13 Март 2019
Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон зимни мулоқоташон дар ифтитоҳи гимназияи 1-и шаҳри Хуҷанд роҷеъ ба таҷҳизонидани кабинетҳои фаннии муассисаҳои таълимии шаҳри Хуҷанд тадбирҳои мушаххас андешида шуданд.
Аз ҷумла, ин тадбир дар гимназияи №13 муваффақона пиёда ва иҷро карда шуд. Барои таҷҳизонидани кабинети фанни физика ва озмоишгоҳи он дар муассисаи таълимии мазкур беш аз 75 ҳазор сомонӣ бо ҷалби маблағҳои буҷети Мақомоти иҷрияи ҳокимияти давлатии шаҳри Хуҷанд ва суратҳисоби муассиса масраф гардид. Ҳамчунин кабинетҳои фанҳои биология, химия, ду адад кабинетҳои фанни технологияи информатсионӣ бо тахтаҳои электронӣ, компутерҳои нав, айёниятҳо ва дигар лавозимоти зарурӣ таҷҳизонида шуданд. Ҳамаи ин имкон медиҳад, ки омӯзгорон бо истифода аз таҷҳизоти замонавӣ ба муҳассилин дарсҳои сифатнок дода, сатҳу сифати таълимро баланд бардоранд.Бояд гуфт, ки гимназия хонандагон бештар бо донишазхудкунӣ ҷиддӣ машғул буда дорои одобу ахлоқи ҳамида мебошанд.
Маъмурияти муассисаи тасмим гирифтааст, ки дар ояндаи наздик аз рӯйи ҳамаи фанҳо кабинетҳои фаннӣ бо таҷҳизоти муосир ташкил намуда, барои таълиму тарбияи самарабахши насли наврас кӯшиши бештар ба харҷ диҳад.
Ҷоиз ба зикр аст, ки гимназияи №13 ба номи Максим Горкийи шаҳри Хуҷанд ягона муассисаи таълимии давлатии таҳсилоташ бо забони русӣ дар маркази маъмурии вилояти Суғд мебошад. Феълан дар гимназия 1348 нафар хонандагон таҳсил менамоянд, ки ба онҳо 45 нафар омӯзгорон сабақ меомӯзонанд.
Гимназия алҳол дорои 45 адад синфхона ва 14 адад кабинетҳои фаннӣ, 3 озмоишгоҳ, 1 адад толори варзишӣ ва як адад толори машваратӣ мебошад.
Дар байни хонандагон варзишгарони варзида таҳсил намуда дар мусобиқа варзиши вилоят ҷумҳурӣ ва берун аз он ҷойҳои намоёнро ишғол менамоянд. Соли таҳсили сипарӣ аз 78 нафар 75 нафар хатмкунандагон ба макотиби олии қаламрави кишвар Федаратсия Русияи ва берун аз он дохил шуданд, ки 96 фисадро ташкил медиҳад.
Дафтари матбуоти
Раиси шаҳри Хуҷанд
