(0 овоз, миёна 0 аз 5)

Ҳисобот

оиди фаъолияти Хонаи ақди никоҳи шаҳри Хуҷанд

дар 6 моҳи якуми соли 2015

 

Хонаи ақди никоҳи шаҳри Хуҷанд тибқи нақша- чорабинии пешбининамуда дар соли 2015 дар иҷроиши Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ», Қонунҳои Ҷумҳурии Тоҷикистон «Дар бораи танзими ҷашну маъракаҳо ва расму оинҳои мардумӣ», «Дар бораи муроҷиати шаҳрвандон», Кодекси оилаи Ҷумҳурии Тоҷикистон, Фармони Президенти Ҷумҳурии Тоҷикистон «Дар бораи сиёсати ҳуқуқӣ ва таъмини сиёсати ҳуқуқии шаҳрвандони Ҷумҳурии Тоҷикистон» таҳти рақами 691 аз соли 1997, «Барномаи таълимӣ ва тарбияи ҳуқуқии шаҳрвандони Ҷумҳурии Тоҷикистон барои солҳои 2009-2019», «Барномаи рушди мақомоти сабти асноди ҳолати шаҳрвандӣ дар Ҷумҳурии Тоҷикистон барои солҳои 2014-2019» фаъолияти хешро ба роҳ монда, дар давраи 6 моҳи соли 2015 – 527 адад  ақди никоҳ ба қайди давлатӣ гирифта шудааст.
Вобаста ба тадбиқи нақша-чорабиниҳо доир ба эълон намудани соли 2015- Соли оила аз ҷониби Сарвари давлат Эмомалӣ Раҳмон ба Маҷлиси олии Ҷумҳурии Тоҷикистон  Хонаи ақди никоҳи шаҳри Хуҷанд силсилаи чорабиниҳо таҳти унвони «Оила-маҳзани меҳру муҳаббат», «Зани оқилаву порсо, кунад марди хешро подшоҳ», «Арӯси беҳтарин» дар озмунҳо ва маҳфилҳои «Ҳамроз», «Дарёи муҳаббат», «Ҳамсарон» ва вохӯриву сӯҳбатҳои  тарғиботию ташвиқотӣ дар ташкилоту муассисаву коргоҳ, мактабҳои олӣ ва миёна дар байни аҳолӣ давом доранд. Ба маҳфилҳо оилаҳое, ки зиндагонии осоишта дошта, ба давлату ҷомеа хизмат кардаанд, фарзандони солеҳу содиқ ба ватану миллат тарбия намудаанд ва собиқаи зиёди ҳамзистӣ доранд, ҳамчун намуна ба оилаҳои ҷавон даъват мешаванд.
Оид ба татбиқи моддаи 15 Кодекси оилаи Ҷумҳурии Тоҷикистон муоинаи тиббии шахсони никоҳшаванда ва баҳри барпо намудани оилаи солим, пойдорӣ ва нигоҳ доштани он дар оғози сол бо иштироки навхонадорон ва аъзоёни оилаҳо, донишҷӯён, шӯрои занони кумитаҳои маҳаллаҳо ва фаъолон зимни фаъолияти «Маркази солим» дар ҳамкорӣ бо Маркази солимгардонии репродуктивии вилояти Суғд  машваратҳо дар солимии оила, модар ва кӯдак, таҳким ва устувории оила 28 адад сӯҳбат бо иштироки 38о нафар навхонадорон бо аъзоёни оила доир намуд. Аз ҷониби сардори шуъбаи Хонаи ақди никоҳ доир ба амалӣ намудани ҳадафу мақсадҳои Паёми Сарвари давлат Эмомалӣ Раҳмон ба Маҷлиси олии Ҷумҳурии Тоҷикистон  ба қайди ақди никоҳи шаҳрвандони Ҷумҳурии