АсосӣБойгонӣ

Навгонӣ

Мулоқот бо ҷавонон бахшида ба Соли ҷавонон

(1 овоз, миёна 5.00 аз 5)

22 Феврал 2017

Дирӯз, 21 феврали соли ҷорӣ дар Донишгоҳи давлатии омӯзгории Тоҷикистон ба номи Садриддин Айнӣ дар асоси нақшаи – чорабиниҳои Мақомоти иҷроияи ҳокимияти давлатии вилояти Суғд мулоқот бо донишҷӯён баргузор гардид. Дар мулоқоти мазкур Шарифзода Шариф Файз раиси шаҳри Хуҷанд, Аҳтам Абдуллозода раиси Кумитаи ҷавонон, варзиш ва сайёҳӣ, Раъно Бобоҷониён муовини раиси ҲХДТ, вакилони Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ, Дилрабо Мансурова, Ҷаббор Ахмедов, рӯзноманигорон ва зиёда аз 300 нафар донишҷӯён иштирок намуданд. Нахуст, Шарифзода Шариф Файз раиси шаҳри Хуҷанд ба сухан баромада, иброз намуд, ки мулоқоти мо дар рӯзҳое баргузор мегардад, ки ҷавонони саодатманди кишвар аз эълон гаштани Соли ҷавонон истиқбол намуда, бо ғайрату илҳоми тоза ҷиҳати татбиқи амалӣ намудани нақша-чорабиниҳои Соли ҷавонон саъю талош доранд.

Муфассал... Шарҳ додан

Мусобиқаи ҳарбӣ-варзишии «Ҳомиёни ҷасури Ватан» баргузор гардид.

22 Феврал 2017

Тибқи нақшаи чорабинии якчояи Бахши ҷавонон, варзиш ва сайёҳӣ, шӯъбаи маориф, қомиссари ҳарбӣ ва Иттифоқи собиқадорони ҷанговарони интернатсиалистии шаҳри Хуҷанд дар варзишгоҳи «Спартак»-и шаҳри Хуҷанд мусобиқаи ҳарбӣ-варзишии «Ҳомиёни ҷасури Ватан» байни хонандагони синфҳои болоии мактабҳои таҳсилоти миёнаи умумӣ, литсей ва гимназияҳои шаҳр багузор гардид.
Дар ин мусобиқа 12 даста аз рӯи намудҳои ҳаракатҳои сафӣ ва иҷро кардани амалиётҳои сафгардии даставӣ,давидан ба масофаи 100 метр, ҳаво додани норинҷак ба масофа, кашидани вазн, вазнбардорӣ (16кг), ба қисмҳо ҷудо ва ҷамъ кардани қисмҳои яроқи навъи АК,тирҷойкунӣ ба тирдон,тирпарронӣ аз туфанги пневматикӣ дар масофаи 10 метр, омодагии ҳарбию варзишии худро намоиш доданд.

Муфассал... Шарҳ додан

Мулоқоти Раиси шаҳри Хуҷанд бо соҳибкорони муваффақ.

(2 овоз, миёна 3.50 аз 5)

21 Феврал 2017

Дар тарабхонаи «Ҷавонӣ» Раиси шаҳри Хуҷанд Шарифзода Шариф Файз бо соҳибкорони муваффақи маркази вилоят мулоқоти корӣ анҷом дод.
Дар он бештар наздик 150 нафар соҳибкорон, роҳбарони корхонаю ташкилот ва ширкатҳои истеҳсолию молӣ иштирок намуданд.
Сараввал Раиси шаҳр зикр намуд, ки ки дар партави нишондоди Пешвои миллат, Асосгузори сулҳу ваҳдат, Президенти Ҷумҳурии Тоҷикистон Эмомалӣ Раҳмон дар паёми навбатӣ Мақомоти иҷроияи ҳокимияти давлатии шаҳри Хуҷанд тасмим гирифт, ки дар самти пешрафти ин соҳа дар шаҳри Хуҷанд корҳои назаррасро ба анҷом расонад.
Зимни баромади хеш Шариф Шарифзода ҷиҳати ташкили ҷойҳои нави корӣ, таъмини амнияти озуқаворӣ ва пурзӯр намудани иқтидори содиротии кишвар, васеъ намудани доираи фаъолияти корхонаҳои саноатии мавҷуд буда, таъсиси корхонаҳои нави истеҳсолӣ, ворид намудани технологияҳои муосир ва ба роҳ мондани истеҳсолоти маҳсулоти тайёр аз ашёи хоми маҳаллӣ таъкид намуд.

Муфассал... Шарҳ додан

Намоиши “Мо ҳимоягарони Ватан” дар мактаби рассомӣ

21 Феврал 2017

Бахшида ба ҷашнгирии солгарди Артиши Миллии Ҷумҳурии Тоҷикистон дар Мактаби рассомии бачагонаи шаҳри Хуҷанд намоиши эҷодиёти хонандагони мактаб бо номи “Мо ҳимоягарони Ватан” баргузор гардид. Маросими ифтитоҳи ин намоиш бо иштироки ҷанговарони байналмиллал баргузор гардид. Дар ин чорабинӣ ҳамчунин омӯзгорон ва хонандагони Мактабҳои санъати №1 ба номи Лоиқ Шералӣ ва Мактаби санъати №3 бо эҷодиёти хонандагони худ иштирок намуданд.
Барои ҳаводорон ва дӯсторони ин намуди санъат зиёда аз 250 асарҳои хонандагон пешниҳод карда шуд.

Муфассал... Шарҳ додан

Табрикоти Раиси шаҳр бахшида ба 24-умин солгарди таъсисёбии Қувваҳои Мусаллаҳи Ҷумҳурии Тоҷикистон

(1 овоз, миёна 5.00 аз 5)

21 Феврал 2017

Ҳамдиёрони азиз!
Афсарону сарбозони гиромӣ!
Мӯҳтарам собиқадорони Қувваҳои Мусаллаҳ!
Ҳамаи Шуморо ба муносибати солгарди таъсисёбии Артиши миллии Ҷумҳурии Тоҷикистони соҳибистиқлол самимона табрику муборакбод намуда, орзуманди онем, ки дар Ватани азизамон ҳамеша сулҳу амонӣ пойдор ва зиндагии тинҷу осуда насиби мардуми кишвар бошад.
Воқеан 23 феврали соли 1993 дар таърихи соҳибистиқлолии кишвари азизамон бо таъсиси Қувваҳои Мусаллаҳ саҳифаи тозае боз гардид.
Қувваҳои Мусаллаҳи Ҷумҳурии Тоҷикистон тайи 24 соли фаъолият рӯзҳои сахту сангинро пушти сар карда, аз озмоишҳои шадиди ин солҳо гузаштанд ва имрӯз ба нерӯи қудратманди низомӣ, муҳофизи сулҳу субот ва фазои орому осудаи кишвар табдил ёфтаанд ва барои ҳифзи боэътимоди марзу буми Ватани азиз содиқона хидмат намуда истодаанд.