АсосӣБойгонӣ

Навгонӣ

Табрикоти Раиси шаҳри Хуҷанд Раҷаббой Аҳмадзода ба муносибати Рӯзи Конститутсияи (Сарқонуни) Ҷумҳурии Тоҷикистон

03 Ноябр 2015

Аз номи мақомоти иҷроияи ҳокимияти давлатии шаҳри Хуҷанд Шумо мардуми шарафманди Хуҷандро ба муносибати фаро расидани Рӯзи Конститутсияи Ҷумҳурии Тоҷикистон самимона шодбош мегӯям.
Боиси хушбахтӣ ва сарфарозии ҳар як шаҳрванди Тоҷикистон аст, ки 6 ноябри соли 1994 тавассути раъйпурсии умумихалқӣ Конститутсияи Тоҷикистони соҳибистиқлол қабул гардид. Конститутсияи Ҷумҳурии Тоҷикистон ифодагари ормонҳои ҳазорсолаи мардуми тоҷик буда, самти инкишофи бебозгашти давлатдории миллати тоҷикро ба сӯи демократия ва бунёди давлати соҳибихтиёр, ҳуқуқбунёд, дунявӣ ва иҷтимоӣ муайян намудааст. Конститутсия ҳамчун бахтномаи миллат ва санади олии ҳуқуқиест, ки сарнавишт ва роҳи пешрафти ояндаи халқу давлатро дар тӯли даҳсолаҳо ва ҳатто садсолаҳо муайян мекунад.

Муфассал... Шарҳ додан

Қабули навбатии сокинон дар мақомоти шаҳрӣ.

31 Октябр 2015

Дар Мақомоти иҷроияи ҳокимияти давлатии шаҳри Хуҷанд қабули навбатии шаҳрвандон баргузор гардид.
Ҳамагӣ барои баррасии масъалаҳои худ 27 нафар сокинон муроҷиат намуданд.
Барои гирифтани кӯмаки иҷтимоӣ 2 нафар дастрас намудани масолеҳи сохтмонии ройгон ва таъмири хонаи истиқоматӣ 4 нафар, мусоидат барои гирифтани табобати ройгон 3 нафар аз ҷумлаи масъалаҳое буданд, ки сокинон дархост намуданд.
Барои баррасии саривақтии муроҷиати сокинон мутасддиён вазифадор карда шуданд.

Шарҳ додан

Се кӯчаи маҳаллаи «Сари баландӣ» пурра мумфарш мешавад.

30 Октябр 2015

Маҳз бо ҳидояту роҳнамоии Президенти Ҷумҳурии Тоҷикистон Эмомалӣ Раҳмон маркази вилояти Суғд, шаҳри Хуҷанди бостонӣ боз ҳам ободтару зеботар мегардад. То интиҳои ҳафтаи кӯчаҳои «Бӯстон», «Таги сада» ба номи Сайфи Қозиев ва Эшони Шайдои шаҳр пурра мумфаршу таъмир мегарданд.
Дар оғози корҳои таъимру мумфаршкунӣ Раиси шаҳри Хуҷанд Раҷаббой Аҳмадзода иштирок намуда, бо сокинони маҳаллаи «Сари баландӣ», ки бештари кӯчаҳои номбурда дар маҳаллаи мазкуранд, сӯҳбат намуд.
«Мувофиқи дастуру супоришҳои Ҷаноби Олӣ, мӯҳтарам Эмомалӣ Раҳмон, корҳои ободонӣ ва таъмири кӯчаҳои маҳаллаҳои шаҳр идома дорад. Ҳоло мо ният дорем бо истифода аз имконоту ҳавои мусоид корҳои мумфаршкуниро идома диҳем», қайд намуд Раиси шаҳри Хуҷанд.

Муфассал... Шарҳ додан

Сокинони шаҳр барои зимистон маводи ғизо захира менамоянд.

31 Октябр 2015

Бо максади паст намудани нархи маҳсулоти ғизо баргузории намоиш-фурӯши муваққатии маҳсулоти ниёзи аввала ва кишоварзӣ дар хиёбону майдонҳои шаҳри Хуҷанд рӯзҳои шанбе ба ҳукми анъана даромадааст.
Ааз субҳи барвақти имрӯз низ дар майдони «Ситораҳои Хуҷанд» намоши маҳсулоти кишоварзии деҳқонони шаҳру ноҳияҳои вилояти Суғд баргузор гардид. Деҳқонону фурӯшандагон ба харидорон маҳсулоти мевагию полезӣ аз қабили сабзию картошка, лаблабую биринҷ, пиёзу карам, ҳамчунин гӯшту равған ва дигар намуди маҳсулотро пешкаш намуданд.
Назар ба иттилои масъулини шӯъбаи иқтисод ва рушди савдо, тамоми маҳсулоти бо нархҳои то 20 фоиз арзон нисбати нархҳои бозорҳои шаҳр ва марказҳои савдо ба фурӯш гузошта шуда, кишоварзон ба ҳаҷми беш аз 100 тонна маҳсулоти хушсифатро ба фурӯш оварданд.

Муфассал... Шарҳ додан

Иҷлосия сеюми вакилони шаҳри Хуҷанд баргузор гардид.

30 Октябр 2015

Имрӯз дар Маҷлисгоҳи Мақомоти иҷроияи ҳокимияти давлатии шаҳри Хуҷанд иҷлосияи навбатии вакилони мардумӣ баргузор гардид.
Иҷлосияи сеюми вакилон халқ, даъвати панҷумро Раиси Маҷлиси вакилони халқи шаҳри Хуҷанд Раҷаббой Аҳмадзода ифтитоҳ намуда, иттилоъ дод, ки аз 40 нафар вакилон 35 нафар дар кори ҷаласа ширкат намуда, 5 нафар нафар бо сабабҳои узрнок ҳозир нестанд. Ҳамчунин ба иҷлосия роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳрӣ, муассисаҳои таълимӣ, раисони кумитаи маҳаллаҳо, имом хатибони масҷидҳои ҷомеаи шаҳр, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр, намояндагони воситаҳои ахбори умум даъват шуда буданд.