Юсуфӣ У. C.

24 Ноябр 2020

Юсуфӣ Усмон Сиддиқзода 23-юми сентябри соли 1982 дар ноҳияи Бобоҷон Ғафуров таваллуд шудааст. Миллаташ тоҷик, маълумоташ олӣ. Соли 2005 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси "Ҳуқуқшинос" хатм кардааст.
Фаъолияти меҳнатиашро солҳои 2006-2007 ҳамчун мутахассис дар Ҷамоати Унҷии ноҳияи Б.Ғафуров оғоз намуда, баъдан солҳои 2010-2011 ба вазифаи нозири бехатарӣ дар Филилали ШС "Инновейтив Роуд Солюшнз Лтд" ҶТ дар вилояи Суғд, солҳои 2011-2014 ба вазифаи ҳуқуқшиноси Корхонаҳои давлатии "Истифодабарии манзил"-и соҳили чап ва рости шаҳри Хуҷанд кор кардааст.
Солҳои 2014-2015 номбурда фаъолияти худро ҳамчун ҳуқуқшинос дар КВДК "Сарраёсати ободонӣ ва хоҷагии манзилию коммуналӣ"-и шаҳри Хуҷанд идома дода, минбаъд солҳои 2015-2016 мутахассиси пешбари шуъбаи умумӣ, назорат ва муроҷиати шаҳрвандони дастгоҳи Раиси шаҳр, солҳои 2016-2017 сармутахассис-котиби комиссия оид ба ҳуқуқи кӯдаки МИҲД-и шаҳр, солҳои 2017-2019 мутахассиси пешбари шуъбаи умумӣ, назорат ва муроҷиати шаҳрвандони дастгоҳи Раиси шаҳр кор кардааст.
Фаъолияти минбаъдаи Усмон Юсуфӣ солҳои 2019-2020 ба ҳайси мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр идома ёфта, аз 1 июни соли 2020 тибқи қарори Раиси шаҳр ба вазифаи мудири бахши манзили МИҲД-и шаҳр таъин гардид.
Оиладор соҳиби ce фарзанд мебошад.

Ӯлмасова Н. М.

24 Ноябр 2020

Ӯлмасова Нигина Маруфовна 08-уми октябри соли 1980 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 2010 Донишгоҳи давлатии Хуҷандро бо ихтисоси "Иқтисодчӣ" хатм кардааст.
Фаъолияти меҳнатиашро солҳои 2000-2012 дар вазифаи хазинадори муҳосиботи Ҳукумати шаҳри Хуҷанд оғоз намудааст.
Солҳои 2012-2013  муваққатан мутахассиси пешбари бахши молия ва хоҷагии дастгоҳи Раиси шаҳр таъин гардида соли 2013 котиба коргузори ҳайати хизматрасонии Мақомоти иҷроияи ҳокимияти давлатии шаҳри Хуҷанд ва соли 2013 муваққатан мутахассиси пешбари бахши меҳнат ва ҳифзи иҷтимоии аҳолии мақомоти иҷроияи ҳокимияти давлатии шаҳри Хуҷанд ва аз моҳи октябри 2013-2020 мутахассиси пешбари бахши ҳифзи иҷтимоии аҳолии мақомоти иҷроияи ҳокимияти давлатии шаҳри Хуҷанд фаъолият намудааст.
Моҳи марти соли 2021 бо розигии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пешниҳод гардида бо қарори Раиси шаҳр ба вазифаи мудири бахши ҳифзи иҷтимоии аҳолии мақомоти иҷроияи ҳокимияти давлатии шаҳри Хуҷанд таъин гардид.
Оиладор соҳиби ce фарзанд мебошад.

Маликисломов Н. Н.

