АсосӣБойгонӣ

Навгонӣ

Даъват ба таҳсил

(2 овоз, миёна 5.00 аз 5)

09 Апрел 2013

Дар гимназияи рақами 4-уми шаҳри Хуҷанд бо мақсади даъват ва қабули ҷавонон-хатмкунандагони имсолаи мактабҳои миёна ба таҳсил, муаррифии Донишгоҳи давлатии нефтию техникии шаҳри Уфаи давлати Башқордистони Федератсияи Россия баргузор гардид.

Сароғоз ташкилкунандагон ва намояндагони донишгоҳ Салимҷон Ӯрунов ва Чанишев Наил Тагирович ҷамъомадагонро хайрамақдам гуфта, оид ба факултету ихтисосҳои ин мактаби олӣ маълумот доданд. Зикр гардид, ки қабули довталабон ба донишгоҳ тариқи озмун аз рўи фанҳои математика, забони рўсӣ, химия, физика, философия, информатика сурат мегирад. 5 нафар ғолибе, ки дар озмун холи аз ҳама зиёд мегиранд ба гурӯҳи буҷетӣ ва 10 нафари дигар ба гурӯҳи шартномавӣ қабул карда мешаванд.

Дар озмун беш аз 120 нафар хонандагони синфҳои 11-ум аз мактабу гимназияҳои вилояти Суғд, хусусан шаҳрҳои Хуҷанд, Конибодом, Исфара, Қайроққум ва Чкалов иштирок намуданд.

Муфассал... Шарҳ додан

Олимпиадаи Ҷумҳуриявӣ дар Хуҷанд

08 Апрел 2013

Дар Донишкадаи политехникии Донишгоҳи техникии Тоҷикистон ба номи академик М.Осимии шаҳри Хуҷанд даври хотимавии олимпиадаи ҷумҳуриявии фаннии донишҷӯёни муассисаҳои таҳсилоти олии касбӣ (равияҳои иқтисодӣ ва табиию риёзӣ) ва озмуни ҷумҳуриявии «Лоиҳаи инноватсионӣ оид ба рушди иқтисодиёти Ҷумҳурии Тоҷикистон аз нигоҳи донишҷӯ» бори аввал берун аз шаҳри Душанбе бо иштироки 178 донишҷӯ аз мактабҳои олии кишвар баргузор гардид.

Муовини аввали вазири маорифи Ҷумҳурии Тоҷикистон Фарҳод Раҳимов зимни ифтитоҳи олимпиада ба донишҷӯён ва устодон комёбиҳо таманно намуд.

Муфассал... Шарҳ додан

Як моҳи варзиш ва саломатӣ

(3 овоз, миёна 5.00 аз 5)

06 Апрел 2013

Дар асоси дастуру супоришҳои Ҷаноби Олӣ, Президенти Ҷумҳурии Тоҷикистон, мӯҳтарам Эмомалӣ Раҳмон, супоришу вазифагузориҳо ва дастгирии ҳамаҷонибаи Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон, мӯҳтарам Қоҳир Расулзода дар маркази вилоят шаҳри Хуҷанд маъракаи «Як моҳи варзиш ва саломатӣ» оғоз гардид. Хадаф аз он рушди соҳаи варзиш, ҷалби ҳарчи бештари шаҳрвандон ба варзиш ва тарғиби тарзи ҳаёти солим дар байни сокинон маҳсуб мешавад.

Рӯзи шанбе, санаи 6-уми апрел аз субҳи барвақт (ҳоло офтоби оламоро набаромада) ҳазорон нафар одамони синну сол ва касбу кори мухталиф мавсими оммавии варзишро дар иншоотҳои мухталифи варзишии шаҳри Хуҷанд ҳусни оғоз бахшиданд.

Муфассал... Шарҳ додан

Шанбегии умумишаҳрӣ: Баҳри ободиву сабзкорӣ

(2 овоз, миёна 5.00 аз 5)

07 Апрел 2013

Бо ҳадафи ободу зебо намудани Хуҷанди бостону ҳамешаҷавон дар доираи 300 рӯзи ободонӣ ва бунёдкорӣ, ҳамзамон, озмуни «Маҳалли беҳтарин» бо ибтикори Мақомоти иҷроияи ҳокимияти давлатии шаҳри Хуҷанд шанбеи гузашта, 6-уми апрели соли равон бо иштироки ҳазорон нафар шаҳрвандон, сокинони маҳаллаву қитъаҳои ба истифодадиҳӣ, кормандони корхонаву ташкилот, муассисаҳои таълимӣ ва нигаҳдории тандурустӣ, устодону толибилмони мактабҳои миёнаву олии шаҳр шанбегии умумишаҳрӣ гузаронида шуд.

Он таҳти шиори «Хуҷандро хуррамшаҳр мегардонем!» сурат гирифт ва ҳамон тавре Раиси ситоди шанбегӣ, муовини аввали Раиси шаҳри Хуҷанд Иброҳимҷон Иброҳимов зикр намуд, беш аз 17 ҳазор нафар ба шанбегӣ баромада, дар ободониву сабзкории маҳаллаву қитъаҳо, кӯчаву хиёбонҳо, корхонаву муассисаҳо саҳми хешро гузоштанд.

Муфассал... Шарҳ додан

Ба таваҷҷӯҳи вакилони Маҷлиси вакилони халқи шаҳри Хуҷанд!

(2 овоз, миёна 5.00 аз 5)

05 Апрел 2013

Мувофиқи қарори Раиси шаҳри Хуҷанд Раҷаббой Каримов №192 аз 5-уми апрели соли 2013 Иҷлосияи сенздаҳуми Маҷлиси вакилони халқи шаҳри Хуҷанд, даъвати чаҳорум 16 апрели соли 2013, соати 9⁰⁰даъват карда мешавад. Дар иҷлосия рафти иҷрои қарори Ҳукумати Ҷумҳурии Тоҷикистон «Дар бораи тасдиқи Барномаи давлатии рушди соҳаи тарбияи томактабӣ барои солҳои 2012-2016 дар Ҷумҳурии Тоҷикистон», қарори Раиси вилояти Суғд «Дар бораи тадбирҳои амалӣ намудани «Барномаи давлатии рушди соҳаи тарбияи томактабӣ барои солҳои 2012–2016 дар Ҷумҳурии Тоҷикистон», ҳисоботи комиссияи доимии Маҷлиси вакилони халқи шаҳри Хуҷанд оид ба масъалаҳои сиёсати сармоягузорӣ ва дастгирии соҳибкории маҳаллӣ, ҳисоботи вакили Маҷлиси вакилони халқи шаҳри Хуҷанд аз ҳавзаи интихоботии № 15 Онаой Абдуқодирова оид ба ваколатҳои вакилӣ, оид ба номгузории объектҳои физикию ҷуғрофӣ баррасӣ гардида, қарорҳои Раиси шаҳри Хуҷанд тасдиқ карда мешаванд.