Мусобиқаи футболбозони наврас «Бойчечак» оғоз ёфт.

09 Январь 2017

Дар ҳамкорӣ бо шӯъбаи маориф ва нақша чорабиниҳои Бахши ҷавонон, варзиш ва сайёҳӣ бо мақсади ҷалби хонандагон дар давраи таътили зимистона ба мусобиқаҳои варзишӣ, дарёфти истеъдодҳо ва варзишгарони болаёқат дар шаҳри Хуҷанд мусобиқаи кушодаи шаҳрӣ оид ба футбол барои дарёфти мукофоти "Бойчечак" байни наврасони соли таваллудашон аз соли 2000 то соли 2005 оғоз гардид.
Ин мусобиқаи анъанавӣ аз санаи 4 то 29 январи соли 2017 дар Муассиаи давлатии «Мактаби варзишии №1»-и маркази вилоят идома меёбад.
Назар ба иттилои масъулини ин чорабинӣ барои ширкат дар ин мусобиқа дастпарварони муассисахои таълимӣ синну соли 2004-2005, 12 даста, соли таваллудашон 2002-2003 - 18 даста ва наврасони соли таваллудашон 2000-2001 - 20 даста дархост пешниход намуданд.

Дар шаҳри Хуҷанд дарахтон бо усули нав обёрӣ мешаванд.

07 Январь 2017

Аз субҳи имрӯз бештар аз 20 нафар кормандони қитъаи кабудизоркунии  шаҳр  майдони ниҳолу гулшинонии кӯчаи ба номи Р. Ҳоҷиевро тахту ҳамвор намуда, барои шинондани ниҳолҳои сояафкан омода менамоянд.
То имрӯз дар ин минтақа 76 бех ниҳоли навъи ардач ва 55 бех ниҳоли навъи санавбар шинонда шудааст.
Тибқи нақшаи Сарраёсати ободонӣ ва кабудизоркунӣ  дар маркази вилоят соли равон шинондани бештар аз 3 ҳазор дарахтони сояафкан ва 800 ҳазор қаламчаи гули садбарг пешбинӣ гаштааст.
Назар ба иттилоти масъулини соҳа соли равон дар мавзеҳои мухталифи шаҳри Хуҷанд ба ғайр аз навъи ниҳолҳои зикргардида ҳамчунин дарахти намудҳои булут, каталпа, санавбари шарқӣ шинонда шуда, бо назардошти таркиби хоки маҳаллаҳои кабудизоркунии соҳилирости шаҳр, ниҳолу дарахтон бори аввал бо усули қатрагӣ обёрӣ карда хоҳанд шуд.