АсосӣБойгонӣ

Навгонӣ

Шаҳло Олимҷонова – ғолиби озмуни «Мураббии моҳир»

16 Март 2018

Тибқи фармоиши шуъбаи маорифи мақомоти иҷроияи ҳокимияти давлатии шаҳри Хуҷанд бахшида ба Соли рушди сайёҳӣ ва ҳунарҳои мардумӣ дар ширхоргоҳ-кӯдакистони №40 байни мураббиён озмуни «Мураббии моҳир» баргузор гардид.

Дар озмун даҳ нафар мураббиёни гуруҳҳои синнусолӣ: М. Абдуллоева, М. Аъзамова, Н. Зоидова, Г. Раҳмонова, Ш. Олимҷонова, М. Ҳомидова, Б. Ҳайдарова, С. Муъминова, Ш. Ҷалолова, Ю. Юсупова ширкат варзида, донишу истеъдод ва маҳорати хешро аз рӯи шартҳои: ҳисоботи эҷодӣ, маводи дастисохти таълимӣ, санҷиши тестӣ, омода намудани хӯрокҳои миллӣ ё хӯриш ва лаҳзаи мусиқӣ намоиш доданд.

Ҳайати ҳакамон беҳтаринҳоро муайян карданд. Дар натиҷа ғолибият насиби Шаҳло Олимҷонова, мураббияи кӯдакистони №40 гардид. Мақоми дуюм ва сеюмро Юлдуз Юсупова ва Шаҳноза Ҷалилова мушарраф гаштанд.

Муфассал... Шарҳ додан

Ҳадяҳои наврӯзии Раиси вилояти Суғд

16 Март 2018

Нишасти 160 маҳфили илмиву адабии “Ганҷи сухан” дар ҳузури бештар аз дусад нафар дӯстдорони каломи бадеъ бо иштироки олимону адибони номвари кишвар дар арафаи Наврӯзи дилафрӯз дар толори ДДХ ба номи академик Бобоҷон Ғафуров баргузор гардид. Маҳфилро роҳбари маҳфил Саидумрон Саидов ифтитоҳ бахшида ҳозиринро бо Наврӯз муборакбод гуфт ва иттилоъ дод,ки ин нишаст ба ду воқеаи фараҳбахш яке фарорасии Баҳору Наврӯз дигаре ба солгарди Қаҳрамони Тоҷикистон, асосгузори адабиёти навини тоҷик устод Садриддин Айнӣ бахшида шудааст

Сипас табрикоти наврӯзии Раиси вилоят Раҷҷаббой Аҳмадзодаро ба унвони олимону адибон,устодону шогирдони ДДХ ба номи академик Бобоҷон Ғафуров намояндаи Мақомоти иҷроияи ҳокимияти давлатии вилояти Суғд Тоҷибой Султонзода ироа намуд. Тоҷибой Султонзода дар ҳузури ҳозирин ба ректори донишгоҳ Ҷамшед Ҷӯразода, барои китобхонаи донишгоҳ ҳадяи идонаи Раиси вилояти Суғд - силсилаи китобҳои таърихӣ,адабӣ ва илмиро эҳдо намуд.

Муфассал... Шарҳ додан

Иштирок дар Мулоқоти кории сарони кишварҳои Осиёи Марказӣ

15 Март 2018

15 марти соли 2018 дар шаҳри Остонаи Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Мулоқоти кории сарони кишварҳои Осиёи Марказӣ иштирок ва суханронӣ карданд.

Барои ширкат дар ин ҳамоиш Сарони давлатҳои Осиёи Марказӣ Президенти Ҷумҳурии Тоҷикистон муҳтарам Эмомалӣ Раҳмон, Президенти Ҷумҳурии Қазоқистон Нурсултон Назарбоев, Президенти Ҷумҳурии Ӯзбекистон Шавкат Мирзиёев, Президенти Қирғизистон Сооронбой Жээнбеков ва раиси Парлумони Туркманистон Оқҷа Нурбердиева дар шаҳри Остона ҷамъ омаданд.

Меҳмононро Сарвари кишвари мизбон Нурсултон Назарбоев истиқбол гирифт. Дар толори Қасри “Оқ Орда” дар ҳошияи кори ҳамоиш маросими аксбардории сарони давлатҳо баргузор шуд.

Муфассал... Шарҳ додан

Шоҳҷойиза ва ғолибиятҳои дигари хонандагони Хуҷанд дар Миср

16 Март 2018

Дар Олимпиадаи байналхалқии арифметикаи зеҳнӣ, ки дар шаҳри Шарм-уш-Шайхи Ҷумҳурии Мисри Араб доир шуд, хонандаи литсейи физикӣ-математикии №1 ба номи академик Муҳаммад Осимии шаҳри Хуҷанд Мафтуна Муродуллоева соҳиби шоҳҷоиза шуд.

Ин олимпиада рӯзи 7-уми март бо иштироки 300 арифметикони навраси 5-14 сола аз 9 кишвари дунё доир гардид. Тоҷикистонро ҳашт нафар наврас аз шаҳри Хуҷанд дар олимпиада муаррифӣ карда, як нафар бо шоҳҷоиза ва дигарон бо мақомҳои гуногун ба Ватан баргаштанд.

Ҳамин тавр, ду хонандагони синфҳои 8-и дигари литсейи физикӣ - математикии №1-и шаҳри Хуҷанд Сабрина Зиёбоева ва Ҷаҳонгир Усмонов дар ин олимпиада иштирок намуда Сабрина мақоми аввал ва Ҷаҳонгир ҷойи 3-юмро ба даст оварданд.

Муфассал... Шарҳ додан

Маросими гулчанбаргузорӣ дар назди Муҷассамаи ҳимоятгари Ватан

15 Март 2018

5 март дар доираи сафари расмӣ дар Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо нишони эҳтиром ба таъриху фарҳанг, маданият ва фарзандони баруманди халқи қазоқ дар назди Муҷассамаи ҳимоятгари Ватан гулчанбар гузоштанд.

Бо гузоштани гулчанбар ва гиромидошти қаҳрамонони халқи Ҷумҳурии Қазоқистон Сарвари давлат муҳтарам Эмомалӣ Раҳмон руҳи шаҳидони роҳи озодиро шод намуданд.

Дар маросими гулчанбаргузорӣ Президенти мамлакат муҳтарам Эмомалӣ Раҳмонро намояндагони воломақоми Ҳукумати Ҷумҳурии Қазоқистон ҳамроҳӣ карданд.

Муфассал... Шарҳ додан