20 Январ 2018

Насим Маликисломов 23 октябри соли 1986 дар шаҳри Хуҷанд, дар оилаи хизматчӣ ба дунё омадааст. Соли 1994 ба мактаби таҳсилоти умумии №18-и шаҳри Хуҷанд қабул шуда, синфҳои 10-11-ро дар мактаб-гимназияи Пӯлотов ба охир расонидааст. Соли 2004 ба Донишгоҳи аграрии Тоҷикистон ба номи Шириншоҳ Шоҳтемур дохил шуда, онро соли 2009 бо ихтисоси «Маркетинг дар сектори аграрӣ», соли 2016 Донишкадаи идоракунии давлатии назди Президенти Ҷумҳурии Тоҷикистонро бо ихтисоси «Идоракунии давлатӣ» хатм намудааст.
Аз 4 майи соли 2010 дар Муассисаи давлатии маъмурияти минтақаи озоди иқтисодии «Суғд» ба кор шурӯъ кардааст. 1 марти соли 2012 ба вазифаи мудири шуъбаи кор бо ҷавонон ва ташкилоти ҷамъияти ҷавонон бо номи «Созандагони Ватан»-и КИ ҲХДТ дар вилояти Суғд таъин гардид.
Аз 20 феврали соли 2013 дар вазифаи сармутахассиси шуъбаи ташкилӣ ва кор бо кадрҳои дастгоҳи Раиси шаҳри Хуҷанд то замони таъин шудан ба вазифаи мудири шуъбаи шуъбаи ташкилӣ ва кор бо кадрҳои дастгоҳи Раиси шаҳри Хуҷанд кор кардааст.
Тибқи қарори Раиси шаҳри Хуҷанд №14 аз 16 январи соли 2018 Маликисломов Насимҷон Наимович ба вазифаи мудири шуъбаи ташкилӣ ва кор бо кадрҳои дастгоҳи Раиси шаҳри Хуҷанд таъин гардидааст.

Юсупов М. З.

20 Сентябр 2017

Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад.
Соли 1999 ба шуъбаи рӯзноманигорӣ ва назарияи тарҷумаи факултети суханшиносии Донишгоҳи давлатии Хуҷанд ба номи академик Бобоҷон Ғафуровро дохил шуда, соли 2004 онро бо дипломи аъло хатм намудааст.
Солҳои 2000-2004 мухбири рӯзномаи «Оила» дар вилояти Суғд буд. Аз соли 2004 то соли 2012 ба ҳайси мухбири махсуси рӯзномаи «Тоҷикистон» дар вилояти Суғд кор кардааст. Соли 2012 сармуҳаррири рӯзномаи «Меҳри замин» таъин шуд. Аз моҳи декабри соли 2013 то моҳи апрели соли 2017 дар вазифаи сардори маркази иттилоот ва таҳлили раёсати Донишгоҳи давлатии Хуҷанд ба номи академик Бобоҷон Ғафуров кору фаъолият намудааст. То моҳи июни соли 2017 дар вазифаи директории МДМИ «Номаи донишгоҳ»-и ДДХ ба номи академик Бобоҷон Ғафуров ифои вазифа намудааст.
Узви Иттифоқи журналистони Тоҷикистон, муаллифи 4 китоб, Аълочии матбуоти Тоҷикистон. Оиладор соҳиби 3 фарзанд.
Аз 6-уми сентябри соли 2017 ба вазифаи котиби матбуоти Раиси шаҳри Хуҷанд таъин гардидааст.

Ҷӯраева К.Я.

03 Феврал 2014

Ҷӯраева Кибриё Яҳёевна 9 сентябри соли 1966 дар ноҳияи Бобоҷон Ғафуров таваллуд шуда, миллаташ тоҷик, маълумот олӣ мебошад. Соли 1997 Донишгоҳи давлатии Хуҷанд ба номи академик Бобоҷон Ғафуровро бо ихтисоси муаллимаи синфҳои ибтидоӣ хатм намудааст. Солҳои тӯлонӣ дар вазифаҳои гуногун фаъолият бурда, аз моҳи апрели соли 2013 то инҷониб ба ҳайси мудири бахши бойгонии мақомоти иҷроияи ҳокимияти давлатии шаҳри Хуҷанд фаъолият мекунад.