АсосӣБойгонӣ

Навгонӣ

Аввалин нишаст дар соли нав

17 Январ 2017

Нишасти 147-умини маҳфили илмиву адабии “Ганҷи сухан”, дирӯз дар толори Китобхонаи вилоятии оммавии ба номи Тошхоҷа Асирӣ баргузор гардид. Дар он адибону олимон, мухлисони каломи бадеъ ширкат варзиданд. Нахуст дар мавзуи “Паёми Пешвои миллат – равшангари имрӯзу фардои кишвар” сардори раёсати илм ва иноватсияи ДДҲБСТ, номзади илмҳои филология, дотсент, масъули маҳфил Саидумрон Саидов маърӯза намуда, оид ба муҳимтарин нуктаҳои Паёми Асосогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди рушди маънавиёти мардум ва рисолати имрӯзиён дар баланд бардоштани мақоми ҷавонон ва бонувон изҳори назар кард. Навгонињои илмиву адабӣ ва фарњангӣ аз ҷониби муаллимаи ДДХ ба номи академик Бобоҷон Ғафуров, Мунзифа Ёрмирзоева ироа гардид.

Муфассал... Шарҳ додан

Олимпиада беҳтаринҳоро муайян кард

(1 овоз, миёна 5.00 аз 5)

17 Январ 2017

Дар асоси Низомномаи Олимпиадаи фаннии хонандагони муассисаҳои таҳсилоти миёнаи умумӣ баҳри баланд бардоштани завқи хонандагон ба омӯзиши фанҳои дақиқ ва гуманитарӣ, ошноии хонандагон бо кашфиёти нави илмҳои муосир ва технологияҳои пешқадам, ташаккули тафаккури мантиқии хонандагон, бедор кардани шавқи онҷо дар ҳалли масъалаҳои фанҳои дақиқ, баёни озодонаи фикр, дарёфт намудани хонандагони боистеъдод ва таблиғи интихоби бошууронаи касб бо ибтикори Маркази дарёфти рушди истеъдодҳои назди шуъбаи маорифи шаҳри Хуҷанд дар давраи таътили зимистонаи толибилмон байни хонандагони синфҳои 5-8 олимпиада баргузор гардид.
Олимпиада дар гимназияи №1 ба номи М. Беҳбудӣ ва МТМУ №5 гузаронида шуда, дар он 937 нафар довталаб ширкат варзида, донишу истеъдоди хешро аз фанҳои ҷамъиятию гуманитарӣ ва фанҳои табиию риёзӣ санҷиданд.

Муфассал... Шарҳ додан

Шаффоф, одилона, мушаххас

16 Январ 2017

Ба фаъолият оғоз намудани Маркази тестии Донишгоҳи давлатии ҳуқуқ, бизнес ва сиёсати Тоҷикистон ва татбиқи амалии барномаи нави идоракунии раванди таҳсилот – СКАРТ ба таври автоматикунонидашуда раванди таълим ва имтиҳоноти донишҷӯёнро ба танзим даровард. Бо ин мақсад лоиҳаи барномарезии яке аз модулҳои барномаи СКАРТ омода гардида, айни замон қабул ва гузаронидани ҷараёни имтиҳони ниҳоӣ тариқи тестӣ – «онлайн» ба роҳ монда мешавад. Яке аз афзалияти муҳими низоми тестии марказонидашуда пеш аз ҳама ба роҳ мондани раванди автоматикунонии Соли дуюм аст, ки қабули имтиҳоноти ҷорӣ барои донишҷӯёни шӯъбаи рӯзона ва ғоибонаи Донишгоҳи давлатии ҳуқуқ бизнес ва сиёсати Тоҷикистон ба тарзи тестӣ дар Маркази тестии донишгоҳ ба роҳ монда шудааст.

Муфассал... Шарҳ додан

Истироҳати бофароғати хонандагон

(1 овоз, миёна 5.00 аз 5)

17 Январ 2017

Дар мавсими таътили зимистонаи хонандагон толибилмони муассисаҳои таълимии шаҳри Хуҷанд ба маҳфилу чорабиниҳои гуногун ҷалб гардида, ба осорхонаи вилоятӣ, театри тамошобини наврас ба номи О. Назаров ва театри мусиқию мазҳакавии ба номи Камоли Хуҷандӣ ташриф оварда, истироҳати худро хушу хотирмон мегузаронанд.
Аз ҷумла, ҳаррӯз хонандагони муассисаҳои таълимии шаҳр бонавбат ба театр омада, аз барномаи рангини солинавии ҳунармандони ин ду боргоҳи ҳунар баҳравар мегарданд. Ҳамчунин дарназар аст, ки беҳтарин толибилмони шаҳр, ки дар олимпиадаҳо пирӯз гардиданд, истироҳати зимистонаи худро дар фароғатгоҳи «20-солагии Истиқлолияти давлатии Ҷумҳурии Тоҷикистон» воқеъ дар ноҳияи Ҷаббор Расулов гузаронанд.

Муфассал... Шарҳ додан

Раиси шаҳри Хуҷанд ва вакили Маҷлиси Намояндагон арзи сокинонро шуниданд.

14 Январ 2017

Имрӯз тибқи муқаррароти қабулгардида дар Мақомоти иҷроияи ҳокимияти давлатии шаҳри Хуҷанд рӯзи қабули Раиси шаҳр доир гардид.
Баробари Раиси шаҳри Хуҷанд ҳамчунин имрӯз вакили Маҷлиси намояндагони Маҷлисии Олии Ҷумҳурии Тоҷикистон Гулбаҳор Назирӣ низ доири масъалаҳои ҳалталаби сокинон дархости онҳоро қабул намуд.
Аз шумораи умумии 11 нафари муроҷиатнамуда аз ҷумла 2 нафар барои ҳалли мушкилоти хизматрасонии коммуналӣ, 2 нафар барои гирифтани табобати ройгон, 3 нафар доири расондани кӯмак барои таъмир ва сохтмони манзили истиқоматӣ ва 2 нафар барои дарёфти ҷойи корӣ буд.