АсосӣБойгонӣ

Навгонӣ

Суханронӣ дар вохӯрӣ бо зиёиёни мамлакат

20 Март 2018

Ҳамватанони азиз!
Муҳтарам аҳли зиёи кишвар!

Дар остонаи ҷашни Наврӯзи байналмилалӣ нахуст, кулли мардуми шарифи Тоҷикистони азиз, ҳамзабонони бурунмарзӣ, мардумони ҳавзаи тамаддуни Наврӯз ва ҳамаи зиёиёни мамлакатро ба ифтихори ин ҷашни бостонӣ табрик мегӯям.

Дар Соли нави аҷдодӣ ба мардуми шарифи Тоҷикистон бахту нишот, сулҳу субот, ваҳдати ҷовидона ва ба ҳар яки шумо - зиёиёни муҳтарам нерӯи тоза ва илҳоми эҷодӣ орзу менамоям.

Дар ҷараёни омодагӣ ба ин ҷашни бостонӣ моро зарур аст, ки анъанаҳои деринаи миллиамонро густариш бахшем, мардумро ҳарчи бештар муттаҳид созем ва онҳоро ба ободу зебо гардонидани диёрамон сафарбар намоем.

Муфассал... Шарҳ додан

“Ситораи Хуҷанд” ифтитоҳ шуд

19 Март 2018

Дар кӯчаи Солеҳ ва Зариф Раҷабовҳои шаҳри Хуҷанд бахшида ба эълон гаштани соли 2018 «Соли рушди сайёҳӣ ва ҳунарҳои мардумӣ» Маҷмааи хизматрасонии «Ситораи Ҳуҷанд» ба фаъолият оғоз намуд.

Дар маросими ифтитоҳи он мудири шуъбаи рушди иқтисод ва савдои Мақомоти иҷроияи ҳокимияти давлатии шаҳри Хуҷанд Усмон Олимӣ иштирок ва баромад намуд.

Зикр гардид, ки бино аз 6 ошёна, таҳхона, 12 ҳуҷраи хизматрасонӣ иборат буда, дар ошёнаи якум тарабхона, дар ошёнаи дуюм толори баргузории семинар, конфронс ва ҳамоишҳо, дар ошёнаи сеюм маркази хизматрасонӣ ба соҳибкорон пешбинӣ гардидааст. Ошёнаҳои 4-6 барои меҳмонхона сохта шудааст.

Муассиси Маҷмаи хизматрасонии «Ситораи Хуҷанд» ҶДММ «Зам-Зам» буда, дар марҳилаи аввал то 25 нафар бо ҷойи кори доимӣ таъмин мегарданд.

Муфассал... Шарҳ додан

Дастовардҳои варзиширо боз ҳам бояд афзун кард

19 Март 2018

Бо мақсади мулоқоти озоду шаффоф бо ҷавонон ва варзишгарони Донишкадаи политехникии Донишгоҳи техникии Тоҷикистон мудири шуъбаи кор бо ҷавонон ва варзиши шаҳри Хуҷанд Бахтиёр Исматҷонов ва сармутахассиси шуъбаи мазкур Дилшод Убайдуллоев аз донишкада боздид намуданд.

Фаррух Аминов, муовини директор оид ба тарбияи донишкада қайд намуд, ки дар партави Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи дастуру супоришҳои Вазорати маориф ва илми кишвар дар донишкада ба рушди соҳаи варзиш аҳамияти хосса дода мешавад. Соле қабл бо дастгирии роҳбарияти донишкада дар назди хобгоҳи донишкада майдончаи футболбозӣ мутобиқ ба шроитҳои имрӯза мавриди истифода қарор гирифта, ду толори варзишӣ пурра таъмиру азнавсозӣ гардид.

Муфассал... Шарҳ додан

Муҳиба Бобоҷонова - ғолиби озмуни вилоятии «Маликаи Наврӯз»

(1 овоз, миёна 1.00 аз 5)

19 Март 2018

Бо мақсади баланд бардоштани сатҳи ҳунаромӯзӣ, риояи анъанаҳои миллӣ, фароҳам овардани шароит барои инкишофи шахсият, бедор намудани ҳисси зебопарастии кӯдакону наврасон ва ҳавасмандгардонии наврасони боистеъдод дар рӯзҳои таҷлили ҷашни Наврӯзи байналмилал бахшида ба Соли рушди сайёҳӣ ва ҳунарҳои мардумӣ озмуни шаҳрии «Беҳтарин дастархони наврӯзӣ» бо риояи суннатҳои ин ҷашни аҷдодӣ, аз ҷумла ҳафтсину ҳафтшин ва «Маликаи Наврӯз» баргузор гардид.

Озмун аз рӯи шартҳои: баҳодиҳӣ ба ҳусни зебо, қадди расо, гесуи дароз, пироҳани мувофиқ, қироати шеър васфи Наврӯз, истеъдоди кадбонуи моҳир, иҷроиши рақсҳо ва базми гул гузаронида шуд. Дар озмун довталабон аз аксари муассисаҳои таълимии шаҳр иштирок карда, маҳорату истеъдоди худро дар ҳузури ҳакамон намоиш доданд.

Муфассал... Шарҳ додан

Наврӯзи «Навбаҳор»

19 Март 2018

Сокинони беш аз 8 ҳазор нафараи маҳаллаи «Навбаҳор»-и шаҳри Хуҷанд бо муҳассилину омӯзгорони МТМУ №21 Наврӯзи байналмилилалро таҷлил намуданд.

Дар муассисаи номбурда байни синфҳои 11 озмуни наврӯзӣ баргузор ва ғолибон муайян карда шуданд. Суруди таронаҳои наврӯзӣ, махсусан «Суманак» ва «Бойчечак» бо маҳрати баланд саройида шуд.

Намояндагони Мақомоти иҷроияи ҳокимияти давлатии шаҳри Хуҷанд ва роҳбарияти маҳаллаи «Навбаҳор» аз номи Раиси шаҳри Хуҷанд Маъруф Муҳаммадзода сокинонро бо Наврӯзи байналмилал табрику таҳният гуфтанд.

Зикр гардид, ки яке аз суннату таомулҳои неки Наврӯз ин аз кинаву кудурат пок кардани дилҳо, бахшидани гуноҳҳо, авфи якдигар, таҳким додани риштаҳои дӯстиву рафоқат, аёдати пирону беморон, дастгирии ятимону маъюбон, мӯҳтоҷону эҳтиёҷмандон, инчунин афрӯхтани гулхани наврӯзӣ, густурдани ҳафтхони наврӯзӣ, шинонидани ниҳол, ҷуфтбаророн, пошидани донаи умед, баргузор кардани мусобиқаҳои паҳлавонӣ ва таконидани ҷиҳозу асбоби хона мебошад.

Муфассал... Шарҳ додан