Хизматрасони нақлиёти санитарӣ»-и шаҳри Хуҷанд дар чор марҳила 561581,62 доллари ИМА (6142,4 ҳазор сомонӣ), пардохти қарз дар назди БАТР таъмин карда шуданд.
Раёсати молияи шаҳр минбаъд низ барои сари вақт маблағгузорӣ намудани муассисаҳои буҷетии аз ҳисоби буҷети маҳаллии шаҳри Хуҷанд маблағгузоришаванда ва назорати маблағҳои харҷгардидаро зери назорати доимӣ қарор медиҳад ва тамоми чораҳои таъхирнопазиро меандешад то, ки маблағҳои буҷетӣ мақсаднок ва сарфакорона ба харҷ дода шаванд.
