АсосӣБойгонӣ

Навгонӣ

Машқи тирпарронӣ

16 Июл 2016

Бо мақсади такмили маҳорату малакаи ҷангии аскарону афсарони дар захира буда, дар асоси нақшаи кории комиссариати ҳарбии шаҳр рӯзи гузашта дар машқгоҳи ҳарбии Гарннизони ҳарбии вилоят воқеъ дар мавзеи «Чоруқдаррон» машқи тирпарронӣ гузаронида шуд.
Дар он зиёда аз 600 нафар собиқ аскарону афсарони мустаъфӣ, ки шаҳрвандони шаҳри Хуҷанд ҳастанд, хусусан, собиқадорони ҷанги Афғонистон, иштирокчиёни барқарорунии сохти конститутсионии ҷумҳурӣ иштирок намуданд.
Чорабинӣ таҳти фармондеҳии комиссари ҳарбии шаҳр, полковник Эҳсон Ғанихоҷаев гузашт, ки дар он ҳайати шахсии комиссариати ҳарбии шаҳр ва як зумра афсарону аскарони қисми низомии маскуни шаҳр дар гузаронидани ин чорабинӣ кӯмак карданд.
Муовини аввали Раиси шаҳри Хуҷанд Ғайбуллозода Хайрулло ҳамчун сарпарасти соҳа ба машқгоҳ омада бо рафти машқҳо шинос шуд.

Муфассал... Шарҳ додан

Мусобиқаи варзишии нафарони имконияташон маҳдуд.

16 Июл 2016

Дар асоси қарори Раиси шаҳри Хуҷанд аз 13 июли соли 2016, № 329 дар чойхонаи «Сирдарё»-и маркази вилоят мусобиқаи шаҳрӣ оид ба намуди шашкаи русӣ байни мардон ва занҳои ва шоҳмот байни мардони қувваи босираашон суст баргузор гардид.
Дар чорабинии мазкур зиёда аз 20 нафар аъзоёни Ҷамъияти нобиноён иштирок намуда, барои соҳиб гаштан ба макоми аввал донишу малакаи худро санҷиданд.
Мусобиқаи мазкур бо иштироки фаъолонаи дӯсторони ин намуди варзиш доир гашта, дар ниҳоят ғолибонро ҳайати ҳакамон муқаррар намуданд.
Байни занҳо дар мусобиқаи шашкаи русӣ ғолибият насиби Лутфӣ Салимова гардид. Марҳабо Мӯминова ва Қаноат Абдуғаниева ҷойҳои дуюму сеюмро ишғол намуданд.

Муфассал... Шарҳ додан

Мулоқоти Раиси шаҳр бо сокинони маҳаллаи «Сирдарё»

09 Июл 2016

Дар асоси нақшаи Мақомоти иҷроияи ҳокимияти давлатии шаҳри Хуҷанд иҷрокунандаи вазифаи Раиси шаҳри Хуҷанд Шарифзода Шариф Файз бо сокинони маҳаллаи «Сирдарё» мулоқоти навбатии худро доир намуд.
Дар қисмати ифтитоҳии вохӯрӣ Раиси шаҳр доири натиҷаҳою дастовардҳои маркази вилоят маълумоти мухтасар дод. Ҳамчунин аз ҷониби Шарифзода Шариф Файз қайд гардид,ки агарчанде давоми ду соли сипаригашта бештарр аз 10 кӯчаи маҳалла таъмири гардида бошад ҳам имрӯз барои боз ҳам ободу зебо гаштани маҳалла, ки яке аз маҳаллаҳои сернуфузи маркази вилоят маҳсуб меёбад, саҳму ширкати фаъолонаи сокинон хеле муҳим аст.
Ҳоло дар маҳалла бештар аз ҳашт ҳазор аҳолӣ ва 700 оила сукунат дошта, дар самти корҳои ободонӣа созандагӣ корҳои зиёдро ба анҷом расондан лозим аст.

Муфассал... Шарҳ додан

Мусобиқаи шиновари байни мактабиён шавқовар гузашт

13 Июл 2016

Дар шаҳри Хуҷанд бо мақсади фарогирии ҷавонону наврасон ва мактабиёни шаҳр ба чорабиниҳои оммавӣ фарҳангӣ ва фароғатию варзишӣ тибқи нақшаи муштараки Шӯъбаи маориф ва Бахши ҷавонон, варзиш ва сайёҳӣ баргузор мегардад.
Яке аз чунин чорабиниҳо дар ҳавзаи шиноварии Муассисаи давлатии «Мактаби варзишии кӯдакон ва наврасони захираҳои олимп»-и шаҳри Хуҷанд баргузор гашт.
Дар ин муассисаи варзишӣ мусобиқаи шаҳри Хуҷанд оид ба шиноварц байни наврасон солҳои таваллудашон 2000-2001 ва 2002-2003 бахшида ба 25 – солагии Истиқлолияти давлатии Ҷумҳурии Тоҷикистон доир гардид, ки мақсади онро масъулини соҳа дар мустаҳкам намудани дӯстц, ҷалб намудани наврасону ҷавонон ба ин намуди варзиш арзёбӣ менамоянд. Дар мусобиқаи мазкур зиёда аз 100 нафар наврасону ҷавонон иштирок намуданд ва дар натиҷа...

Муфассал... Шарҳ додан

Истироҳати бофароғати хонандагони боистеъдод дар лагери «Парвоз»

(1 овоз, миёна 3.00 аз 5)

09 Июл 2016

Хонандагони фаъол, боистеъдод ва болаёқати шаҳри Хуҷанд дар басти дуввуми истироҳатгоҳи беруназшаҳрии тобистонаи кӯдакону наврасон - «Парвоз» истироҳат карда, тобистонро хушу хотирмон мегузаронанд. Чанд рӯзе муқаддам маросими ифтитоҳи басти дуввуми истироҳатгоҳи беруназшаҳрии «Парвоз» бо ширкати мудири шуъбаи маорифи шаҳри Хуҷанд И. Султонов ва раиси кумитаи иттифоқи касабаи кормандони маорифи шаҳр Ғ. Дадобоев баргузор гардид. Мудири шуъбаи маорифи шаҳр ба ҳамаи истироҳаткунандагон таътили хушу хотирмон таманно карда, таъкид кард, ки дар басти дуввум хонандагони болаёқат, боистеъдод ва иштирокчиёни олимпадаҳои шаҳрию вилоятӣ ва ҷумҳуриявӣ ба таври ройгон ҷалб карда шудаанд.
Мавриди зикр аст, ки чор хобгоҳи истироҳатгоҳ аз таъмири ҷорӣ бароварда шуда, ҷойи хоби истироҳаткунандагон бо рӯйпушҳои тозаву озода пӯшонида, деворҳои он бо ҳамагуна овезаҳову гуфторҳо, расмҳои кашидаву гулҳои сохташуда ороиш дода шуданд.