АсосӣБойгонӣ

Навгонӣ

Ифтитоҳи Кохи ақди никоҳи шаҳри Хуҷанд ва Кохи фарҳанги «Суғдиён»

14 Сентябр 2016

Дар идомаи сафари корӣ дар шаҳри Хуҷанди вилояти Суғд бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои нави Раёсати вилоятӣ ва шаҳрии сабти асноди ҳолати шаҳрвандӣ, Кохи ақди никоҳи шаҳри Хуҷанд ва Кохи фарҳанги «Суғдиён» мавриди баҳрабардорӣ қарор гирифт.
Бо ифтитоҳи чунин як даргоҳи фарҳангӣ сардори давлат ба 25 ҷуфт оилаҳои навбунёд шаҳодатномаи ақди никоҳ ва ба 25 навзод шаҳодатномаи таввалуд супорид.
Ҳамчунин ба волидони сегоникҳо Набиев Мутаалибҷон ва Набиева Мағфират калиди хонаи се ҳуҷрага тақдим карда шуд.
Бинои мазкур аз 3 ошёна иборат буда сохтмонаш моҳи феврали соли 2016 оғоз гардида, дар тӯли 8 моҳ ба пураги сохта ба истифода дода шуд.

Муфассал... Шарҳ додан

Мукофотпулии Раис вилоят ба собиқадорони меҳнати шаҳри Хуҷанд супорида шуд.

13 Сентябр 2016

Ба ифтихори 25 солагии Истиқлолияти давлатии Ҷумҳурии Тоҷикистон 22 нафар шахсони барӯманд, собиқадорони меҳнат, иштирокчиёни фаъоли ҳаёти ҷамъиятӣ ва ходимони давлатӣ бо мукофотпулии Раиси вилояти Суғд қадрдонӣ гардиданд.
Дар арафаи таҷлили ин иди хотирмон дар маҷлисгоҳи мақомоти иҷроияи ҳокимияти давлатии шаҳри Хуҷанд маросими супоридани ин мукофот баргузор гардид.
Дар қисмати ифтитоҳи ин ҷамъомад муовини аввали Раиси шаҳри Хуҷанд Хайрулло Ғайбуллозода шахсони ба ин мукофот лоиқдонисташударо аз номи Раиси шаҳри Хуҷанд табрик намуда, зикр намуд, ки ин таваҷҷӯҳ бори дигар аз қадршиносии меҳнату саҳми ин нафарони соҳибэътибор аз ҷониби давлату ҳукумат дарак медиҳад.

Муфассал... Шарҳ додан

Чойхонаи нав дар маҳаллаи «Масҷиди савр»

10 Сентябр 2016

Дар шаҳри Хуҷанд ба ба ифтихори 25 солагии Истиқлолияти давлатии Ҷумҳурии Тоҷикистон боз як иншооти нави хизматрасонӣ ба истифода дода шуд.
Бо ташаббуси соҳибкор Раҳматшех Қобилшехов дар маҳаллаи «Масҷиди савр» «Маҷмаи Истиқлол», ки аз чойхона, маркази савдо ва толори хурд барои баргузории маҷлиси маҳалла иборат аст.
Дар маросими тантанавӣ, ки бо иштироки шахсони барӯманди ин маҳалла ва сокинон баргузор гардид Раиси шаҳри Хуҷанд Шарифзода Шариф Файз иштирок намуд.
Ҳангоми мулоқот худ бо иштирокдорони ин чорабинӣ Раиси шаҳри Хуҷанд кулли ҳозиронро бо 25 солагии Истиқлолияти давлатии Ҷумҳурии Тоҷикистон ва ғолибитяи шаҳри Хуҷанд дар озмуни ҷумҳуриявӣ самимона шодбош намуд.

Муфассал... Шарҳ додан

Аёдати кӯдакони ятим аз ҷониби Раиси шаҳри Хуҷанд.

(3 овоз, миёна 2.00 аз 5)

13 Сентябр 2016

Тибқи дастуру супориши Асосгузори сулҳу ваҳдати миллӣ, Пешвои миллат, Презденти Ҷумҳурии Тоҷикистон Эмомалӣ Раҳмон Мақомоти иҷроияи ҳокимияти давлатии шаҳри Хуҷанд, ташкилоту сохторҳои мухталиф шахсони яккаву танҳо, бесарпаноҳмонда ва нафарони эҳтиёҷмандро аёдат намуда ба онҳо кӯмаки якктаи моддӣ дастрас намуданд.
Раиси шаҳри Хуҷанд Шарифзода Шариф Файз дар арафаи Иди Қурбон ба хонаводаи чанде шахсони барӯманд, яккаву танҳо ва ятимони кулл рафт.
Мулоқоту сӯҳбати Раиси шаҳри Хуҷанд бо Қаҳрамони меҳнати сотсиалистӣ, Шаҳрванди фахрии шаҳри Хуҷанд Ҳамроҳ Тоҳирова ва собиқадори дигари меҳнат Раиси Ҷураева, ки синни онҳо бештар аз 80 аст чун ҳарвақта гарму самимӣ буд.

Муфассал... Шарҳ додан

Табрикоти Раиси шаҳр ба муносибати Иди Қурбон

(1 овоз, миёна 2.00 аз 5)

10 Сентябр 2016

alt Ҳамшаҳриёни азиз!
Шумоёнро бо ҷашни 25-умин солгарди Истиқлолияти давлатии Ҷумҳурии Тоҷикистон ва фарорасии Иди саиди Қурбон, ки яке аз рӯзҳои муҳим ва муқаддаси дини мубини ислом мебошад, табрик гуфта, бароятон тани сиҳат, хонаи обод, саодати рӯзгор ва комёбиҳои беназирро таманно дорам.
Мо медонем, ки таълимоти дини мубини ислом саршор аз ғояҳои башардӯстиву инсонпарварӣ, самимияту муҳаббат, муомилаи нек бо атрофиён, риояи аҳди бародариву мурувват бо дӯстону ҳамкорон, раҳму шафқат ба беморон ва ятимону маъюбон, ёриву ғамхорӣ ба дармондагону камбизоатон ва пос доштани хотири гузаштагон мебошад.