АсосӣБойгонӣ

Навгонӣ

Маросими гусели Президенти Ҷумҳурии Ӯзбекистон Шавкат Мирзиёев

10 Март 2018

Нимаи дуюми рӯзи 10 марти соли 2018 пас аз анҷоми сафари бобарори давлатӣ дар Тоҷикистон Президенти Ҷумҳурии Ӯзбекистон Шавкат Мирзиёев аз шаҳри Душанбе ба шаҳри Тошкент баргашт.

Дар фурудгоҳи байналмилалии Душанбе меҳмони олимақомро Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гусел намуданд.

Ёдовар мешавем, ки сафари давлатии Президенти Ҷумҳурии Ӯзбекистон давоми ду рӯз 9 ва 10 марти соли 2018 идома ёфта, зимни ин сафар мулоқоти сарони давлатҳо, намояндагони воломақоми ҳукуматҳо ва доираи соҳибкорони ду кишвар сурат гирифта, аз рӯйи натиҷаҳои он беш аз 40 санади нави ҳамкорӣ ба имзо расид.

Дар доираи ин сафари давлатӣ Форуми соҳибкорони Тоҷикистону Ӯзбекистон ва Намоишгоҳи молу маҳсулоти Ӯзбекистон баргузор шуд.

Муфассал... Шарҳ додан

Боздиди Сарони давлатҳои Тоҷикистону Ӯзбекистон аз бӯстонсаройи беруназшаҳрии “Варзоб”

10 Март 2018

Имрӯз дар доираи сафари давлатии Президенти Ҷумҳурии Ӯзбекистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва меҳмони олимақом Сарвари ҷумҳурии ҳамсояи Ӯзбекистон муҳтарам Шавкат Мирзиёев бо мақсади шиносоӣ бо имкониятҳои рушди соҳаи сайёҳӣ ба бӯстонсаройи беруназшаҳрии “Варзоб”, воқеъ дар ноҳияи Варзоб ташриф оварданд.

Сафари давлатии Президенти Ҷумҳурии Ӯзбекистон дар Тоҷикистон 9 март бо маросими истиқболи расмӣ оғоз гардида, аз рӯйи натиҷаҳои мулоқоту музокироти сатҳи олӣ, ки дар фазои ҳусни тафоҳум ва барои рушду густариши муносибатҳои дӯстию бародарии халқҳои ду кишвар неку бобарор баргузор шуд, 27 санади нави ҳамкорӣ ба имзо расонида шуд.

Муфассал... Шарҳ додан

Аёдати собиқадорони матбуот

10 Март 2018

Тибқи супориши иҷрокунандаи вазифаи Раиси вилояти Суғд Раҷаббой Аҳмадзода ва Раиси шаҳри Хуҷанд Маъруф Муҳаммадзода дар остонаи Рӯзи матбуоти тоҷик як қатор собиқадорони соҳа аёдат ва ба эшон тӯҳфаҳо тақдим карда шуданд.

Роҳбари дастгоҳи Раиси шаҳри Хуҷанд Абдуваҳҳоб Ҳомидзода Номаи табрикотии Роҳбарияти вилояти Суғд ва шаҳри Хуҷандро ба муносибати Рӯзи матбуоти тоҷик ба собиқадорони соҳаи матбуот: Зебиҷон Адуллоева, Мирзоҷон Мирзораҳматов, Ғайрат Ҳаким, Муҳаррам Юсуфова ва Мавлуда Шарифова ба эшон дар кору зиндагии ояндаашон барору комёбиҳо орзу намуд.

Муфассал... Шарҳ додан

Маъруф Муҳаммадзода беш аз 40 нафар журналистонро қадршиносӣ намуд

10 Март 2018

Дар толори Мақомоти иҷроияи ҳокимияти давлатии шаҳри Хуҷанд бо иштироки васеъи кормандони ВАО чорабинии тантанавӣ ба ифтихори Рӯзи матбуоти тоҷик баргузор гардид.

Раиси шаҳри Хуҷанд Маъруф Муҳаммадзода аҳли қаламро бо иди касбиашон таҳният гуфта, аз ҷумла афзуд, ки «Дар ҷомеаи мутамаддин ва пешрафтаву муосир иттилоот барои мардум ҳамчун як рукни маънавиёт басо муҳим ва касби рӯзноманигорӣ бонуфуз ва масъулиятталаб арзёбӣ мегардад. Қобили зикр аст, ки ҳар сол 11 март ҳамчун Рўзи матбуоти тоҷик дар тамоми қаламрави ҷумҳурӣ, аз он ҷумла дар шаҳри Хуҷанд ботантана таҷлил мегардад. Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон ба воситаҳои ахбори умум таваҷҷӯҳи хос зоҳир намуда, ба рушди матбуот ва дигар воситаҳои ахбори омма эътибори бештар зоҳир менамояд».

Муфассал... Шарҳ додан

Боздиди Сарони давлатҳои Тоҷикистон Эмомалӣ Раҳмон ва Ӯзбекистон Шавкат Мирзиёев аз Кохи Наврӯз

10 Март 2018

Шоми рӯзи 9 март Сарони давлатҳои Тоҷикистон Эмомалӣ Раҳмон ва Ӯзбекистон Шавкат Мирзиёев ба Кохи боҳашамати Наврӯз ташриф оварда, толорҳои барҳавову зебо ва бо санъати асили миллӣ ороёфтаи онро тамошо карданд.

Маҷмааи "Кохи Наврӯз" дар маркази пойтахти Тоҷикистон - шаҳри Душанбе дар хиёбони Исмоили Сомонӣ ҷойгир буда, соли 2015 бо усули меъмории миллӣ ба истифода дода шуд.

Маҷмаа аз 5 ошёна иборат буда, масоҳати 40 ҳазор метри мураббаъи толорҳои он бо санъати волои гаҷкорӣ, оинабандӣ ва чубкории ҳунармандони тоҷик оро ёфтааст. Ҳамчунин 15айвончаи тобистонаи хурду калон, фаввораҳои ранга ба бино шукӯҳу шаҳомат мебахшад. 11 толори маҷмаа бо ҳунарҳои миллии тоҷикӣ, аз қабили гаҷкорӣ, мозаика аз шишаҳои ранга, сақфҳои рангубор, чӯбкорӣ, сангтарошӣ истифода бурда шудааст.

Муфассал... Шарҳ додан