Тоҷикистон тибқи қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ», Кодекси оилаи  Ҷумҳурии Тоҷикистон», солимӣ ва мустаҳкамии оилаҳо, оид ба пош хӯрдани оилаҳои ҷавон ва пешгирии он бо иштироки табибони марказҳои солимгардонии шаҳри Хуҷанд маърӯза намуданд. Ҳамзамон аз ҷониби Хонаи ақди никоҳи шаҳри Хуҷанд дар байни донишҷӯёни Донишгоҳи давлатии Хуҷанд ба номи академик Бобоҷон Ғафуров, донишгоҳи ДИС ДДТТ, Донишгоҳи давлатии ҳуқуқ, бизнес ва сиёсати Тоҷикистон оиди пешгирии никоҳи хешутаборӣ ва аз муоинаи тиббӣ гузаштани ҷавонон ташвиқ намуда, сӯҳбати муфид гузаронида шуд.
Ҳамчунин дар толори Хонаи ақди никоҳи шаҳри Хуҷанд машварат бо намояндагони кумитаҳои маҳаллаҳои шаҳри Хуҷанд, раисони шӯрои занони кумитаҳои маҳаллаҳо ва фаъолзанон доир ба татбиқи қонунҳои Ҷумҳурии Тоҷикистон «Дар бораи танзими ҷашну маъракаҳо ва расму оинҳои мардумӣ», «Дар бораи масъулияти падару модарон дар таълиму тарбияи фарзанд» ва ҳамчунин ҳамкорӣ ва дар робита бо кумитаҳои маҳаллаҳои шаҳр тарғибу ташвиқ намудани таҳкими оилаҳои ҷавон баргузор гардид. Дар сӯҳбат барои боз ҳам ҷоннок намудани корҳои фаҳмондадиҳӣ дар мустаҳкамии оила якчанд таклифу пешниҳод аз ҷониби иштирокчиён дода шуд. Машваратҳои мазкур бо воситаи телевизион ва радиои вилояти Суғд ва «СМ-1» тарғиб гардида, намоиш дода шуд.
Бо иштироки намояндагони мақомоти тандурустӣ, кумитаҳои маҳаллаҳо, ташкилотҳои ҷамъиятӣ оиди пешгирии вайроншавии оилаҳо мизи мудаввар дар устувор гаштани ақди никоҳ, оила ва муносибатҳои оилавӣ, дар рӯҳи садоқат ба Ватан, муносибати бошуурона ва дуруст тарбия кардани насли наврас баргузор гардида, нақшаи корӣ таҳия карда шуд.
Мақолаҳои тарғиботӣ дар рӯзномаи шаҳрии «Тирози ҷаҳон» аз санаи 25 феврали соли 2015 таҳти №18 бо унвони «Мустаҳкамии оила мақсади мост», рӯзномаи вилоятии «Ҳақиқати Суғд» санаи 07 феврали соли 2015 таҳти №17 бо иштироки корманди Хонаи ақди никоҳ дар ҷавоб ба саволҳои рӯзноманигори саҳифаи «Чаманоро», рӯзномаи вилоятии «Ҳақиқати Суғд» санаи 26 феврали соли 2015 таҳти №25 «Омили муттаҳидкунандаи халқ», аз санаи 17 марти соли 2015 таҳти №33  дар мавзӯи «Солимии ҷомеа аз пойдориву устувории оила», аз санаи 15 апрели соли 2015 дар рӯзномаи «Ҷумҳурият» бо номи «Роҳандозии тадбирҳо ба ифтихори Соли оила», аз санаи 18 апрели соли ҷорӣ дар рӯзномаи «Согдийская правда» ба мавзӯи «Река любви», рӯзномаи «Нилуфар» бо