АсосӣБойгонӣ

Навгонӣ

Маҳфили адабии Гулназар дар Хуҷанд.

(1 овоз, миёна 5.00 аз 5)

10 Декабр 2015

Дар маркази вилоят, шаҳри Хуҷанд махфили эчодии Шоири халқии Тоҷикстон Гулназар Келдӣ баргузор гардид. Махфили мазкур ба 70-солагии зодрузи ин шоири номвар бахшида шуд.
Махфилро бо сухани ифтитоҳӣ раиси бахши Иттифоқи нависандагони Тоҷикистон дар вилояти Суғд Аҳмадҷони Раҳматзод ифтитоҳ намуд.
Сипас муовини аввали Раиси вилояти Суғд Раҳматзода Рустам Мирзо Раиси шахри Хучанд Рачаббой Ахмадзода ва Раиси Иттифоқи нависандагони Тоҷикистон Низом Қосим сохибчашнро табрик намуданд.
Раиси шаҳри Хуҷанд Раҷаббой Аҳмадзода шоири номии тоҷикро бо санаи фархунда табрик намуда аз чумла зикр дошт.
«Дар ҳаёти ҷомеа, алалхусус дар ҳаёти иҷтимоию фархангии ҳар халқу миллатҳои мухталифи олам илму маърифат нақши асосӣ дорад.

Муфассал... Шарҳ додан

Хуҷанд тозатарин шаҳри Тоҷикистон.

09 Декабр 2015

Расонаи иттилоотии «Ховар» барои муайян кардани шаҳри тозатарин, зеботарин ва муосири Тоҷикистон дар соли 2015 миёни хонандагони сомона аз 24-уми ноябр то 7-уми декабри соли равон назарпурсӣ баргузор кард. Ҳадафи назарпурсӣ тарғиби фарҳанги шаҳрдорӣ, мусоидат ба муомила, муносибат, муошират ва сатҳи хизматрасонии баланд дар миёни сокинони шаҳрҳои мамлакат буд. Дар раъйпурсӣ 7 шаҳри калонтарини мамлакат бо шумули пойтахти кишвар Душанбе ва шаҳрҳои Хуҷанд, Кӯлоб, Қурғонтеппа, Хоруғ, Норак ва Турсунзода номнавис шуда буданд. Душанбе ҳамчун пойтахти мамлакат, Хуҷанд, Қурғонтеппа ва Хоруғ ҳамчун марказҳои маъмурии вилоятҳои ҷумҳурӣ, Кӯлоб ҳамчун пойтахти фарҳангии кишварҳои ИДМ (Иттиҳоди давлатҳои муштаракулманофеъ) дар рӯйхати назарпурсӣ пешниҳод шуда буданд. Шаҳрҳои Норак ва Турсунзода қариб, ки ҳамсол ва ҳамтақдир ҳастанд.

Муфассал... Шарҳ додан

Таваҷҷӯҳи доимӣ ба кӯдакон.

08 Декабр 2015

Ҳар сол санаи 3 декабр ҳамчун Рӯзи байналмилалии шахсони имконияташон маҳдуд таҷлил мегардад. Созмони Милали Муттаҳид 23 сол муқаддам дар ин хусус қарор ба имзо расонда буд. Албатта шахсони имконияташон маҳдуд ба ғамхории ҳамарӯза ниёз доранд. Раиси шаҳри Хуҷанд Раҷаббой Аҳмадзода барои болида гардонидани рӯҳияи наврасони имконияташон маҳдуд ба Комплекси кӯдакистон-мактаби махсус барои кӯдакони қувваи босираашон суст ва нобинои шаҳри Хуҷанд ташриф оварда, дар утоқҳои таълимӣ бо мураббию омӯзгорон ва тарбиятгирандагони ин макони маърифатӣ суҳбат кард. Кӯдакони гурӯҳи боғча дар васфи Ватан, Тоҷикистони маҳбуб шеърҳо хонданд ва Раҷаббой Аҳмадзода ба онҳо бозичаҳо тақдим намуд. Наврасони мактабхон Раиси шаҳр ва ҳамроҳонашро бо чеҳраи шод пешвоз гирифта, аз шароити мусоиди таълимӣ ҳарф заданд.

Муфассал... Шарҳ додан

Мавсими шинондани гули лола дар шаҳри Хуҷанд идома дорад.

08 Декабр 2015

Дар асоси дастуру ҳидояти Президенти Ҷумҳурии Тоҷикистон Эмомалӣ Раҳмон Мақомоти иҷроияи ҳокимияти давлатии шаҳри Хуҷанд иҷроиши корҳои ободонӣ ва гулкории маркази вилоят бо мааром идома дода истодааст.
Имрӯз Раиси шаҳри Хуҷанд Раҷаббой Ахмадзода аз рафти корҳои азнавсозии пайроҳаи хиёбони ба номи Раҳмон Набиев ва шинондани пиёзтухми гули лола дар мавзеҳои гулкорию сабзпӯш намудани шаҳр ошно гардид.
Давоми ду рӯз аст, ки кормандону мутахассисони Идораи сохтмони асосии шаҳр қисмати роҳи пиёдагарди соҳили дарёи Сири хиёбони номбурдаро, ки масофаи 400 метр ва масоҳати ҳазор метри квадратиро ташкил медиҳад, таъмиру азнавсозӣ ва сафолакпӯш менамоянд.

Муфассал... Шарҳ додан

Мумфаршкуни дар маҳаллаи «Сари баландӣ»

08 Декабр 2015

Имрӯз дар маҳаллаи «Сари баландӣ» сокинони чанде аз кӯчаҳо якҷоя бо кормандони идораи роҳсозии «Суғдроҳ» ба ҳашар баромада дар таъмири кӯчаи маҳаллаи худ ва мумфаршкунии он фаъолона иштирок намуданд.
Назар ба маълумоти роҳбарияти маҳаллаи номбурда ин шашумин кӯчаи маҳалла аст, ки аз таъмири куллӣ бароварда мешавад.
Раиси шаҳри Хуҷанд Раҷаббой Аҳмадзода аз ҳолати корҳои таъмиру мумфаршкунии маҳалла дидан намуда, бо сокинони маҳалла ва фаъолон сӯҳбати самимӣ анҷом дод.
«Бо назардошти дастуру супоришҳои Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон барои таъмиру мумфаршкунии кӯчаҳои шаҳр бо маром идома дорад. Ҳоло, ки имкони ҳавои мусоид ҳаст, барои идома додани корҳои таъмири роҳҳо тамоми имконияту захира истифода шуда истодаанд»- зикр намуд Раиси шаҳри Хуҷанд.