АсосӣБойгонӣ

Навгонӣ

Табрикоти Раиси шаҳри Хуҷанд ба муносибати Рӯзи дониш

(1 овоз, миёна 2.00 аз 5)

31 Август 2016

Табрикоти Раиси шаҳри Хуҷанд ба муносибати Рӯзи дониш Устодону омӯзгорони муҳтарам!
Хонандагони азиз!
Дар ин лаҳзаҳои идона, ки мову Шумо дар остонаи таҷлили 25-умин солгарди Истиқлолияти давлатии Ҷумҳурии Тоҷикистон қарор дорем, ба ифтихори ин санаи тақдирсоз ва ҷашни бузурги миллӣ ҳамаи Шуморо ба муносибати Рӯзи дониш самимона табрик намуда, ба хонандагон дар фатҳи қуллаҳои дониш, ба устодону омӯзгорон дар таълиму тарбияи насли наврас дастоварду комёбиҳо таманно менамоям.
Давлату ҳукумат бо сарварии Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон ба рушди илму фарҳанг ва маънавиёти ҷомеа, махсусан ба таълиму тарбияи насли наврас эътибори аввалиндараҷа дода, барои пешрафти мактабу маориф ва тайёр намудани мутахассисони соҳиби донишу малакаи баланди касбӣ ҳамаҷониба мусоидат менамоянд.

Муфассал... Шарҳ додан

Футболбозони бинои 27 «а» чемпиони маҳаллаи «Тиллокон»

31 Август 2016

Ҷиҳати иҷроиши накша- чорабиниҳои баргузории озмуну, мусобиқахо ва чорабиниҳои фарҳангӣ ба истиқболи 25-солагии Истиқлолияти давлатии Ҷумҳурии Тоҷикистон, ки аз чониби Рохбари дастгохи ичроияи Президенти Ҷумхурии Тоҷикистон, Кумитаи ҷавонон, варзиш ва сайёҳии назди Ҳукумати Ҷумхурии Тоҷикистон, макомоти иҷроияи ҳокимияти давлатии шаҳр, Бахши ҷавонон, варзиш ва сайёҳӣ ва Кумитаи маҳаллаи "Тиллокон"-и шаҳр санаҳои 11 то 29 августи соли 2016 дар майдони варзишии Муассисаи давлатии Мактаби варзишии бачагон ва наврасони № 2-и шахри Хуҷанд мусобиқа оид ба футболи хурд байни биноҳои баландошёнаи маҳаллаи "Тиллокон" баргузор гардид. Дар мусобиқаи мазкур 10 даста дар 2 зергурӯҳ тақсим шуда, бо ҳам рақобат намуданд. Дар натиҷа ҷои якум насиби дастаи бинои № 27 «а»гашта ғолибияти мутлақро ба даст оварданд. Дар ҷои дуюм дастаи бинои 17 ва дар ҷойи сеюм дастаи бинои 36 қарор гирифтанд.

Муфассал... Шарҳ додан

Дар шаҳри Хуҷанд кӯдакистони № 16 пас аз навсозӣ дубора ба истифода дода шуд.

30 Август 2016

Барои кулли мураббиёну тарбиятгирандагони кӯдакистони рақами 16 и шаҳри Хуҷанд имрӯз рӯзи фаромӯшнашуданӣ буд.
Зеро бо буридани лентаи рамзӣ Раиси вилояти Суғд Абдураҳмон Қодирӣ ва Раисии шаҳри Хуҷанд Шарифзода Шариф Файз ба фаъолияти ин кӯдакистон дар бинои наву замонавӣ ҳусни ифтитоҳ бахшиданд. Ҳангоми шиносоӣ маълумот дода шуд, ки сохтмони кӯдакистон моҳи январи соли равон оғоз ёфта, он аз 2 ошёна ва таҳхона иборат мебошад. Бинои мазкур бо харҷи 4,2 млн сомонӣ аз ҳисоби Мақомоти иҷроияи ҳокимияти давлатии шаҳри Хуҷанд бунёд ёфта, корҳои сохтмониро ширкати ҶДММ Муҳандис ба сомон расонидааст. Кӯдакистон аз якчанд утоқҳои корӣ, 5 гурӯҳ, як толори барҳаво ва дигар ҳуҷраҳои ёрирасон иборат буда, барои 180 нафар кӯдакон пешбинӣ шудааст.

Муфассал... Шарҳ додан

Санги асос барои бунёди таваққуфгоҳи нақлиётӣ гузошта шуд

30 Август 2016

Бахшида ба 25-солагии Истиқлолияти давлатии Ҷумҳурии Тоҷикистон дар саросари кишвар, хоса вилояти Суғд иншооти гуногун бунёд ва ба истифода дода мешавад.
Дар шаҳри Хуҷанд як қатор иншооти ҷашнӣ ба истифода дода шуд, ки дар маросими ифтитоҳи иншооти ҷашнӣ Раиси вилояти Суғд Абдураҳмон Қодирӣ иштирок намуд.
Нахуст бо иштироки Раиси вилояти Суғд Абдураҳмон Қодирӣ ва Раиси шаҳри Хуҷанд Шарифзода Шариф Файз дар кӯчаи ба номи Исмоили Сомонии шаҳри Хуҷанд ба бунёди бинои баландошёнаи истиқоматии 12 ошёна, маркази савдо ва таваққуфгоҳи зеризаминӣ санги асос гузошта шуд.

Муфассал... Шарҳ додан

Ифтитоҳи иншооти нав ба ифтихори Истиқлолияти давлатии Ҷумҳурии Тоҷикистон

30 Август 2016

Ба истиқболи 25-солагии Истиқлолияти давлатии Ҷумҳурии Тоҷикистон дар шаҳри Хуҷанд боз як иншооти дигар - бинои баландошёнаи истиқоматӣ ба истифода дода шуд.
Дар расми бо тантанаи ба истифода дода шудани ин бинои нав Раиси вилояти Суғд Абдураҳмон Қодирӣ ва Раиси шаҳри Хуҷанд Шарифзода Шариф Файз ширкат намуданд.
Бинои баландошёна аз ҷониби соҳибкори маҳаллӣ Шӯҳрат Юлдошов бунёд ёфтааст. Бинои мазкур аз 13 ошёна иборат буда, дар қабати аввал ва дуввуми он маркази савдо ҷойгир карда шудааст. Баробари буридани лентаи рамзӣ ва шиносоӣ бо иншооти мазкур Раиси вилоят дар фазои тантанавӣ ба як оилаи ниёзманд хонаи дуҳуҷрадорро тақдим намуд. Ҳамчунин таъкид гардид, ки ин оилаи ҷавон бояд давоми як сол аз пардохти хизматрасониҳои коммуналӣ озод карда шавад.