АсосӣБойгонӣ

Навгонӣ

Дарси худшиносӣ дар гимназияи № 4

15 Декабр 2015

Бо мақсади тарғиби арзишҳои миллӣ ва фарҳангӣ боло бурдани маърифати шаҳрдорӣ, ҳамчунин дар ниҳоди хонандагон ташаккул додани тарбияи миллӣ, хештаншиносӣ, ватанпарастӣ дар гимназияи рақами № 4 соати тарбиявӣ дар мавзӯи: “Хуҷанди шукуфон – модари шаҳрҳо” барпо гардид.
Чорабинии мазкур аз ҷониби хонандагони синфи 11-уми “Г” бо роҳбарии омӯзгори фанни забони англисии ин муассисаи таълимӣ Мақсад Қаюмова баргузор гардида, дар он бештар 100 нафар муҳассилини гимназия ширкат намуданд.
Хонандагон дар бораи таърихуфарҳанги бойи тоҷикон маълумот дода, доири зиндагиномаи шахсиятҳои таърихӣ аз қабили Кайхусрав, Искандари Мақдунӣ, Хусрави Парвиз ривоятҳо нақл намуданд.
Ҳамчунин бо иштироки хонандагони синфи 11 саҳначаҳои таърихӣ намоиш дода шуд.

Муфассал... Шарҳ додан

Шаҳомати Пешвои миллат

(3 овоз, миёна 3.00 аз 5)

12 Декабр 2015

Маҷлиси намояндагони Маҷлиси Олии Ҷумҳурии Тоҷикистон бо як овоз дар ҳамраъйии тамоми мардуми шарифи кишвар Қонун дар бораи асосгузори сулҳу ваҳдат ва Пешвои миллатро қабул кард. Ин падидаи барои миллати тоҷик фараҳбахшро тамоми қишри ҷомеа бо хурсандию шодмонӣ пазируфт. Сокинони шаҳри бостонии Хуҷанд низ аз ин башорати неку пайғоми мунаввар шоду мамнун гардиданд.
Дар бораи паҳлуҳои гуногуни ҳаёт ва фаъолияти инсони имрӯз дар ҳақиқат барои тамоми халқу миллати тоҷик азиз, сиёсатмадори даврони навини таърихи тоҷикон, роҳбари давлати соҳибистиқлол, Президенти мамлакат ва инсони муосири аз ҷониби сиёсатмадорони баргузидаи ҷаҳон эътирофгардида, Ҷаноби Олӣ, мӯҳтарам Эмомалӣ Раҳмон мақолае навиштан, кори хеле душвор ва пурмасъулият бошад ҳам, вале боиси ифтихору фараҳмандӣ маҳсуб мешавад.

Муфассал... Шарҳ додан

Қабули шаҳрвандон аз ҷониби Раиси шаҳри Хуҷанд.

(1 овоз, миёна 5.00 аз 5)

12 Декабр 2015

Дар Мақомоти иҷроияи ҳокимияти давлатии шаҳри Хуҷанд «Рӯзи қабули шаҳрвандон» доир гардид.
Раиси шаҳри Хуҷанд Раҷаббой Ахмадзода бо иштироки роҳбарони воҳидҳои сохторӣ арзи сокинонро шунида барои баррасӣ, ҳаллӣ онҳо ва барои сари вақт иҷро гаштани онҳо ба масъулин дастуру супоришҳо дод.
Шаҳрвандон бо истифода аз имконият ба Раҷаббой Аҳмадзода доири мушкилоти худ ва мусоидат намудан барои баррасии мунсифонаи онҳо дархост намуданд.
Аз шумораи бештари муроҷиаткунандагон бештари масъала бобати ҷудо намудани замини наздиҳавлигӣ буд, ки теъдоди онҳо 9 нафарро ташкил дод.

Муфассал... Шарҳ додан

Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат» қабул гардид.

(3 овоз, миёна 3.67 аз 5)

12 Декабр 2015

9 декабр дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати панҷум лоиҳаи Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат» баррасӣ ва қабул шуд. Ин санади муҳими таърихӣ бо тартиби ҳуқуқи ташаббуси қонунгузорӣ аз ҷониби гурӯҳи вакилони Маҷлиси намояндагони Маҷлиси Олии Ҷумҳурии Тоҷикистон мутобиқи дархосту пешниҳоди мардуми кишвар барои ҳифзи Истиқлолияти давлатӣ, анъанаи неки давлатдорӣ, муттаҳидии халқ дар атрофи ғояҳои созандаю бунёдкорона, таҳкими сохтори конститутсионӣ ва қадршиносии хизматҳои фарзанди содиқу вафодори халқ Эмомалӣ Раҳмон ҳамчун асосгузори сулҳу ваҳдати миллӣ, ҳомии роҳи таърихии рушди мамлакат ба сӯи ҷомеаи шаҳрвандӣ, давлати демократӣ ва ҳуқуқбунёд таҳия ва пешниҳод гардидааст.

Муфассал... Шарҳ додан

Хуҷанд ба пешвози соли нав омодагӣ мебинад.

(1 овоз, миёна 5.00 аз 5)

11 Декабр 2015

Маркази вилоят шаҳри Хуҷанди бостонӣ ба таҷлил ва пешвозисоли нави мелодӣ омодагӣ мегирад.
Дар асоси дастури Раиси шаҳри Хуҷанд Раҷаббой Аҳмадзода дар марказҳои фарҳангӣ-фароғатӣ арчаҳои солинавӣ гузошта шуда, бахши фарҳанги мақомоти шаҳрӣ, корхонаю ташкилотҳо ва муассисаҳои таълимию фарҳангӣ барномаҳои солинавии худро омода менамоянд.
Бо мақсади пурмазмун ва дар сатҳи баландӣ фарҳангӣ таҷлили намудани соли нави мелодӣ нақшаи чорабиниҳои шаҳрӣ таҳия гардида масъулини сохторҳои дахлдор вазифадор гардидаанд.
Бо ин мақсад дар панҷ мавзеи шаҳр арчаҳои солинавӣ гузошта шуда, аз нимаи дуюми моҳи декабр барномаҳои рангини солинавии ташкилоту муассисаҳои мухталиф намоиш дода мешавад.

Муфассал... Шарҳ додан