номи «Оила бувад зи ду тан пайванд», рӯзномаи «Ҳақиқати Суғд» дар мавзӯи фарҳанги либоспӯшӣ, худшиносӣ ва арзиши эҳтироми миллӣ дарҷ гардида, доир ба гузаронидани сӯҳбатҳои муфид бо шаҳрвандон дар бунёд намудани оила, мустаҳкам ва нигоҳ доштани он ба тавсиб расидааст. Ҳамзамон дар рӯзномаи шаҳрии «Тирози ҷаҳон» бо мақсади баланд бардоштани маърифати ҳуқуқи оилавӣ дар шумораҳои он тафсири Кодекси оилаи Ҷумҳурии Тоҷикистон нашр гардида истодааст. Ҳамчунин бо иштироки кормандони Хонаи ақди никоҳ баромадҳо дар телевизионҳои маҳаллӣ «СМ-1», «Танин» ва вилоятӣ дар мавзӯи «Пешгирӣ аз ҳолатҳои никоҳи хешутаборӣ», «Мустаҳкамии оилаҳои ҷавон» ва радиои вилоятӣ дар мавзӯи «Маърифати ҳуқуқии зан» ва радиои шаҳрии «Замон» дар мавзӯи тарғиби соли 2015-Соли 0ила пахш гардид.
Дар арафаи Наврӯзи ҳуҷастапай бо иштироки кормандони Хонаи ақди никоҳи шаҳри Хуҷанд бахшида ба Соли оила дар кумитаи маҳаллаи «Тиллоқон» дар шаҳри Хуҷанд маъракаи суманакпазӣ бо эҳдои анъанаҳои миллии хӯрокпазӣ, намоиши либосҳои миллӣ, ороиши як қисми хона бо ҷиҳозҳои миллӣ ва саҳначаи тарбиявӣ доир ба одоби оиладорӣ ва тарбияи хонаводагӣ баргузор гардид. Дар маҳфил  оилаҳои намунавии маҳаллаи мазкур иштирок намуда, аз таҷрибаи оиладорӣ ва рӯзғордорӣ ба ҷавонон нақл намуданд.
Бахшида ба Рӯзи байналмиллалии Оила бо иштироки 13 оилаҳои ҷавон ва оилаи намунавии шаҳри Хуҷанд маҳфил бо номи «Оила-маҳзани меҳру муҳаббат» бо ҳидояти аҳливу тифоқӣ ва устувор гардонидани пояи оила, пешгирии пошхӯрии оилаҳои ҷавон баргузор гардид.
Ҳамчунин доир ба тарғиби фарҳанги либоспӯши, худшиносӣ ва арзиши эҳтироми миллӣ иштироки фаъоли кормандони Хонаи ақди никоҳ дар кумитаҳои маҳаллаҳои шаҳр, нишасти телевизионӣ дар тарабхонаи «Ҷавонӣ» ва бо воситаи рӯзномаи вилоятии «Ҳақиқати Суғд» инъикос ва нашр гардид.
Конференсияи илмӣ-адабӣ таҳти унвони «Ҷомеаи солим аз оилаи солим ва наслҳои солим ташаккул меёбад», ки дар толори мактаби таҳсилоти умумии «Иршод» баргузор гардид, маърӯзаи мутахассиси Хонаи ақди никоҳ оид ба оқибатҳои никоҳи хешутаборӣ ва солимии оилаҳои ҷавон шунида шуд.
Шӯъбаи Хонаи ақди никоҳи шаҳри Хуҷанд зимни амалинамоии нақшаи кории шӯъбаи Хонаи ақди никоҳ баҳри пойдорӣ ва мустаҳкамии оила тибқи иҷроиши нақша-чорабиниҳои мақомоти иҷроияи ҳокимияти давлатии шаҳри Хуҷанд ва Қонунгузории оилавии Ҷумҳурии Тоҷикистон саъю кӯшиш ба харҷ медиҳад.

