АсосӣБойгонӣ

Навгонӣ

Мусобиқаи боксчиён барои мукофоти Исмоил Ҳамзаалиев оғоз гардид.

(1 овоз, миёна 5.00 аз 5)

27 Ноябр 2015

Дар «Қасри варзиш»-и шаҳри Хуҷанд мусобиқаи анъанавии байналхалқӣ оид ба бокс ба хотири гиромидошти Қаҳрамони Иттиҳоди Шӯравӣ Исмоил Ҳамзаалиев оғоз ёфт.
Ин мусобиқа тибқи Қарори Раиси вилояти Суғд санаҳои 25-29 ноябр баргузор гашта дар он варзишгарони вилоятҳои Бадахшони Кӯҳӣ, Хатлон, Суғд ва шаҳри Душанбе ва ҳамчунин варзишгарон аз Ҷумҳуриҳои Қирғизистон ва Ӯзбекистон иштирок менамоянд.
Дар маросими кушодашавии ин чорабинии варзишӣ муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода иштирок ва суханронӣ намуданд.
Назира Ғаффорӣ паёми табрикии Раиси вилояти Суғд Абдураҳмон Қодириро ба иштирокдорон ва варзишгарони ин мусобиқаи анъанавӣ расонда изҳори боварӣ намуд, ки ин мусобиқа барои таҳкиму рушди ин намуди варзиш мусоидат хоҳад кард.

Муфассал... Шарҳ додан

«Хуҷандатлас» шӯҳрати атласи тоҷикро боло бурданист

(1 овоз, миёна 5.00 аз 5)

25 Ноябр 2015

Президенти Ҷумҳурии Тоҷикистон Эмомалӣ Раҳмон бо мақсади эҳёи анъанаи суннатҳои мардумӣ ва ҳунармандӣ, инчунин таъмини талаботи сокинони мамлакат ба матои атласу адрас ба роҳбарияти шаҳру вилоят ва коргоҳи «Хуҷандатлас» дастуру супоришҳои мушаххас дода буд. Ҳамчунин ҳангоми боздиди кории худ аз корхонаи муштараки «ВЕТТОҶ» яке аз мавзӯҳои баррасишуда ин коркарди ашёи хом,- пилла дар коргоҳҳои маҳаллӣ буда барои густариши соҳаи саноати сабук, бештар намудани ҳаҷми истеҳсолоти коргоҳҳои коркарди маҳсулот ва истеҳсоли матои адрасу атлас ҳамзамон роҳандозии фаъолияти мутакобилан судманди корхонаҳои «ВЕТТОҶ» ва «Хуҷандатлас» буд.
Бо мақсади шиносоӣ бо вазъи имрӯзаи коргоҳи «Хуҷандатлас» Раиси шаҳри Хуҷанд Раҷаббой Ахмадзода дар ҳамроҳии роҳбарони вохидҳои сохторӣ, масъулини корхонаи коркарди пиллаи «ВЕТТОҶ» ба коргоҳи «Хуҷандатлас» омад.

Муфассал... Шарҳ додан

Мусобиқаи байналмилалии боксчиён оғоз мегардад.

25 Ноябр 2015

Дар шаҳри Хуҷанд боз як мусобиқаи сатҳи байналмиллалӣ оғоз мегардад.
Санаҳои 26-29 ноябри соли 2015 дар «Қасри варзиш» - и маркази вилоят мусобиқаи байналмиллалӣ оид ба бокс ба хотири гиромидошти Қаҳрамони Иттифоқи Шӯравӣ Исмоил Ҳамзаалиев баргузор мегардад.
Дар мусобиқа варзишгарон аз Ҷумҳуриҳои Қирғизистон, Ӯзбекистон шаҳри Душанбе, вилоятҳои Суғд, Хатлон ва Бадахшони Кӯҳӣ иштирок менамоянд.
Ин мусобиқаи бонуфуз аз соли 1970 доир гашта, беҳтарин муштзанҳои Ҷумҳурии Тоҷикистон ва Осиёро ҷамъ меорад.
Маросими кушодашавии мусобиқа санаи 26 ноябри соли 2015 соати 14:00.

Шарҳ додан

Таҷлили Рӯзи парчам дар донишгоҳ.

25 Ноябр 2015

Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Рӯзи парчами миллӣ чорабинии тантанавӣ баргузор гардид.
Дар маҷлисгоҳи бинои асосии донишгоҳ чорабинии маърифатӣ-фарҳангӣ бахшида ба Рўзи Парчами давлатии Ҷумҳурии Тоҷикистон бо иштироки ҳайати меҳмонон, профессорону устодон ва донишҷўён баргузор гардид.
Ректори донишгоҳ профессор Ҷамшед Ҷўрабоев ба кори маҳфил ҳусни ифтитоҳ бахшида, ҳамагонро бо Рўзи Парчами давлатии Ҷумҳурии Тоҷикистон табрику таҳният намуд. Қайд гардид, ки Парчами мо рамзи давлатдорӣ, истиқлолияти миллӣ ва орзуву ормонҳои тамоми мардуми Тоҷикистон мебошад.

Муфассал... Шарҳ додан

Иди парчами миллӣ дар Хуҷанд бо шукӯҳ таҷлил гардид

(5 овоз, миёна 4.00 аз 5)

24 Ноябр 2015

Дар шаҳри Хуҷанд Рӯзи парчами давлатӣ бо шукӯҳу шаҳомати хоса ва бо тантана таҷлил гардид.
Субҳи барвақт наздик наздики 15 ҳазор ҷавонон бо парчами миллии 500 метра аз мавзеи «Гулбаҳор»- хиёбони И. Сомонӣ роҳпаймоии идонаро оғоз намуданд. Дар сафи пеш наврасони дучархасавор ва картингронон бо парчами миллӣ иштирокдорони роҳпаймоиро роҳбаладӣ намуданд.
Иштирокдорони роҳпаймоӣ бо шиорҳои «Парчами Тоҷикистон парафшон бод!», «Поянда бош Тоҷикистон» ва ғайра то маркази баргузории чорабиниҳои идона, пояи Парчами Миллии Ҷумҳурии Тоҷикистон дар назди Мақомоти иҷрояи ҳокимитяи давлатии вилояти Суғд омаданд. Баъдан дар мавзеи номбурда бо иштироки роҳбарони воҳидҳои сохтории шаҳри Хуҷанд ва вилояти Суғд, фаъолон, собиқадорони меҳнат ҳамоиши тантанавӣ баргузор гардид.