Асосӣ

Навгонӣ

Сафари корӣ: Таваҷҷӯҳи рӯзафзун ба корхонаҳо

(1 голос, среднее 5.00 из 5)

23 Май 2013

Недоступен ни однин перевод.

Раиси шаҳри Хуҷанд Раҷаббой Каримов мунтазам бо мақсади шиносоӣ аз фаъолияти корхонаҳои саноатӣ ва бохабар шудан аз муаммоҳои онҳо сафари корӣ анҷом медиҳад.

Сафари навбатӣ ба корхонаи аъмоён, ки дар маҳаллаи 27-ум воқест, ба вуқӯъ пайваст. Раиси шаҳр аз сехҳои коргоҳ дидан намуда, бо коргарон сӯҳбати судманд орост. Ба сифати маҳсулоти истеҳсолкардаашон баҳои баланд дода, онҳоро ба фатҳи қуллаҳои нави меҳнатӣ даъват кард.

Феълан дар корхонаи мазкур 63 нафар коргарон бо сарварии Равшан Ҷӯраев фаъолият доранд. Аз ин теъдод 32 нафарашон бонувон мебошанд.

Читать полностью

Омодагӣ ба мавсим нав: Боздид аз корхонаҳои коркард

22 Май 2013

Недоступен ни однин перевод.

Мавсими кор дар корхонаҳои коркарди маваю сабзавот оғоз гардид. Ба ин хотир Раиси шаҳри Хуҷанд Раҷаббой Каримов бо ҳадафи ошноӣ аз рафти омодагии корхонаҳо ба мавсими имсола аз чанд корхона дидан кард.

Нахуст Раиси шаҳр ба Ҷамъияти саҳҳомии кушодаи «Лаъл», ки ба истеҳсоли зарфҳои шишагин муваззаф гардидааст, омада, бо роҳбарият ва кормандони он сӯҳбат гузаронд ва аз сехҳои корхона дидан намуд.

Маълум гардид, ки феълан дар ду сехи коргоҳ 217 нафар дар се баст фаъолият карда, шабонарӯзӣ 29-30 ҳазор дона банкаҳои дулитра истеҳсол менамоянд. Директори генералии ҶСК «Лаъл» Мирзоҳалим Мирзокаримов зимни пурсиши Раиси шаҳр гуфт, ки мавсими имсола аз 10-уми май оғоз гардида, барои ҷалби кормандон ҷиҳати ҷоннок намудани фаъолият тадбирҳои зарурӣ андешида шуданд.

Читать полностью

Табрики Раиси шаҳри Хуҷанд ба муносибати Рӯзи ҷавонони Тоҷикистон

21 Май 2013

Недоступен ни однин перевод.

Ҷавонони арҷманд!

Бо ҳисси қаноатмандӣ ва ифтихори бепоён Шумо ворисони арзандаи насли шуҷою қаҳрамонро бо фарорасии иди пурфайз Рӯзи ҷавонони Тоҷикистон аз номи Мақомоти иҷроияи ҳокимияти давлатии шаҳри Хуҷанд самимона табрик мегӯям. Бароятон саодатмандӣ, нерӯи тозаи созандагӣ ва сарбаландиҳо таманно мекунам.

Таҷлили ин санаи фархунда шукӯҳу даврони ширини зиндагиро собит намуда, насли ояндасози ҷамъиятро ба эҷодкориҳои нав ба нав ҳидоят месозад. Баргузории чунин тантанаи хотирмон, ки бо ибтикор ва ташаббуси Ҷаноби Олӣ, Президенти Ҷумҳурии Тоҷикистон, мӯҳтарам Эмомалӣ Раҳмон ҳамасола дар чунин фасли зебои сол сурат мегирад, шаҳодати эътибори Сардори давлатамон ва кулли ҷомеа нисбат ба ҷавонон, нерӯи эҷодгар ва созандаву бунёдкори онҳост.

Читать полностью

Таҷлили Рӯзи ҷавонони Тоҷикистон дар Суғд

(1 голос, среднее 5.00 из 5)

22 Май 2013

Недоступен ни однин перевод.

21 май танатанаҳои ҷашнии Рӯзи ҷавонони Тоҷикистон дар маркази вилояти Суғд бо роҳпаймоии идонаи беш аз 20 ҳазор нафар ҷавонон, ки аксар донишҷӯёни муассисаҳои олии вилоят буданд, оғоз ёфт.

Шоми ҳамин рӯз дар майдони Парчам ва Нишони Ҷумҳурии Тоҷикистон, воқеъ дар назди бинои мақомоти иҷроияи ҳокимияти давлатии вилояти Суғд ба муносибати Рӯзи ҷавонони Тоҷикистон чорабинии идона бо иштироки Раиси вилоят Қоҳир Расулзода баргузор гардид.

Раиси вилоят Қоҳир Расулзода зимни суханронии табрикотии худ ҷавононро насли ояндасоз ва соҳиби минбаъдаи пешрафтҳои дунёи имрӯз хонда, нақши онҳоро дар пешбурди соҳаҳои гуногуни мамлакат муҳим арзёбӣ кард.

Читать полностью

Қадршиносии ҷавонон: Идрорпулии Раиси шаҳр супорида шуд

(1 голос, среднее 5.00 из 5)

20 Май 2013

Недоступен ни однин перевод.

Бо мақсади ҳавасмандкунӣ, дастгирии моддиву маънавии толибилмони мактабҳои таҳсилоти миёнаи умумӣ, омӯзишгоҳҳои касбӣ-техникӣ ва донишҷӯёни донишгоҳҳо дар асоси қарори Раиси шаҳри Хуҷанд Раҷаббой Каримов «Дар бораи таъсис додани идрорпулии Раиси шаҳри Хуҷанд барои хонандагони мактабҳои таҳсилоти миёнаи умумӣ, омӯзишгоҳҳои касбӣ-техникӣ, донишҷӯёни коллеҷу мактабҳои олии шаҳри Хуҷанд дар солҳои хониши 2012-2013» тантанаи супоридани идрорпулӣ сурат гирифт. Идрорпулӣ ба ҷавононе супорида шуд, ки бо баҳои аъло таҳсил намуда, дар корҳои ҷамъиятӣ фаъолона иштирок намуданд.