Чорабинӣ бо сухани табрикии муовини аввали директор Ҷавоҳир Ашуров оғоз ёфт. Номбурда ҳозиринро ба муносибати ин рӯзи фархунда самимона табрик намуда, аз дастовардҳои назарраси муассиса дар соли таҳсили 2025–2026 ёдовар шуд.

Қайд гардид, ки соли таҳсили сипаришуда барои литсей соли муваффақият ва дастовардҳои назаррас ба ҳисоб меравад.

Аз ҷумла, ишғоли мақоми аввал аз ҷониби омӯзгори литсей дар даври ҷумҳуриявии озмуни ҷумҳуриявии таҳти сарпарастии Пешвои миллат «Фурӯғи субҳи доноӣ китоб аст», соҳиби Ҷоми байналмилалӣ гардидани хонандагони муассиса дар олимпиадаи байналмилалии робототехникии «Robotek Grand Tournament 2026» дар шаҳри Остонаи Ҷумҳурии Қазоқистон, ба даст овардани 6 медали тилло ва 2 медали нуқра дар олимпиадаи байналмилалӣ аз фанни математика таҳти унвони «Komodo Mathematics Olympiad 2026» дар ҷазираи Балии кишвари Индонезия, ишғоли 10 ҷойи намоён дар олимпиадаи ҷумҳуриявии фаннӣ, инчунин шарафёб гардидани 3 нафар хонандаи муассиса ба Стипендияи Президенти Ҷумҳурии Тоҷикистон ва 2 нафар ба Стипендияи Раиси шаҳри Хуҷанд аз муҳимтарин дастовардҳои муассиса арзёбӣ гардиданд.

Ҳамзамон, дар ҷараёни чорабинӣ ғолибони Стипендияи Президенти Ҷумҳурии Тоҷикистон ва Раиси шаҳри Хуҷанд бо Ифтихорномаи муассиса қадрдонӣ карда шуданд.

Инчунин бахшида ба Рӯзи ҷаҳонии футбол байни хонандагони муассиса мусобиқа барои дарёфти Ҷоми «JAVONI CUP-2026» баргузор гардид, ки дар натиҷа дастаи хонандагони синфи 8 “А” соҳиби унвони қаҳрамонӣ гардида, бо Ҷоми фахрӣ қадр карда шуданд.

Дар қисмати фарҳангии чорабинӣ хонандагони синфҳои 1 ва 4 бо барномаҳои рангини фарҳангӣ бо забонҳои тоҷикӣ, русӣ, англисӣ ва олмонӣ суруду рақс ва композитсияҳои адабиро манзури тамошобинон гардониданд.

Чорабинӣ дар фазои сулҳу ваҳдат, дӯстӣ ва ифтихор аз Истиқлоли давлатӣ ҷамъбаст гардида, дар анҷом хонандагон муҳаббату садоқати худро нисбат ба Пешвои муаззами миллат бо иҷрои суруди дастаҷамъона иброз намуданд.

Шарҳ додан

Ном (ҳатмӣ)

E-Mail (ҳатмӣ)

Сайт

Номнависӣ барои қабули шарҳҳои нав

Нав кардан

Шарҳ додан

Отменить