Аксияи «Салом! Модар ман туро дӯст медорам!»

10 Февраль 2017

Тибқи дастури Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва бахшида ба эълон гардидани «Соли 2017 – Соли ҷавонон» Аксияи тарбиявӣ таҳти унвони «Салом! Модар ман туро дӯст медорам» дар маркази шаҳри Хуҷанд гузаронида шуд.
Аксияи мазкур дар ҷойҳои аҳолинишини шаҳр баргузор гардида, аз ҷониби 20 нафар волонтёрони назди бахши ҷавонон, варзиш ва сайёҳии шаҳри Хуҷанд гузаронида шуд.
Мақсад аз баргузориии Аксия ин беҳдошти тарбияи маънавии ҷавонон, ҳурмату эҳтиром нисбати модар ва волидайни худ мебошад.
Аксияи мазкур 4 соат давом дода дар он наздик 70 нафар шаҳрвандон ба модарони хул  паёми меҳрубонӣ  расонданд.

Боздиди Раиси шаҳр аз се маркази саломатӣ.

10 Февраль 2017

Раиси шаҳри Хуҷанд Шарифзода Шариф Файз бо  мақсади  шиносоӣ бо ҳолат имрӯзаи хизматрасонии тиббӣ, аз фаъолияти чанде аз марказҳои саломатӣ боздиди корӣ намуд. Ин боздид аз Маркази саломатии № 6 шурӯъ гардид.
Марказ барои хизматрасонии зиёда аз 12 ҳазор сокинони маҳаллаи «Бофанда»  ва атрофии он пешбинӣ гардидааст. Бино аз 5 ошёна ва 32 ҳуҷра  иборат буда, бо кӯмаки мақомоти маҳаллӣ қисман аз  таъмир бароварда шудааст. Айни замон боз барои таъмири ду ошёнаи дигар ниёз дорад. Бо мақсади беҳтар намудани сифати  кори лабараторияи ташхисӣ дар соли сипаригашта аз ҷониби Мақомоти иҷроияи ҳокимияти давлатии шаҳри Хуҷанд 78 ҳазор сомонӣ маблағ ҷуда гардид. Бо ин васила ин маркази саломатӣ имкон пайдо намуд  номгӯи ташхиси худро  ба 58 намуд  расонда  , барои  сифатан беҳтар намудани  фаъоляти ташхисгоҳ шароит  фароҳам  оварда шавад.