АсосӣБойгонӣ

Навгонӣ

Таътили хонандагони Гимназияи № 4 бомаърифат мегузарад.

24 Июн 2016

Дар муассисаҳои таълимии шаҳри Хуҷанд давраи таътили тобистона барои муҳассилини худ чорабиниҳои мухталиф баргузор менамоянд.
Ҳайати омӯзгорон гимназияи № 4 қарор доданд дар таътили хонндагон робитаи худро бо хонандагони худ нигоҳ дошта, фаъолияти китобхонаи мактабро ҷоннок намоянд. Тибқи нақшаи тасдиқгардида минбаъд хонандагони ин муассисаи таълимӣ имкон доранд аз адабиётҳои бадеӣ ва мактабӣ истифода баранд.
Назар ба маълумоти роҳбарияти мактаб то имрӯз асосан хонандагони синфҳои аз 2 то 11 чун хонандагони фаъол ба қайд гирифта шуда аз китобҳои ҳам дарсӣ ва ҳам бадеӣ истифода мебаранд.
Дар китобхонаи мактаб то имрӯз теъдоди китоб китобҳои дарсӣ зиёда аз 32230 дона, китобҳои дарсӣ бо забони русӣ 7601 дона, китобҳои тозанашр бо забони русӣ 690 дона, китоби бадеи бо забони тоҷикӣ чопи замони шӯравӣ 989 дона, давоми 15 соли охир ба дасти хонандагон расида 260 дона буда, ҳар сол хонандагон ва омӯзгорон ба зиёда аз 52 номгӯи мачаллаву рӯзномаҳо обуна мешаванд.

Муфассал... Шарҳ додан

Маҳсулоти нави ТАҚХ «ИМОН ИНТЕРНЕШНЛ»,- «Маҳаллаи обод»

(1 овоз, миёна 1.00 аз 5)

24 Июн 2016

Давоми фаъолияти пурсамари худ давоми бештар аз 15 сол ТАҚХ «ИМОН ИНТЕРНЕШНЛ» чандин лоиҳаҳои иҷтимоӣ ва маҳсулоти қарзие пешниҳод намуда истодааст,ки он барои дастгирии иҷтимоии тамоми табақаҳои сокинон пешбинӣ гаштааст. То имрӯз байни сокинони кишвар ва мизоҷони ин ташкилоти молиявӣ маҳсулоти қарзӣ барои фароҳам овардани имконияти мувофиқи таҳсили ҷавонон дар муассисаҳои таълимии олии кишвар, рушди соҳибкорӣ ва соҳаи кишоварзӣ ва чанде дигар маъруфият дорад.
Ҳамчунин яке аз самтҳои фаъоляти ташкилот ин баланд бардоштани маърифати истифодаи сокинон ва мизоҷони ташкилот аз технологияҳои муосири инноватсионӣ ва саводнокии молии аҳолӣ маҳсуб меёбад. Роҳандозии хизматрасонии пардохти маблағҳо тариқи терминалҳои «ИМОН-ПЭЙ», бонкдории электронии «ИНТЕРНЕТ БАНКИНГ» шаҳодати гуфтаҳои болост.

Муфассал... Шарҳ додан

Табрикоти Раиси шаҳри Хуҷанд ба муносибати таҷлили Рӯзи Ваҳдати миллӣ

22 Июн 2016

alt

Ҳамшаҳриёни азиз!
Таърихи халқияту миллатҳои ҷаҳон санаҳои муҳим ва ҳаводисеро медонад, ки аҳамият ва арзиши онҳо бо гузашти солҳо ҳамчун сарвати бебаҳои ин ё он миллат баландтар мегардад. Чунин санаи барои мардуми шарафманди Ҷумҳурии Тоҷикистон муҳиму сарнавиштсоз Рӯзи Ваҳдати миллӣ мебошад. Воқеан, 27 июни соли 1997 рӯзи муборакест, ки дар таърихи пуршарафи халқи куҳанбунёди мо бо ҳарфҳои заррин сабт гардидааст.
Ин санаи тақдирсозе аст, ки бо маънии томаш ҳамчун санаи саодатофарин ва ощози созандагиҳои бузург мебошад. Дар ин рӯзи саид пас аз қаҳрамониҳову ҷонбозиҳои Асосгузори сулҳу ваҳдати миллӣ-Пешвои миллат, Президенти кишварамон, Ҷаноби Олӣ, муҳтарам Эмомалӣ Раҳмон Созишномаи истиқрори сулҳ ва ризоияти миллӣ дар Тоҷикистон ба имзо расид.

Муфассал... Шарҳ додан

Мусобиқаи футбол «Тӯби чармин»-2016 ҷамбаст гардид.

24 Июн 2016

Тибқи нақша чорабинии якчояи Федератсияи футбол, шӯъбаи маориф ва бахши ҷавонон, варзиш ва сайёҳии шаҳри Хуҷанд ва дар асоси тартиби баргузории мусобиқаи ҷумҳурииявӣ оид ба футбол барои дарёфти мукофоти Клуби «Тӯби чармин»-2016 байни дастаҳои футболи наврасони мактабҳои таҳсилоти миёнаи умумии Ҷумҳурии Тоҷикистон аз санаҳои 23 май то 23 июни соли 2016 дар майдони футболбозии Муассисаи давлатии «Мактаби варзишии бачагон ва наврасони №1» – и шаҳри Хуҷанд мусобиқаи футбол барои дарёфти мукофоти «Тӯби чармин»-2016 байни наврасони солҳои таваллудашон 1999-2000, 2001-2002 ва 2003-2004 дар марҳилаи аввал баргузор гардид.
Дар ин мусобиқа дастаҳои футболи наврасони мактабҳои таҳсилоти миёнаи умумии литсей ва гимназияҳои шаҳри Хуҷанд фаъолона ширкат намуда, барои гирифтани мақоми аввал мубориза бурданд.

Муфассал... Шарҳ додан

Ба эҳтиёҷмандон аробачаи маюбӣ тӯҳфа карда шуд.

22 Июн 2016

Бо мақсади расондани кӯмак ва дастгирии оилаҳои ниёзманд ва бехтар намудани зиндагии ниёзмандон аз ҷихати ҷисмонӣ, ичтимоӣ ва иқтисодӣ бо иштироки фаъоли худи онхо, Бахши агентии давлатии ҳифзи иҷтимоии аҳолии Мақомоти иҷроияи ҳокимяти давлатии шаҳри Хуҷанд корҳои назаррасро ба анҷом мерасонад. Бо мақсади кӯмак расондан барои дастрас намудани аробачаи маюбӣ давоми моҳи равон 6 нафар сокинони эҳтиёҷманд ба бахши мазкур муроҷиат намуда буданд. Оғози ҳафтаи ҷорӣ Бахши агентии давлатии ҳифзи иҷтимоии аҳолии Мақомоти иҷроияи ҳокимяти давлатии шаҳри Хуҷанд дар ҳамкорӣ бо ташкилоти байналхалқии хайриявии «Operation Mercy» ба ду нафар аз ин муроҷаткунандагон Турсуной Саманадароваи 87 сола, истиқоматкунандаи кӯчаи Стаханов 27 /16 ва Обидов Ҷовидҷон 11 сола сокини маҳаллаи 20 хонаи № 16 хучраи № 64 аробачаи маюбӣ дастрас карда шуд.