09 Май 2026
Недоступен ни однин перевод.
Имрӯз Раиси вилояти Суғд Раҷаб Аҳмадзода ва Раиси шаҳри Хуҷанд Фирдавс Шарифзода бо рафти сохтмони бинои МТМУ №26-и шаҳр, ки ба истиқболи 35 солагии Истиқлолияти давлатии Ҷумҳурии Тоҷикистон бунёд мешавад, аз наздик шинос шуданд.
Иттилоъ дода шуд, ки бинои мазкур бо маблағгузории Мақомоти иҷроияи ҳокимияти давлатии вилояти Суғд бо бунёди таҳхона ва 4 ошёна барои 3000 хонанда ду баст пешбинӣ шуда, то оғози соли нави хониш сохта ба истифода дода мешавад. Дар муассисаи таълимӣ бунёди толори варзиш, ошхона, маҷлисгоҳ, китобхонаи электронӣ, майдони футбол низ ба назар гирифта шудааст
Раиси вилояти Суғд Раҷаб Аҳмадзода зимни шиносоӣ аз раванди бунёди бинои мактаб таъкид дошт, ки соҳаи маориф яке аз самтҳои муҳим ва афзалиятноки сиёсати Ҳукумати мамлакат ба ҳисоб рафта, ин соҳа ҳамчун захираи стратегии инкишофи зеҳнӣ ва омили муҳимтарини таҳкими давлатдорӣ таҳти таваҷҷуҳи доимии давлату Ҳукумат қарор дорад. Бесабаб нест, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон солҳои 2020-2040-умро “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон доштанд. Оянда ба бунёди муассисаҳои нави таълмии равияи фанҳои дақиқ таваҷҷуҳи бештар зоҳир карда мешавад.
Дафтари матбуоти
Раиси шаҳри Хуҷанд