 

Сардори шуъбаи Хонаи ақди никоҳи ш.Хуҷанд                                                              Х.Хоҷаева

Раиси шаҳр

Муовинони Раиси шаҳр

Ғайбуллозода Х. Ғайбуллозода Х. Муовини аввали Раиси шаҳрХайрулло  Ғайбуллозода бо қарори Раиси шаҳр таҳти №281 аз 2 июни соли 2016 муовини якуми Раиси шаҳри Хуҷанд таъин ...
Боқизода Б. Боқизода Б. Муовини Раиси шаҳрБахтиёр Боқизода 28-уми июли соли 1983 дар шаҳри Хуҷанд таваллуд шуда, соҳиби чор маълумоти олӣ: ҳуқуқшиносӣ, иқтисодӣ ва ...
Муяссара Қаҳорӣ Муяссара Қаҳорӣ Муяссара Қаҳорӣ 15 октябри соли 1979 дар шаҳри Хуҷанд таваллуд шудааст. Миллаташ тоҷик. Маълумот олӣ. Соли 2002 Донишгоҳи давлатии Хуҷанд ба...
Ҳомидзода А.А. Ҳомидзода А.А. Роҳбари Дастгоҳи Раиси шаҳрАбдуваҳҳоб Ҳомидзода  8-уми июни соли 1978 дар шаҳри Хуҷанд таваллуд ёфтааст. Миллаташ тоҷик, маълумоташ олӣ. С...
Ҷамшед Набизода Ҷамшед Набизода Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва ...

Роҳбарони сохторҳо

Ҷӯраева К.Я. Ҷӯраева К.Я. Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишг...
Миробидова М.М. Миробидова М.М. Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳ...
Бобозода Т. К. Бобозода Т. К. Бобозода Толиб Карим 1-уми августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи поли...
 Бобоҷонзода А. Бобоҷонзода А. Бобоҷонзода Абдусалом 27-уми декабри соли 1966 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ, соли 1992 Донишг...
Юсупов М. З. Юсупов М. З. Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли 1999 ба шуъбаи рӯзноманигор...
Маликисломов Н. Н. Маликисломов Н. Н. Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и ш...
Юсуфӣ У. C. Юсуфӣ У. C. Юсуфӣ Усмон Сиддиқзода 23-юми сентябри соли 1982 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ. Соли 2005 Дони...
Ӯлмасова Н. М. Ӯлмасова Н. М. Ӯлмасова Нигина Маруфовна 08-уми октябри соли 1980 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 2010 Донишгоҳи да...
Абдуқаҳҳорзода Т. Абдуқаҳҳорзода Т. Абдуқаҳҳорзода Таҳмина Солҳои 2000 - 2002-Лаборанти кафедраи забон ва адабиёти тоҷики Донишгоҳи давлатии Хуҷанд ба номи академик Б. Ғафуров,...
Каримов А. А. Каримов А. А. Каримов Азимҷон Акрамҷонович 1-уми январи соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2020 Академияи х...
Абдуллоев Ш. Д. Абдуллоев Ш. Д. Абдуллоев Шукрулло Дадоҷонович 24-уми июли соли 1998 дар шаҳри Хуҷанд таввалуд шудааст. Миллаташ тоҷик, маълумоташ олӣ. Соли 2011 Донишкадаи...
Воҳидов А.Б. Воҳидов А.Б. Воҳидов Азамат Баҳодурович 6-уми июни соли 1974 дар н. Б.Ғафуров таваллуд шуда, миллаташ тоҷик, маълумот олии тиббӣ. Соли 1997 филиали Хучан...
Пӯлотов М. М. Пӯлотов М. М. Пўлотов Мунир Мухторович 12 августи соли 1973 дар шаҳри Хуҷанд таваллуд шуда, миллаташ тоҷик, маълумоташ олӣ мебошад. Соли 1996 Донишгоҳи да...
Раҳмонова М. А. Раҳмонова М. А. Раҳмонова Маҳфуза Абдуманоновна 12-феврали соли 1988 дар шаҳри Хуҷанд дар оилаи коргар таваллуд шуда, миллаташ тоҷик, маълумот олӣ мебошад. ...
Диловарзода Д. Д. Диловарзода Д. Д. Диловарзода Достон Диловар 21уми феврали соли 1996 дар шаҳри Бӯстон таваллуд шуда, миллатааш тоҷик, маълумот олӣ мебошад. Соли 2018 Донишкад...