АсосӣБойгонӣ

Навгонӣ

Боздиди Раиси шаҳр аз се маркази саломатӣ.

10 Феврал 2017

Раиси шаҳри Хуҷанд Шарифзода Шариф Файз бо мақсади шиносоӣ бо ҳолат имрӯзаи хизматрасонии тиббӣ, аз фаъолияти чанде аз марказҳои саломатӣ боздиди корӣ намуд. Ин боздид аз Маркази саломатии № 6 шурӯъ гардид.
Марказ барои хизматрасонии зиёда аз 12 ҳазор сокинони маҳаллаи «Бофанда» ва атрофии он пешбинӣ гардидааст. Бино аз 5 ошёна ва 32 ҳуҷра иборат буда, бо кӯмаки мақомоти маҳаллӣ қисман аз таъмир бароварда шудааст. Айни замон боз барои таъмири ду ошёнаи дигар ниёз дорад. Бо мақсади беҳтар намудани сифати кори лабараторияи ташхисӣ дар соли сипаригашта аз ҷониби Мақомоти иҷроияи ҳокимияти давлатии шаҳри Хуҷанд 78 ҳазор сомонӣ маблағ ҷуда гардид. Бо ин васила ин маркази саломатӣ имкон пайдо намуд номгӯи ташхиси худро ба 58 намуд расонда , барои сифатан беҳтар намудани фаъоляти ташхисгоҳ шароит фароҳам оварда шавад.

Муфассал... Шарҳ додан

Мулоқоти хатмкунандагон бо ректорони муассисаҳои олии вилоят

09 Феврал 2017

Тибқи ҷадвали вохӯрии роҳбарони муассисаҳои таҳсилоти олии касбӣ бо хонандагони муассисаҳои таҳсилоти миёнаи умумии шаҳру навоҳии вилояти Суғд мулоқотҳои судманд идома доранд. Аллакай чунин вохуриҳо дар толори қасри фарҳанги шаҳри Гулистон ва толори Донишкадаи кӯҳӣ-металургии Тоҷикистон дар шаҳри Бӯстон баргузор гардиданд. Дирӯз дар қасри фарҳанги шаҳри Хуҷанд мулоқоти ректорони мактабҳои олии вилоят бо хатмкунандагони муассисаҳои таълимии шаҳр баргузор гардид.
Вохӯрии ректоронро бо хатмкунандагон муовини тозатаъини раиси шаҳри Хуҷанд Раъно Ҳошимзода ифтитоҳ намуда, ҳадаф аз гузаронидани чунин мулоқотҳоро шарҳ ва ба манфиати ҷомеа унвон намуд. Сипас, намояндаи Мақомоти иҷроияи ҳокимияти давлатии вилояти Суғд Мирзотоҳир Набиев доир ба фарогирии таҳсили ҷавонони шаҳри Хуҷандро дар муассисаҳои олии вилоят маълумот дод.

Муфассал... Шарҳ додан

Муовини Раиси шаҳр муаррифӣ гардид.

(5 овоз, миёна 5.00 аз 5)

06 Феврал 2017

Имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд таҳти раёсати Раиси шаҳри Хуҷанд Шарифзода Шариф Файз ҷаласаи корӣ бо иштироки муовинони Раиси шаҳр, роҳбари дастгоҳ, роҳбарони воҳидҳои сохторӣ ва ташкилоту муассисаҳои маркази вилоят доир гардид. Дар кори ҷаласа мудири шӯъбаи кадрҳои Мақомоти иҷроияи ҳокимияти давлатии вилояти Суғд Ином Султонзода иштирок намуда, ҳозиронро бо тағийроти кадрӣ ошно намуд. Мувофиқи Қарори Раиси шаҳри Хуҷанд аз санаи 06 феврали 2017 Раъно Ҳошимзода муовини Раиси шаҳри Хуҷанд таийн гардид.
Номбурда то ин вазифа Декани факултети молия ва баҳисобгирии бухгалтерии Донишкадаи иқтисод ва савдои Донишгоҳи давлатии тиҷоратии Тоҷикистон дар шаҳри Хуҷанд буда фаъолият менамуд. Оилоадор буда унвони илмии нозади илмҳои иқтисод аст. Соли 2015 вакили Маҷлиси вакилони халқи шаҳри Хуҷанд аст.

Шарҳ додан

Паём-барномаи рушди босуботи иқтисодиву иҷтимоии кишвар

08 Феврал 2017

Беш аз як моҳ мешавад, ки дар тамоми ташкилоту корхонаҳо Паёми Асосгузори сулҳу ваҳдати миллӣ- Пешвои миллат мӯҳтарам Эмомалӣ Раҳмон ба Маҷлиси Олии кишвар ҳамчун дастури раҳнамоӣ мавриди омӯзиш қарор мегирад.
Дар Донишкадаи политехникии Донишгоҳи техникии Тоҷикистон дар шаҳри Хуҷанд бо баргузор намудани як конференсияи ҷумҳуриявӣ амалишавии се ҳадафи стртегии давлат, ки дар Паёми имсола зикр шудааст, мавриди омӯзиш ва таҳлили коршиносон қарор гирифт. Дар конференсия сарварони муассисаҳои олии вилоят, олимон, коршиносони соҳа ширкат доштанд.
Чорабиниро муовини директор оид ба илм ва инноватсия Турсун Холматов ҳусни ифтитоҳ бахшид.

Муфассал... Шарҳ додан

Ҳамкорӣ гарави пешравӣ

(1 овоз, миёна 5.00 аз 5)

06 Феврал 2017

Дар асоси нақша-чорабиниҳои Раёсати агентии назорати маводи нашъаовари назди Президенти Ҷумҳурии Тоҷикистон дар вилояти Суғд вохӯрии сардори Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд Музаффар Ҳотамӣ, сардори шӯъбаи ҷинояту ҷиноятсодиркунии Раёсати мазкур Абдуллозода Шӯҳрат ва корманди ин ниҳод Фарҳодзода Шамшодҷон бо донишҷӯёни Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд баргузор гардид.
Фаррух Аминов, муовини директор оид ба тарбия чорабиниро ҳусни ифтитоҳ бахшида, афзуд, ки ҷомеаи ҷаҳониро хатарҳои зиёде аз қабили терроризму ифротгароӣ фаро гирифта, дар асри 21 боз як падидаи номатлуб даст ба нашъамандӣ задании ҷавонон ҷомеаро ба ташвиш овардааст.