АсосӣБойгонӣ

Навгонӣ

Омодагӣ ба хизмати ҳарбӣ

16 Август 2017

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба ҷавонон эътиқоди калон доранду доимо дастгири ҷавононанд. Аз ин лиҳоз, соли 2017-ро Соли ҷавонон эълон карда, дар Паёми худ қайд намуданд, ки ҷавонони мамлакат Ватани худро дӯст доранду барои ҳимояи он ҳама вақт омода бошанд, ҳамчун ояндасози миллат ба қадри сулҳу субот, осудагиву ваҳдат ва истиқлолият расида, шукронаи давлати соҳибистиқлолро ба ҷо оваранд.
Хизмат ба Ватан қарзи шаҳрвандии ҳар фарди Тоҷикистон маҳсуб ёфта, ҳифзи марзу бум барои ҷавонон вазифаи муқаддас аст. Бинобар ин, бояд ҷавонон ин муқаддасотро мисли гавҳараки чашм нигоҳ доранду барои ҳифзаш ҳамеша омода бошанд.
Соле ду маротиба маъракаи даъвати ҷавонписарони синни даъватӣ ба сафи Қувваҳои мусаллаҳ доир мегардад. Бинобар ин, то оғози давраи даъват корҳои тарғиботиву ташвиқотӣ гузаронида мешаванд.

Муфассал... Шарҳ додан

Табрикоти Раиси шаҳр ба муносибати Рӯзи кормандони хадамоти ҳолатҳои фавқулодда ва мудофиаи гражданӣ

16 Август 2017

Кормандони хадамоти ҳолатҳои фавқулодда ва мудофиаи гражданиро бо иди касбиашон аз номи мақомоти иҷроияи ҳокимияти давлатии шаҳри Хуҷанд табрик намуда, барояшон саодатмандӣ, бурдбориро орзумандам.
Мардум дар бораи корнамоиҳои зумраи наҷотбахшон чӣ дар ҳолатҳои мудофиаи гражданӣ ва чӣ дар пешгириву рафъи оқибатҳои ҳолатҳои фавқулодда хуб огаҳанду ба онон аҳсант мехонанд. Зеро ки маҳз кормандони ин соҳа ҳамеша дар ҳама гуна ҳолатҳои номатлуби табиӣ аввалин шуда ба кӯмак меоянду зарардидагонро ҳамаҷониба дастгирӣ мекунанд.
Ин рӯзҳо чанде аз хизматчиён баҳри иҷрои вазифаҳои хеш ҷони худро барои ҳифзи Ватан фидо намудаанд ва дар иҷрои вазифаи ҷонӣ ҳар соату дақиқа омода мебошанд.

Муфассал... Шарҳ додан

Таҷлили Рӯзи сохтмончиён дар шаҳри Хуҷанд

14 Август 2017

Ба муносибати Рӯзи сохтмончиён дар толори Мақомоти иҷроияи ҳокимияти давлатии шаҳри Хуҷанд вохӯрии Раиси шаҳр Маъруф Муҳаммадзода бо коркунони соҳаи сохтмон вохӯрӣ баргузор гардид. Чорабини бо сухани ифтитоҳӣ Раиси шаҳр оғоз гардида, сухан ба муовини Раиси шаҳр Аюбҷон Раҳматзода дода шуд. Мавсуф табрикоти Мақомоти иҷроияи ҳокимияти давлатии шаҳри Хуҷандро ба ҳозирин расонида, аз комёбию дастовардҳои сохтмончиён ҳарф зад.
Дар интиҳо, сипосномаи Раиси шаҳр ба 12 нафар собиқадорону пешсафони соҳа супорида шуд.
Намояндаи Ассотсиатсияи сохтмончиён ва лоиҳакашони вилояти Суғд Муминҷон Бобоев ва собиқадори соҳа Муминҷон Орифов арзи сипосӣ сохтмончиёнро барои қадршиносӣ ба Раиси шаҳр Маъруф Муҳаммадзода изҳор намуданд.

Шарҳ додан

Табрикоти Раиси шаҳри Хуҷанд бахшида ба Рӯзи кормандони тиб

15 Август 2017

Аз номи мақомоти иҷроияи ҳокимияти давлатии шаҳри Хуҷанд Шумо, табибони ҳозиқ, ҳамшираҳои шафқат ва собиқадорони муассисаҳои тиббиро бо Рӯзи кормандони тиб самимона табрику муборакбод мегӯям. Орзу дорам, ки тандуруст, сарбаланду саодатманд ва ҳамеша омода ба ҳифзи сиҳатии омма бошед.
Дар сатҳи баланди маънавию фарҳангӣ таҷлил кардани иди касбии кормандони тиб, воқеан, ба зодрӯзи асосгузори тибби ҷаҳон, нобиғаи оламшумул, олим, файласуф, донишманд, классики адабиёти тоҷику форс ва энсиклопедисти беҳамто Абӯалӣ ибни Сино рост меояд.
Саломатӣ барои инсон давлати бузург ва аз зару зевар қимматтар аст ва ана ҳамин сиҳатиро маҳз табибон ва кулли кормандони муассисаҳои тандурустӣ ҳифз мекунанд.

Муфассал... Шарҳ додан

Аёдати сарбозон аз ҷониби волидайн ва масъулини шаҳр

14 Август 2017

Баҳри иҷроиши дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъулини Мақомоти иҷроияи ҳокимияти давлатии шаҳри Хуҷанд сарбозони ҷузъу томҳои қисмҳои ҳарбии кишвар, фиристодагони шаҳри Хуҷандро соле як-ду маротиба аёдат менамоянд, ки он ба ҳукми анъана даромадааст.
Санаи 11-и август гуруҳи корӣ ва волидайни сарбозон бо супориш ва дастгирии бевоситаи Раиси шаҳри Хуҷанд муҳтарам Маъруф Муҳаммадзода ба қисмҳои ҳарбии шаҳрҳои Душанбе, Ваҳдат, Ҳисор, Қурғонтеппа, навоҳии Абдураҳмони Ҷомӣ, Бохтар, Ҳамадонӣ, Панҷ, мавзеъи Тавилдара сафар намуда, аз ҳолу аҳвол, сатҳи хизмат ва шароити зисти сарбозони ватан хабар гирифтанд.