АсосӣБойгонӣ

Навгонӣ

Табрикоти Раиси шаҳри Хуҷанд ба муносибати таҷлили Рӯзи Ваҳдати миллӣ

22 Июн 2016

alt

Ҳамшаҳриёни азиз!
Таърихи халқияту миллатҳои ҷаҳон санаҳои муҳим ва ҳаводисеро медонад, ки аҳамият ва арзиши онҳо бо гузашти солҳо ҳамчун сарвати бебаҳои ин ё он миллат баландтар мегардад. Чунин санаи барои мардуми шарафманди Ҷумҳурии Тоҷикистон муҳиму сарнавиштсоз Рӯзи Ваҳдати миллӣ мебошад. Воқеан, 27 июни соли 1997 рӯзи муборакест, ки дар таърихи пуршарафи халқи куҳанбунёди мо бо ҳарфҳои заррин сабт гардидааст.
Ин санаи тақдирсозе аст, ки бо маънии томаш ҳамчун санаи саодатофарин ва ощози созандагиҳои бузург мебошад. Дар ин рӯзи саид пас аз қаҳрамониҳову ҷонбозиҳои Асосгузори сулҳу ваҳдати миллӣ-Пешвои миллат, Президенти кишварамон, Ҷаноби Олӣ, муҳтарам Эмомалӣ Раҳмон Созишномаи истиқрори сулҳ ва ризоияти миллӣ дар Тоҷикистон ба имзо расид.

Муфассал... Шарҳ додан

Ба эҳтиёҷмандон аробачаи маюбӣ тӯҳфа карда шуд.

22 Июн 2016

Бо мақсади расондани кӯмак ва дастгирии оилаҳои ниёзманд ва бехтар намудани зиндагии ниёзмандон аз ҷихати ҷисмонӣ, ичтимоӣ ва иқтисодӣ бо иштироки фаъоли худи онхо, Бахши агентии давлатии ҳифзи иҷтимоии аҳолии Мақомоти иҷроияи ҳокимяти давлатии шаҳри Хуҷанд корҳои назаррасро ба анҷом мерасонад. Бо мақсади кӯмак расондан барои дастрас намудани аробачаи маюбӣ давоми моҳи равон 6 нафар сокинони эҳтиёҷманд ба бахши мазкур муроҷиат намуда буданд. Оғози ҳафтаи ҷорӣ Бахши агентии давлатии ҳифзи иҷтимоии аҳолии Мақомоти иҷроияи ҳокимяти давлатии шаҳри Хуҷанд дар ҳамкорӣ бо ташкилоти байналхалқии хайриявии «Operation Mercy» ба ду нафар аз ин муроҷаткунандагон Турсуной Саманадароваи 87 сола, истиқоматкунандаи кӯчаи Стаханов 27 /16 ва Обидов Ҷовидҷон 11 сола сокини маҳаллаи 20 хонаи № 16 хучраи № 64 аробачаи маюбӣ дастрас карда шуд.

Муфассал... Шарҳ додан

Истироҳатгоҳи «Парвоз» дари хешро ба рӯи толибилмон боз намуд

22 Июн 2016

Басти якуми истироҳатгоҳи беруназшаҳрии тобистонаи кӯдакону наврасон - «Парвоз» бо фарогирии 150 нафар хонандагон аз оилаҳои камбизоат ва ятиму бепарастор ба фаъолият шурӯъ кард. Дар рӯзи кушодашавии истироҳатгоҳи беруназшаҳрии «Парвоз» муовини раиси шаҳри Хуҷанд Умеда Бурҳонзода Муродӣ, мудири шӯъбаи маорифи шаҳри Хуҷанд Султонов И.И., раиси Кумитаи иттифоқи касабаи маорифи шаҳри Хуҷанд Дадобоев Ғ.Ҷ., намояндагони шуъбаи маориф ва волидайни истироҳаткунандагон иштирок доштанд.
Сараввал сармураббияи истироҳатгоҳ Тошматова Саодат муждаи сардорони дастаҳоро қабул намуд. Сипас муждаи сармураббияи урдугоҳ ба сардори истироҳатгоҳи «Парвоз» Камолов Муқим расонида шуд.
Баъд аз расонидани мужда Парчами иттиҳодия дароварда шуда, аз ҷониби истироҳаткунандагон Суруди миллӣ хонда шуд. Сардори истироҳатгоҳ чорабиниро кушода гуфта, меҳмононро муаррифӣ намуда, сухани табрикотиро ба муовини раиси шаҳри Хуҷанд Умедахон Бурҳонзода Муродӣ дод.

Муфассал... Шарҳ додан

Кучаи навбатӣ дар маҳаллаи «Навбаҳор» мумфарш мешавад.

22 Июн 2016

Дар кӯчаю маҳаллаҳои шаҳри Хуҷанд корҳои ободонӣ ва таъмири роҳҳои маҳаллаҳо вусъати тоза мегирад.
Иҷрокунандаи вазифаи Раиси шаҳри Хуҷанд Шарифзода Шариф Файз дар оғози корҳои таъмиру мумфаршкунии яке аз кӯчаҳои маҳаллаи «Навбаҳор»,-кӯчаи «15 солагии Истиқлолият» ширкат намуд.
Кормандони идораи роҳсозии шаҳри Хуҷанд ният доранд давоми ҳафтаи равон кӯчаи ин маҳалларо пурра аз таъмири куллӣ ва бо сифат бароранд.
Масофаи умуми кӯча 350 метр буда, масоҳати умумии корҳои мумфаршкунӣ 17,25 метри квадратиро ташкил медиҳад.
Маблағи умумӣ бошад бештар аз 108 ҳазор сомониро ташкил дода, наздики 20% ин маблағ аз ҳисоби сокинони кӯчаи зикргардида, ҷамъоварӣ шудааст.

Муфассал... Шарҳ додан

Шарифзода Шариф Файз вакили Маҷлиси вакилони шаҳри Хуҷанд интихоб гардид.

20 Июн 2016

Мувофиқи Қарори Маҷлиси вакилони халқи шаҳри Хуҷанд санаи 19 июн дар ҳавзаи интихоботии № 19 «Дониш» ба ҷойи вакили хориҷшуда интихоботи миёндаврӣ барои интихоби вакили Маҷлиси вакилони халқи шаҳри Хуҷанд доир гардид.
Дар хавзаи мазкур ду нафар номзад ба вакилӣ ба қайд гирифта шуда буданд. Мувофиқи қарори ҳавзаи интихоботии мазкур иҷрокунандаи вазифаи Раиси шаҳри Хуҷанд Шарифзода Шариф Файз ва мудири боғчаи бачагонаи № 33 Муаттара Мамадҷонова ба рӯйхати овоздиҳӣ ворид карда шуда буд.
Чуноне, ки масъулини ҳавзаи интихоботии мазкур маълумот доданд, рӯзи гузашта дар ин ҳавза интихоботи Маҷлиси вакилони халқи шаҳри Хуҷанд дар сатҳи баланди фаъолнокӣ доир гашта, бештар аз 90% сокинон-интихобкунандагон ширкат намуданд.