АсосӣБойгонӣ

Навгонӣ

Шароити илмомӯзии аъзои ҲНИТ

02 Май 2013

Ҳизби наҳзати исломии Тоҷикистон (ҲНИТ) дар шаҳри Хуҷанд ва умуман вилояти Суғд бештар ба қонунвайронкуниҳо роҳ дода, қонунҳо ва талаботи мавҷударо риоя накарда истодааст. Чунончӣ, ҳар ҳафта рӯзи чоршанбе дар бинои бахши ҲНИТ дар вилояти Суғд шумораи зиёди занҳо, аз 80 то 150 нафар ҷамъ гардида, дар зери ниқоби гирифтани дарси арабӣ ба мавлудхонӣ ва амри маъруф машғул мешаванд. Ин ҷамъомадҳо асосан дар таҳхонаи бинои ҲНИТ дар шаҳри Хуҷанд сурат мегиранд, ки чор тарафи таҳхона деворбанд буда, ҳатто, ягон тиреза надорад. Яъне, шароитҳои санитарӣ умуман ба эътибор гирифта нашудааст.

Муфассал... Шарҳ додан

Варзиш: Бохти дастаи «Равшан» - «Ал-Шорта» 1 : 3

(1 овоз, миёна 5.00 аз 5)

01 Май 2013

Дар варзишгоҳи «20 солагии Истиқлолияти Ҷумҳурии Тоҷикистон» бозии навбатии футбол барои дарёфти Ҷоми AFC - Конфедератсияи футболи Осиё байни дастаҳои «Равшан»-и Кӯлоб ва «Ал-Шорта»-и Сурия баргузор гардид. Дар он вазифаи довари марказиро Сухбир Синх (Сингапур) ба ҷо овард. Дар дақиқаи 14-уми бозӣ бозингари дастаи «Ал-Шорта» таҳти рақами 33 Муҳаммад Ал Воҳид ҳисобро кушод. Дар дақиқаи 27 бошад, голи дуюми дастаи «Ал-Шорта»-ро бозингар таҳти рақами 55 Аҳмад Каласӣ зад. Дар дақиқаи 42-юми қисми аввал бозингари дастаи «Равшан»-и Кӯлоб таҳти рақами 11 Давронҷон Тӯхтасунов ҳисоби бозиро тағйир дод ва бо ҳамин қисми аввал бо ҳисоби 1 : 2 ба анҷом расид. Дар қисми дуюми бозӣ, дақиқаи 58-ум голи сеюми дастаи «Ал-Шорта»-ро бозингари дастаи меҳмонон таҳти рақами 10 Аммар Закоур зад. Ва бо ҳамин бозии гурӯҳи «Д» байни дастаҳои «Равшан» ва «Ал-Шорта» бо ҳисоби 1 : 3 ба фоидаи дастаи «Ал-Шорта» ба анҷом расид.

Пас аз анҷоми бозӣ нишасти матбуотӣ барои рӯзноманигорони хориҷиву ватанӣ доир гардид. Сармуррабиёни дастаҳо Fайраталӣ Мирраҳматов («Равшан»-и Кӯлоб) ва Ваил Акил (менеҷменти «Ал-Шорта»-и Сурия) андешаҳояшонро доир ба бозӣ баён намуданд.

Шарҳ додан

Табрикоти Раиси шаҳри Хуҷанд ба муносибати Иди баҳору меҳнат Иди баҳору меҳнат муборак!

(1 овоз, миёна 5.00 аз 5)

30 Апрел 2013

Ҳамшаҳриёни азиз!

Иди баҳору меҳнат ва Рӯзи байналмилалии якдилии меҳнаткашонро барои ҳар яки Шумо ва тамоми сокинони диёр аз номи Мақомоти иҷроияи ҳокимияти давлатии шаҳр табрик намуда, бароятон тансиҳативу хотирҷамъӣ, рӯзгори ободу осуда ва дар кору зиндагии ҳамарӯзаатон комёбиҳо орзу менамоям.

Ин Иди умумиҷаҳонӣ, ки санаи 1 май, дар айёми зебои сол ҷашн гирифта мешавад, таҷассумгари олитарин арзишҳои инсонист, ки меҳнаткашони тамоми ҷаҳонро новобаста аз миллату халқият ва наҷод 127 сол инҷониб ба дӯстиву рафоқат ҳидоят менамояд.

Қиммати ин иди умумибашариро тоҷику тоҷикистониён, ки дар гузаштаи начандон дур парокандагиҳои халқу миллатро дида, туфайли иродаи қавӣ ва ақли солими худ боз ба ҳам омадаанд, хуб медонад. Имрӯз, шукр аз он мекунанд, ки дар фазои сулҳу амният зиндагӣ доранд.

Муфассал... Шарҳ додан

Дар олами бачагон: Дурахши истеъдодҳои наврас

01 Май 2013

Дар мактаби бачагонаи мусиқии №2 ба номи Боймуҳаммад Ниёзов озмуни мактабии “Истеъдодҳои наврас” дар ҷодаи навозандагии касбӣ баргузор гардид. Дар озмун 21 нафар хонандагони синфҳои 1-5 иштирок карданд. Озмун аз рӯйи созҳои мусиқии флейта, фортопиана, гитор, рубоб, аккордион, доира, чанг, най ва рубоби афғонӣ доир гардид. Хонандагон бо маҳорати хуби ҳунарӣ, ки аз устодонашон омӯхтаанд, оҳангҳои ҷолибро навохта, диққати аҳли толор ва ҳайати ҳакамонро ба худ ҷалб намуданд.

Муфассал... Шарҳ додан

Аз маҷлисҳои ҳисоботӣ: Фаъолияти пурсамар

(1 овоз, миёна 5.00 аз 5)

29 Апрел 2013

Дар ҶДММ «Текстил-Ситӣ»-и шаҳри Хуҷанд маҷлиси ҳисоботию интихоботии ташкилоти ибтидоии собиқадорони ҷанг ва меҳнати муассиса баргузор гардид. Чорабиниро бо сухани ибтидоӣ раиси Иттифоқи касабаи корхона Абдурозиқ Fафуров оғоз бахшид. Оид ба фаъолияти ташкилотии ибтидоии собиқадорони ҷанг ва меҳнати ҶДММ «Текстил-Ситӣ» давоми солҳои 2011-2012 раиси ташкилоти собиқадорон Абдуҷалил Абдувалиев ҳисобот дод.

Аз ҷумла, зикр кард, ки дар давраи ҳисобот панҷ маротиба маҷлиси умумӣ 9 маротиба маҷлиси аъзои ташкилотчиёнро гузаронд.Ташкилот 7 нафар иштирокчиёни Ҷанги Бузурги Ватанӣ, 21 нафар коргарони ақибгоҳ дар солҳои 1941-1945, 8 нафар сарбозони байналмилал ва 36 нафар барқароркунандагони сохти конситутсиониро муттаҳид месозад.

Муфассал... Шарҳ додан