АсосӣБойгонӣ

Навгонӣ

Оғози ҳафтаи фарҳанги ВМКБ дар вилояти Суғд

22 Август 2017

Тавре қаблан иттилоъ дода будем, аз 21 то 26-уми августи соли 2017 дар вилояти Суғд ҳафтаи фарҳанги Вилояти Мухтори Куҳистони Бадахшон баргузор мешавад.
Нимаи якуми рӯзи душанбеи 21 август меҳмонон-иштирокчиёни ҳафтаи фарҳанги ВМКБ дар вилояти Суғд ба вилоят ташриф оварданд. Меҳмонони ВМКБ-ро намояндагони Мақомоти иҷроияи ҳокимияти давлатии вилояти Суғд ва сокинони ноҳияи Айнӣ гарму самимӣ истиқбол намуданд.
Иштирокчиёни ҳафтаи фарҳанги ВМКБ дар вилояти Суғд дар ноҳияи Айнӣ сараввал дар зери муҷассамаи шоири маъруфи тоҷик Нақибхон Туғрали Аҳрорӣ гулу гулдастаҳо гузошта, мақбараи шоирро зиёрат намуданд.
Сипас барои меҳмонон дар Қасри фарҳанги ноҳияи Айнӣ барномаи фарҳангӣ таҳти унвони “Хуш омадед, меҳмонони Бадахшон” манзур карда шуд.

Муфассал... Шарҳ додан

Машварати кормандони соҳаи маориф баргузор гардид

21 Август 2017

Дар мактаби таҳсилоти миёнаи умумии №16 машварати кории омӯзгорон, директорон, ҷонишинони директор, кормандони иттифоқи касаба, китобдорон ва муҳосибони мактабҳои шаҳр баргузор гардид. Дар рӯзи аввали машварат омӯзгорони шаҳр аз рӯи ҳамаи фанҳои таълимӣ дар ҳуҷраҳои алоҳида ҷамъ омада, бо шунидани маърӯзаҳои илмӣ фикру андешаҳояшонро баён доштанд.
Чунин машварати корӣ бо иштироки директорон, ҷонишинони директор, кормандони иттифоқи касаба, китобдорон, маркази дарёфти рушди истеъдодҳо ва муҳосибони мактабҳои шаҳр дар рӯзи дуввум баргузор гардид. Дар ҳар як бахш беш аз панҷ маърӯзаи илмӣ шунида шуда, перомуни он иштирокчиён мубодилаи афкор намуданд.

Муфассал... Шарҳ додан

Ба истиқболи Рӯзҳои фарҳанги ВМКБ дар шаҳри Хуҷанд

17 Август 2017

Бадахшон… сарзамини кӯҳсорон, гӯшаи зебоманзари ҷаҳон, пораи ҷонпайванди Тоҷикистон… Бадахшоне, ки Боми ҷаҳонаш мегӯянд, Бадахшоне, ки дар оғӯши гармаш фарзандони шоистаи даврро парваридааст, Бадахшоне, ки лаълу ёқуту сурмаву сангаш зеби зебосанамони тоҷик шудааст.
Ана дар ҳамин сарзамини биҳиштӣ, дар «замини сахти кӯҳистон» бо «дили нарм» духтараке зода шудаву парвариш ёфт, ки падару модари некбахташ номашро Нигина ниҳоданд. Нигина Ҳайдармамадова 10 июли соли 1974 дар маркази маъмурии Вилояти Мухтори Кӯҳистони Бадахшон - шаҳри Хоруғ дида ба олами ҳастӣ кушод ва дар зодгоҳаш бо ҳазор умеду орзу дар дил ба воя расид. Қатори ҳамсолони хушбахташ ба мактаби миёна рафт, аз донишҳои замонаш мусаллаҳ гашт, дӯстону дугонаҳои зиёд пайдо кард, вале ҳатто дар ягон гӯшаи хаёлаш набуд, ки рӯзе маскуни дигар шаҳр мешаваду он маконро низ метавонад аз сидқи дил дӯст дорад.

Муфассал... Шарҳ додан

Омодасозии духтарон ба оиладорӣ

17 Август 2017

Тибқи амри Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва дар асоси нақша-чорабиниҳои тасдиқ гардидаи Мақомоти иҷроияти ҳокимияти давлатии шаҳри Хуҷанд баҳри баланд бардоштани маърифати оиладории ҷавондухтарон ва омода намудани онҳо ба рӯзғордорӣ, тарғиби таомҳои миллии тоҷикӣ ва пойдории оилаҳо таҳти роҳбарии шуъбаи кор бо занон ва оилаи шаҳр дар 22 кумитаи маҳалла чорабиниҳои гуногун гузаронида истодаанд.
Дирӯз дар маҳаллаи «Суғдиён»-и шаҳри Хуҷанд маҳфили «Кадбону» бо иштироки як гурӯҳ занони фаъолу духтаракони қадрас доир гардид. Занони маҳалла ба духтаракон тарзи пухтани таоми миллии тоҷикон-оши палав, бастани самбӯса, омодасозии хамир барои пухтани нонро омӯзониданд.

Муфассал... Шарҳ додан

Баргузории Рӯзи кормандони тиб дар шаҳр

(1 овоз, миёна 5.00 аз 5)

16 Август 2017

Имрӯз ба муносибати Рӯзи кормандони тиб дар толори Мақомоти иҷроияи ҳокимияти давлатии шаҳри Хуҷанд чорабинии идона бо иштироки Раиси шаҳр Маъруф Муҳаммадзода ва собиқадорону кормандони соҳаи тиб дар сатҳи баланд баргузор гардид.
Сараввал Раиси шаҳр Маъруф Муҳаммадзода сухан ронда, оиди пешрафти соҳаи тандурустӣ дар шаҳр ва саҳми табибон дар беҳдошти ҳифзи сиҳатии омма сухан карданд. Баъдан сардори Раёсати тандурустии вилоят Мақсудзода Фаррух низ маърӯза намуда, кормандони соҳаро бо ин рӯзи таърихӣ таҳният намуд. Ҳамчунин мувини Раиси шаҳр Ҳошимзода Раъно табрикоти Мақомоти иҷроияи ҳокимияти давлатии шаҳри Хуҷандро ба ҳозирин расонида, аз комёбию дастовардҳои назарраси соҳа ҳарф зад. Қайд карда шуд, ки нишони эътибори аҳли ҷомеа ба онҳоест, ки шабу рӯз баҳри ҳифзи саломатии мардум заҳмат мекашанд.