29 Апрел 2026
Дар чойхонаи “Қӯшҳавз”-и маҳаллаи Ҷаббор Расулови шаҳри Хуҷанд бо шукргузорӣ аз сулҳу суботи Ватан ва эҳтироми баланди хизматҳои фарзандони ҷасури худ, маросими бошукӯҳи истиқболи сарбозон, ки хизмати Ватанро бо сари баланд анҷом доданд, баргузор гардид.
Ин чорабинӣ ба ҳар як фарди ватандӯст рӯҳияи ифтихор бахшида, нишон дод, ки Тоҷикистони азизамон бо чунин ҷавонони далеру волидайни фидокор ифтихор мекунад.
Сарбозон Мубинҷон Нурматов, Амирҷон Ҳасанов ва Мӯъминҷон Ҳоҷиев, ки сокинони маҳаллаи “1 май” шаҳр мебошанд, бо сарбаландӣ аз хизмати Ватан баргашта, волидайни ин ҷавони шуҷоъ бо туҳфа ва сипоснома қадрдонӣ шуданд. Ин падару модароне, ки бо меҳр ва заҳмати хеш фарзандонеро тарбия кардаанд, ки дар ҳар лаҳза садоқати худро ба Ватан нишон медиҳанд, имрӯз бо эҳтироми хосса пазируфта шуданд.
Хизмат ба Ватан арзиши муқаддасе аст, ки дар дили ҳар як ҷавони сарбоз реша давондааст. Маросим бо эҳтироми волидайни сарбозон баргузор гардида, ҳамчун рамзи арҷгузорӣ ба заҳмати онҳо доир шуд. Маҳз бо талошҳои ин фарзандони сарбаланди тоҷик сулҳу субот, ваҳдат ва ягонагии кишвари мо таъмин гаштааст, ки мояи ифтихор ва сарфарозии ҳар як шаҳрванди Тоҷикистон мебошад. Бигзор Ватани азизи мо ҳамеша ором бошад ва насли ҷавон ҳамеша бо руҳияи баланд ва садоқати амиқ ба меҳан хизмати намоянд.
Дафтари матбуоти
Раиси шаҳри Хуҷанд
